احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Thursday, December 6, 2007

تاج ذو النون

في اي عصر من عصور مصر التاريخيه تحب ان تعيش ؟ و في اي عهد؟ و لماذا؟
في العصر الفاطمي لانه اثرى مصر بالكثير من العادات و التقاليد اللي انا عن نفسي بحبها و بعتبرها حلوة و من غيرها مكنش حيبقى لمصر طعم خاص جدا جدا جدا بيها و ممكن فترة السبعينات مش عارفة ليه
ما هي الاولويه الاهم في حياتك(اهلك ،شغلك ،اصحابك)؟
اهلي صحابي شغلي
لو حكمت مجموعه من الناس ،ممكن تكون حاكم عادل؟
اذا يستحقوا اني اكون عادلة معاهم فخدمهم بعيني بس لو مش حيعجبهم العج بو الصيام في رجب و فالحين يشتكوا و بس يبقى خلاص هما حكموا على نفسهم
ماذا ستفعل لتتاكد انك حاكم عادل؟
بالقياس و المتابعة و وزن الامور و نتائجها
ما سبب فساد الحاكم في رايك ،هل الحاكم نفسه ،ام الحاشيه ،ام الشعب؟
المثل بيقول ايه فرعنك يا فرعون قال ملقيتش حد يلمني او يعني حاجة شبه كدا فالفساد لو جه من اي طرف يبقى حيوصل للاطراف التانية برضو
من هو اكثر اعلامي بتحترمه؟
يسري فودة
لوتمنيت ان تعمل في وظيفه اخري غير وظيفتك فما هي هذه الوظيفه؟
اي شئ له علاقة بالكتابة و القراءة و التصميم
ما هو البلد الثاني الذي تتمني ان تعيش فيه بعد مصر؟
اليونان
هل تراعي كلام الناس عنك ؟و لماذا؟
في اوقات براعي لكن في اوقات تانية ولا بيهمني لان ياكتشفت ان النسا معندهاش راي و لو انت حسستهم انك عاوز تاخد رايهم كل واحد حيتفلسف و يفتك رنفسه افلاطون زمانه
قمت من نومك ففوجئت بان العصر ارتد الي الماضي و ان الكمبيوتر و الموبايل و غيرها من الاختراعات قد اختفت ،وانك تعيش في عصر الحمام الزاجل ،هل ستكون سعيدا ؟و لماذا؟
ممممممممممممممم حكون سعيدة لاني رجعت لراحة البا و حقدر اقرا الكتب المتكومة عندي و معنديش ليها وقت و حنرجع ماشيين براحتنا ز يزمان
السعاده هي ؟
الرضا بما في اليد
عندك امل؟ و ما اسبابك؟
للاسف عندي و حاولت اتخلص منه لكنه غلب القطة ام سبع ارواح و دلوقتي انا يأسة منه لابعد حدود اصله عامل زي الصديق الغتت لا يسيبك في حالك و لا يفهم انك مش طايقه حاليا
حينما تهرب من كل شيء ،فالي اين تذهب؟
البحر
متي كانت اخر مره اخذت فيها نفسا عميقا و قلت في نفسك انا فعلا كبرت" " ؟
من فترة في مكان عملي سمعت زميلة بتقول لتانية " لا لا دي كبيرة تجيلها 32 سنة" فاتخضيت لانه مش فاضلي كتير على 32 فقلت لها طيب و هي 32 دي كبيرة يا فلانة فقالت لي طبعا كبيرة فقلت لها طيب انا تديني كام سنة ردت انها تديني بالكتير 25 قال ايه انا وشي طفولي
قلت متشكرة اوي و مشيت و انا يومها حالي مقلوب و متشقلب و ربنا كان العالم بيا
هل انت مدخن؟
مممممممم احيانا كل سنة مرة
اذا رايت امراه تدخن فما شعورك ؟و لماذا ؟
براحتها هي المسؤولة عن نفسها
اذا عملت عملا خيريا ،فما دافعك الاول؟
عشان في شخص محتاجه و ان ربنا مش موفقني في شغلي غير بس عشان اتقاسم رزقه مع خلقه التانيينو في راي المتواضع هي دي الاشتراكية بكل بساطة لا تقلي انجلز و لا ماركس و لا لينين و لا ابو سنة و عم عبده
ما هي اكثر اله موسيقيه تحبها؟
الناي ثم الناي ثم الناي، زمان كانوا العود و الجيتار و البيانو و اخيرا الطبول بانوعاها لكن من سنة اكتشفت ان صوت الناي بيضرب على اوتار في القلب و بيعمل دماغ عالية جدا
في رايك ،لماذا انعدم الذوق و النخوه في الناس؟
بسبب شخص واحد فقط مات و شبع موت و ربنا يجحمه ان شاء الله على اللي عمله فينا لانه خلى الناس تتعلم الرشوة و الفساد بجميع اشكاله و خلى الناس تتعود تشك في نفسها بوظ البينة الاجتماعية من اساسها يعني منه لله منه لله منه لله
اذا اخترت ان تكون من اصحاب الاملاك ،فاي شيء تحب ان تملك(ارض زراعيه ،معرض سيارات،عمارات و رصيد في البنك)؟
ارض زراعية و امشي فيها و اتفرج على اللون الاخضر لغاية ما انام تحت اي شجرة

البحر ام النيل؟
البحر البحر البحر مالوش قرار بس لما يهدى بيتكلم و يقول كتير

مركب ام طائره؟
طائرة ، انا بحب اسافر بس مش بحب السفر نفسه بكون في قمة التوتر و التعب

مجنون ام عاقل؟
الاتنين حسب الوقت و الظرف

تقرا كتاب ام تشاهد فيلما؟
اقرا كتاب
لمن تمرر التاج؟
لكل حد ولاي حد


7 comments:

ذو النون المصري said...

ماشي يا ست حفصه
انا قريت التاج و كام اجابه كده عجبوني جدا و بعضها دمها خفيف خصوصا اجابة سؤال الامل
اول مره اقرا ان حد كاره الامل و شايفه بسبع ارواح و اكتر كمان من القطط
تحياتي

ذو النون المصري said...

ياريت اذا دخلتي علي التعليقات تكتبي لي كود الصوت لانه ضاع من عندي و مش عارف اعمله من تاني
و مغلبني

انحلت سيور العربه وسقط المهر من الاعياء said...

ازيك يا حفصه
اكتر شيئين عجبونى فى البوست هو تعبيرك الجيد عن معنى الاشتراكيه ومن وجهة نظرى الشخصيه ان الاشتراكيه هى مبدا اسلا مى فى الاصل ممثل فىالتكافل والعداله الاجتماعيه ومبادىء الصحابى الجليل ابو ذر الغفارى
وضعت اصول المنهج اما الشىء او الملمح الثانىهو حبك للاراضى الزراعيه
اوعدك انزل مصر وانا هعملك برتى هايل فى ارضنا
ههههههههههههه
مع انى عايش فى وسط الارض بس عمرى ما مليت يوم من انى اشوفها وعمرها ماكانت فى يوم الا حضن دافى بيسمع منى من غير ما احكى
.........................
والاهم الحقبه الفاطميه
وما مصر الا مصر الفاطميه
عاجبنى رايك جدا فى ان فعلا الفتره الزمنيه هى افضل فتره لا نه فعلاهى ريحة مصر وهى الخصوصيه الحضاريه للمصرين والفيصل بينها وبين المتشنجين العرب وعلى رؤسهم الوهابين ومن فقدوا اللون والطعم والر ائحه من الخليجين
الاستثناء الوحيد من العرب هم المغاربه والمصريون

تحياتى

الجزئيه عاوزه تفريد اكتر


بس الغدا محطوط والاصوات علت بالشجب

سلا م

^ H@fSS@^ said...

ههههههههه مالك يا ذو النون بتقولي ماشي زي كانك بتتوعدني مثلا
هههههههه
بهزر متخدش كلامي جد ابدا
بص هو انا مش كاره الامل بس تقدر تقول زهقت منه لانه بيفضل عندك امل و مافيش اي حاجة بتتحسن او على القل بتفضل في نفس مستواها
لأ
كله الى الاسفل


جحيم افتدم
مش بذمتك هي دي الاشتراكية بعينها؟
هي ولا مش هي؟؟
انا عارفة بس مدكنة
امال
و لما انز لمصر ان شاء الله لازم نعمل حفلة
و لما تخلص الغدا بالهنا و الشفا ابقى كمل الجزئية

تحياتي

DantY ElMasrY said...

ازاى بس هاتحكمى بالعدل فقط اذا كان الشعب يستاهل ؟؟؟؟؟؟؟؟؟؟؟
يعنى لو ماسمعوش كلامك يبقى نهارهم مدوحس وليلهم كوابيس
بتهزرى اكيد بتهزرى
العدل قيمة مطلقة ويستحقها كل انسان بل كل مخلوق حتى الشيطان عليه السلام

اتفق معاكى فى سبب انعدام النخوة والضمير ولاحظت نفس الظواهر فى ليبيا وانا هناك اللى بيحكمها نظام لا استطيع وصفه غير انه نصاب

DantY ElMasrY said...

حبيبى جحيم
انا معاك بحب المغاربة وبحس ان ليهم نكهة خاصة واصلية
بس بحس فيهم بسذالجة او هبل
نفسى اعرف اخبار محمد كابوسا وحسن الرباطى ومحمد الرباطى وعبد الكريم وعبد الكبير .....يااااااااااااااااه
كابوسا شخصية من الف ليله وليلة
ديكورست بريمو زى البرلنت بس فاشل وبيستلف تمن السجاير
محمد معلم ومعاه بطاقة صانع يدوى معتمدة من وزارة الصناعة المغربية وبيفطر حشيش ويتغدى حشيش ويتعشى بردك حشيش
حسن وابراهيم عاملين زينا كدا مزاج مصرى يعنى بيربو ولادهم وماشيين جنب الحيط عبد الكبير حاول يسافر لمعظم الدول المتقدمة اوربا وامريكا واستراليا واليابان بس بطرق غير شرعية لكن له عمر
هو كمان نجار اويما مش عادى
كريم حلاق يحلقلك فى 3 دقايق وحلاقة ستايل ومنتهى النظافة وكل ما يشوفنى يقولى :قوللى نكتة مصرية
تحياتى للجميع

^ H@fSS@^ said...

يا دانتي يا ابني
مش فيه ايه بتقول كيفما تكونوا يولى عليكم؟ ولا مش ايه مش مشكلة بس الفكرة يعني ان زي ما الناس حتكون ربنا حيولي عليهم اللي يستاهلوه
بس فانا ناوية اكون كده ان شاء الله
بس

تحياتي