زي ما محمد المصري اتصدم في فلم هي فوضى و زعل من يوسف شاهين انا كمان مصدومة في الملك
مكنتش مستوقعة كده
انا اتاخدت غدر يا رجالة
و انا من منبري هذا اطالب ان تذاكر منير يتم حجزها حسب الطول
وبالتالي واحدة في طولي القصير لازم تبقى اول صف
انا يدوبك سمعته
لماذا هذة التعسفية؟؟
ليه ميطولوش الستاند متر واحد فقط حتى يتمكن البسطاء مننا من الرؤية المجردة ؟؟
ليه ميحطوش شاشات عرض عشان توصل للجمهور الغفير القصير اللي وقف على طراطيف صوابعه لما جالي شد عضلي؟؟
ليييييييييييييييييييييييييييييييه؟
ها!!؟؟
حد يفهمني
بقى انا ينتهي بيا المطاف اني يا دوبك سامعاه و الناس بتوصفلي هو بيعمل ايه؟
ايه جرى للدنيا؟؟
مافيش عطف على ناس زيي خلاص؟؟
مش كانوا بيقولوا زمان احترام الكبير و العطف على الصغير و السيدات اولا؟؟
طيب انا محصلتش ولا حاجة من دول؟؟
اتصنف انا مع مين دلوقتي؟؟
مين يجيبلي حقي و ينصرني و يوصل صوتي لمنير يقله اللي بيحصل ده يبقى مسخرة و ظلم
اييييييييييييه
يا انا يا حفلتك يا منير السنة الجاية ان شاء الله
بس سيبكوا
الملك حيفضل ملك
28 comments:
ههههههههههههههههههههه
موقف الوقفة في آخر المسرح ده حصل معايا في حفلة نصير شمة من سنة كده
بس أنا لما بقف في أي حتة من ال مسرح باشوف كل حاجة
:P
و ايش جاب لجاب يا يحيي
انت ماش شاء الله شكلك معي المترين براحة
بس انا متر و اقطع اعمل ايه؟؟
ابقى خدى معاكى كرسى تقفى عليه
انتَ بتهزر يا يحيى !!
أنا معرفش نصير شمة بيحضرله كام الحقيقة بس عموماً مش هيزيد عن أربع آلاف .. قول خمسة من عندي ، حضرتك لما تقف في الآخر هتشوف أكيد يعني !
إضافة لإني أعتقد إن الناس بتكون قاعدة ، فإنك تشوف كل حاجة مش إنجاز الحقيقة :)
الوضع مختلف تماماً في منير .. وفي الحفلة دي تحديداً
الحفلة دي هي أكبر حضور في حفلة لمنير .. أكتر من خمسين ألف بني آدم واقفين يسمعوه عشان كده صدقته أوي لما قال أنا حاسس إن معايا شعب بحاله
الفكرة مش في الطول .. لإنك حتى لو طويل مش هتشوف !
اللي يضايق فعلاً إن الزحمة كانت زيادة عن اللزوم في صغر مساحة الباركينج بتاع الأوبرا ! ، فأكتر من نص الحفلة قضناها زق
بس أنا مكنتش عايز أشوفه .. مش فارقة لإنه مش نانسي عجرم ولا هيفاء وهبي مثلاً ، أنا جاي أسمعه في المقام الأول والأخير
بس المشكلة الحقيقية في الهبل اللي هبله والهطل اللي هطله
مش الأغاني طبعاً عشان محدش يدخل شمال ، قصدي الفواصل الهاطلة اللي كان بيقولها وهو مش مراعي إن الزفت اللي بيشمه بقى مضروب فبقى يطلع كلام زي النيلة على طريقة إن كل شباب مصر بيشتغلوا وكل بيت فيه خمس ست عربيات على الأقل
يا راجل ده انتَ نص اللي حضرينلك عمرهم ما ركبوا تاكسي وجايين يخبطوا في الأتوبيسات وهما مسطولين ، خمس ست عربيات فين !!
بفكر أنزل تدوينة أشتمه فيها لو رامز الشرقاوي معملهاش
بس رغم كل حاجة ، أنا اتبسطت في العموم
ويكفيني فعلاً ساح يا بداح بالروح دي والإحساس ده .. وممكن بالاحترافية اللي اتقدمت بيها
الله يا منير بجد
رغم كل الهبل اللي قلته
الكبير كبير ولسه الأغاني ممكنة
---
سعيد فعلاً إني اتعرفت عليكِ في اليوم ده يا حفصة
ليكِ عندي سي دي فيلم ذا ديبارتيد على فكرة ، مش ناسيه وقلت لمصطفى إنه لو هيقابلك يقولي عشان أديهوله
أتمنى تكون أجازتك كانت سعيدة وفرقت معاكِ من جوا
ههههههههههههههههه
هههههههههههههه
هههههههههههههههههههههه
انتي في اجازة يا كوبا طب مش تقولي نعمل معاكي واجب
اخص عليكي
طب مش جايه اليكس
يا تيجي يا تستني انزلك اول فبراير
ههههههه اصلي مشغوله طحن الطحن
لبعتي لي ميل انشاالله حتي اقولك هاي علي اللفلفون
يا وحشه
وبعدين طولك كام قري واعترفي
وليه ومن امتي وايه الاسباب
ودليلك ايه
ولما انتي قصيره بتخشي خناقات قصاد تلاته اربعه ليه
مستعفيه نفسك
اوعي تقولي كمان رفيعه
ومسلوعه
زيي تبقا كملت
وطبلت
والحاله جيم
وقانون الطوارئ لازم يطبق عليكي
رفيعه وقصيره ومشاغبه
ومدونه
يعني حاله فيها استحاله
لا وايه كمان رومانسيه وبتحبي منير
مالو حماقي؟؟
مش عاجبك
طيب لما تيجي اليكس عندنا اوبرا والنعمه
ها اعزمك علي الموسيقي العربيه
تهذيب وتأديب
يلا وعلي حسابي
تحياتي
هاف انايس تايم
:)
hwa 2ana 2elwa7eed 2elly mabasma3shy Mounir?!
use stilts, menha te7elly 2elmoshkela wemenha testarza2y :P
سيبك من الكلام دا كله
انا مكنتش ناوي انزل القاهره
لولا انك راجعه لسفر فقررت انزل اهو الجماعه اللي هنا نشوفهم في يوم تاني منكونش مشغولين فيه
لكن لما جيت القاهره ملقيتش انك هتكوني هناك فاستغربت مع انك صاحبة الدعوه و اللمه من البدايه و لولا ارقام الموبايلات ا للي اخدتها منك مكنتش رحت اصلا
لكن و الله ان مبسوط انك عملتيها لاني شفت ناس كان نفسي فعلا اقابلهم
الحفله انا كان نفسي احضرها
لكن مبحبش الزحمه
تحياتي
و كل سنه و انتي طيبه
حلوين كلمتين محمد المصري دول
ههههههههههههههههههه
مهوش نانسي و لا هيفا
فعلا دول بيتشافوا مش بيتسمعوا
و علي فكره الظاهر ان حكاية الحاجات اللي منير بيشربها دي بقت مفضوحه وو الكل عارفها و خايف انها تدمره زي ما دمرت غيره و ركنته علي الرف
السلام عليكم
يا عينيي عليك يا حفصة يلا بركي المرة الجاي تكون احسن من هيك
انت خدي معك سلم
عن جد الي حكاه محمد المصري؟
يعني هو بحشش؟؟؟
تستاهلي .......
انا انبسط قوي صحيح اتدربت و شفت اربع سعات لاطعا و وقفا لما رجلى ورمت بس انبسط في الحفلة الي يفرس بقا و استفزني و كان هايموتني و يشلني غادة عادل المستفذة
اعرف بس مين اللي طالعهالو على المسرح
هيا الحفلة خلصت امتى عشان انا مشيت الساعة واحدة الوقفة و الزحمة جابو داغي
يا محمد انت مش متخيل الطوفان البشري لو جبت كرسي حتفعص معاه زي الهريسة
محمد المصري
اولا احب اقولك اني شفت هي فوضى و الفلم خطير خطير خطير و كويس ددا ددا ددا
مش عارفة انت مصدوم ليه
:)
بس يعني على حظي دي تكون اكبر حفلة حضور لمنير
انا عارفة حظي
بس فكرك الصنف يومها كان ضارب للدرجة دي؟؟
انا اتفقعت من المواعظ اللي فضل يقولها
و بالذات لما طلع لنا القمورة غادة عادل
"
و انا عارفة انكوا بتحبوني فانا جيت هنا النهاردة"
مين قالها ان احنا بنحبها
انا مش بطيق المكياج السايح على وشها
لو لحقت النهاردة تدي الفلم لمصطفيتش الحقه يا اما خليها للاجازة الجاية
بس انا كمان اتشرفت بمقابلتك يا محمد
بنت القمر
كاننفسي اجي اليكس بس في البرد ده غيرت رايي انا نشفت هنا يا اختي
بصي انا متر و تلتين بس مش رفيعة ابدا
لكن برضك مشفتوش
الفلفلون اللي معايا خط خارجي
ابقي ابعتيلي تلفونك انتي علايايمل و انا اتصلك
بس فطستيني من الضحك على قانون الطوارئ
اعصار،انت مش بتسمع منير؟؟؟؟؟؟؟؟؟
يا الهي
مش مشكلة
بس ايه هي الستلس اللي انت ببتقول عليها دي؟؟
قولي عشان استعد للسنة الجاية ان شاء الله
ذو النون
المفروض الناس اللي انت كنت معاهم كانوا يتصلوا بيا او يبعتلولي مسج لاني حاولت اتصل بيهم كذا مرة و لم ينولني الا الطناش و المفروض انه كنا حنحضر الحفلة مع بعض بس الكل هرب اخر لحظة بس معلش لسه ربنا ماذنش ان احنا نتقابل
اديني كل مرة بقابل مجموعة حته حته
ناني حبيبة قلبي
منير زي ما هو ملك الغنا فهو ايضا ملك التحشيش امال فكرك ام المزاج اللي بيغنوي بيه بيجيبه منين
و اه لو كنتي سمعتي الخلل و الهسس الليق الوا في فواصل الحفلة
كنتي تاكدي بما لا يدع اي مجال للشك انه ضارب قرشين جامدين طحن
عادل
مردودالك في حفلة لاسكندريللا ان شاء الله
مييييييييييييييمو
كنتي هناك؟
اه لو عرفتك كنا نتقابل
يلا مش مشكلة
بصي انا مش فاركة احنا خلصنا امتى
بس مش بعيد عن واحدة
يعني مافتكيش كتير
بس يعني شفتيه ول ا مشفتوهيش؟؟
خبريني يا بنتي
تحياتي للجميع بحفلة يشوفوا مغنيها
اولا احب اقولك اني شفت هي فوضى و الفلم خطير خطير خطير و كويس ددا ددا ددا
مش عارفة انت مصدوم ليه
---
انتَ بتتكلمي جد ولا بتهرجي ؟؟
The sticks that a clown use to look so tall :P
حفصه
انتى فى اجازه يابختك وكمان بتتقمرى وزعلانه
بجد هى فوضى عجبك ولا بتهزى
يحيى
ياطووووووويل
ده انا مفيش حفله رحتها وشفت حاجه دايما باتسحل
اللى عطاك يعطينا
محمد المصرى
انت عاوز تموتنى يا محمد طيب استنى انزل اجازه عشان اموت فى ارض الوطن
مش مكفيك جو عاوز تعمل بوست تشتم منير كمان
حفصه
ترجعى الدوحه بالسلامه واجازه حلوه باذن الله
سلام عليكم
انت عاوز تموتنى يا محمد طيب استنى انزل اجازه عشان اموت فى ارض الوطن
مش مكفيك جو عاوز تعمل بوست تشتم منير كمان
----
يا ستي ألف بعد الشر عليكي .. لا جوا الوطن ولا بره
بس الفكرة إنك تقف قدام واحد يقول ساح يا بداح بالشكل ده .. يقول "طول العمر العسكر عسكر بس الناس الناس كانت ناس" والآهه بتاعته تطلع فعلاً من قلب وطن مجروح ويرددها معاه - ووراه - خمسين ألف بني آدم واقفين بيسمعوه ، وبعدين بمنهى الصهللة يقولك بعدها بدقايق إن مشكلتنا مش في النظام لكن في الرفاهية الزايدة لإن دلوقتي كل شباب الوطن بيشتغلوا وعلى الأقل - ركزي في على الأقل - الواحد منهم بيجيب عربية ( بـ 500 جنية ) لو هو مدفعهمش ممكن أخوه الكبير يدفعهم له .. فالشباب بدل ما يستقروا ويكونوا أسرة بيستسهلوا ويجيبوا عربيات وبالتالي كل بيت بقى فيه خمس ست عربيات على الأقل فالقاهرة بتبقى زحمة
في حين إن أنا مواطن مصري شريف وفاضل كنت رايح الحفلة في المترو بعد ما خدت ميكروباص لمحطة البحوث
وكان فيه مواطن فاضل جنبي بيدخن حشيش قاله كلمة قبيحة ذات مغزى في وضع زي ده وأتبعها بإنه جاي الحفلة زق أتوبيسات بعد ما سرق تمنها من أبوه
في حين برضه إن الخمسيت جنية دول ميجيبوش بسكلته ، زي ما قال المواطن - غير الفاضل وغير الشريف - رامز الشرقاوي
دي مش أول مرة منير يهيس بالشكل ده
بس المرة دي كانت زايدة لدرجة إن حوار الوطنية والنظام والخمس ست عربيات ده لازم يتسجل .. عشان خاطر التاريخ مش عشانا
بزمتك يا بنتي مش يستحق يتشتم ؟؟
المواطن - غير الفاضل وغير الشريف - رامز الشرقاوي
حلووووه
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
هو الكلام بتاع منير مهرتل ع الاخر عندك حق انا مواطنه مصريه شريفه وكمان باشتغل فى الخليج ومقدرش اشترى عربيه فمصر لغايه دلوقتى
بس سيبه يهرتل ويهيس ما شكله فعلا الصنف مضروب
تحياتى
أنا و واحد صاحبي إمبارح بعد ما عرفت موضوع العربية اللي بخمسمية جنيه ده جتلنا فكرة
طالما الحشيش بيخلي العربية بخمسمية جنيه إحنا نحشش و نشتري عربيات و نبيعها بعد ما نفوق و ترجع لسعرها الأصلي
شوف يا أخي المكسب هايبقى عامل إزاي
يا جدعان حرام عليكوا
هو انتوا لما تلاقوا مصيبة وخلاص
الراجل بيقول قسط العربية
مش العربية كلها
هو يعنى مسطول
يعنى الشاب المصرى بيشتغل ويوفر من مرتبه خمسميت جنيه بس
وبالنسبة للمقدم مش مشكلة
يدخل جمعية قول بخمسميت جنيه كمان ويقبضها الاول
يعنى قول هيدفع بتاع الف جنيه فى الشهر بس
هتقولى الشاب مش لاقى شغل ولا لاقى ياكل
فهقولك منير حلها
اخوه يدفعله
بس
يحيى
مصطفى
هههههههههههههههه
ههههههههههههه
هههههههههههههههههه
ههههههههههههه
هههههههههههههههههههههههه
محمد المصري
ايوة بتكلم بجد بس بجد يعني ارجع فهمني انت متضايق من الفلم اوي كده ليه؟
مش عارفة يمكن حاجة حاجتين مش اوكيه بس القصة كويسة
التمثيل حلو
و كده يعني
اعصار
ههههههههههههههههههههههههههههههههههههههههههههههههههههههههههههههههههههه
طيب كويس اني عرفتهم
انا تخيلت شكلي و فطست من الضحك
نسرين
الله اكبر يا اختاه
خشي البلوج برجلك اليمين
هو انتي كمان معجبكيش هي فوضى؟؟
ممممممممممممممممممممممممم
بص يا محمد تاني
من منطلق ان منير ملك و من حقه يهرتل فاحنا حنسامحه المرة دي بس لو الحفلة الجاية رجع لنظام المواعظ المهسهسة اياه نديها كرسي في الكلوب و نفرقع الليلة
ضربة رجل واحد يعني
ايه رايك؟؟
نسرين تاني
انا مش شايفة اي تعليق لعبس
فهميني انتي بتعلقي على ايه؟؟
يحيي المصري
اقتراح لازم نحطه قيد التنفيذ الفوري
انا معاك
:P
صفصف مان
انا معنديش اخ يدفعلي
ما العمل يا سيدنا؟؟
نسرين
ربنا يضحك سنك كمان و كمان
تحياتي للجميع من قطر بعد العودة
:(
Good posting, thank you,
Happy New Year, Afssa! And best wishes for a healthy and successful 2008
حفصه
ياستى دخلت برجلى اليمين وقلت ماشاء الله والله اكبر واجازه حلوه وربنا يرجعك بالسلامه
انا كنت باعلق على كلام محمد المصرى الجمله اللى فيها رامز موجوده فى تعليق المصرى
تحياتى
نورتى مصر
ثانيا اللى معجبهمش هى فوضى هما نفس اللى عجبهم الجزيرة
علشان احنا احيانا بندور بس على اللى يوصلنا لحالة الطرب
دون ان نعى ما قال او نشعر بصدق توجهه
ثالثا ليه دايما فى فرق كبير بين نظرة الناقد المتخصص ونظرة المتفرج البسيط
واعتقد ان المشكلة عند المتخصصين زى محمد المصرى
لأن الفلم أساسا بيخاطب الانسان البسيط اللى معندوش خلفيات متخصصة
ولاحظى دايما فشل رهان النقاد على نجاح وعدم نجاح افلام حظيت بدعايتهم وتشجيعهم
سلميلى على اليسار
David, thanks for ur comment anmd happy new year, merry christmas although its late.
barb michelen, thanks
حاضر يا خويا
نسرين
معلش حقك عليا انا كنت بهزر
بس معلش كمان عشان مخدتش بالي من حكاية مواطن غير شريف دي
اصلي مزكمة بعيد عنك و القنوات مقفلة
دانتي المصري
بنورك يا فندم و ممكن تقول ان اختلاف الناس على هي فوضى و الجزيرة نوع من اختلاف الاذواق الطبيعي و فيه فايدة للتجار بتوع الافلام
:)
يعني لو كانت الناس كلها حبت فلم واحد بس كان بقية الفنانين قتلوا نفسهم
تحياتي للجميع
السلام عليكم ورحمه الله و بركاته
انا اول مره ازور المدونه بتاعتك بس فعلا مدونه جميله و لذيذه اوى
و بعدين اهم حاجه فى حفلات منير انك تستمتع مش لازم تشوف ولانى بعانى من نفس المشكله اصلى من قصار القامه بردو و مبلحقش و مش بحب اروح الحفله بدرى لانى مش بحب الانتظار فعودت نفسى انى استمتع بالملك من غير ما اشوفه
ممكن اخلى حد من اصحابى يرفعنى ابص بصه و انزل تانى
حفلة منير رجعتنى عشرين سنة لورا لما كنت عند خالى اللى ساكن قدام محمد منير بلكونة فى بلكونة وكنا بنشوفة سكران طينة ومزاجه عنب .
أيامها كان بيغنى فى شارع الهرم والفنادق والمراكب
وكنت قريتله حوار أيامها بيبرر دا بإنه بيغنى هناك زى ما أى مصرى بيسافر برا -أوروبا يعنى - ويغسل صحون علشان يكون نفسه وإن جمهور الكازينوهات مش جمهوره لكن أدى الله وأدى حكمته .
وتمر الأيام والسنين وأحضر حفلة لمنير ضمن خمسين ألف هما جمهوره
بل عينه من جمهوره
يا ريت هو يفتكر الحوار دا
علشان يستغفر أبوللو من غناؤه فى الكباريهات
و الله إنت مسخرة و فاكرتني بيا جدااااااااااااااااااااااااااااااااا
بس بيني و بينك أنا بكتفي بمجرد سماع منير
Live
ده في حد ذاته بيديني فرحة رهيبة
أي نعم بفضل أول نص ساعة بحاول أشوف منير و ربع ساعة في نص و بعدين أخر نص ساعة برضه بحاول بس أهووووو القصيرين اللي زينا هيعملوا ايه ؟؟؟ هيفضلوا يحاولوا برضه ههههههههههه
Post a Comment