يظل المستحمر بامر الغباءيردد كلاما كهذا
"
حماس: أي مساس بهنية سيفتح أبواب جهنم على العدو الصهيوني
وكالات:
أكدت مصادر سياسية فلسطينية رفيعة المستوى في غزة، أنّ رئيس الوزراء الفلسطيني في حكومة تسيير الأعمال الشرعية إسماعيل هنية، لم تصبه الغارة الصهيونية التي استهدفت مركزاً للشرطة في منطقة مخيم الشاطئ بغزة بأي أذى.
وأوضح أمين سر كتلة حماس في المجلس التشريعي الفلسطيني، مشير المصري، في تصريحات صحفية "أنّ الغارة الصهيونية استهدفت مركزاً للشرطة في منطقة مخيم الشاطئ التي يقطنها رئيس الوزراء إسماعيل هنية.
وحذر المصري من أنّ أي مساس بهنية سيكون نقلة نوعية في الصراع الفلسطيني ـ الصهيوني ، وقال "أي اقتراب من رئيس الوزراء إسماعيل هنية هو لعب بالنار، وهو تجاوز لكل الخطوط الحمراء، وسيفتح العدو الصهيوني على نفسه أبواب جهنم إن هو ألحق أي أذى برئيس الوزراء اسماعيل هنية، لأنّ طبيعة الصراع وقتها ستختلف تماماً وتخلق حربا جديدة غير مسبوقة
"
يعني هنية و بمنتهى البساطة بيقول ان شاء الله الشعب الفلسطيني المنهار كله يموت و ماله، فدايا ، انا صامد لاني محصن و حفضل كده كده موجود و الى ان تجف اخر قطرة دم في جسد اخر فلسطيني عايش فيكي يا غزة و ان شاء الله اكمل على الباقي
فرق ايه الاخ عن اي نظام فاشيستي متطرف، مش عارفة؟
ايش يخيره عن ستالين و لينين و ناصر و كل الانظمة الفاسدة اللي ودت شعبها حروب و موتتهم من الجوع و الفقر و القتل، مش عارفة؟؟
ليه مش راضي يعترف ان اللي انتخبوه خلاص مش عاوزينه، مش قادرة ؟
و مش عارفة ازاي هو مش واخد باله انه غير قادر على مسؤوليات حكم دولة، هو بكتيرة يحارب الحارة اللي جنبهم و بس خلاص
عجبي
عجبي
و المثل زمان قال
مالو عاجبك ، علي حواجبك
و مش عارفة ليه لما قريت لاخبر افتكرت نكتة الفار السكران اللي جه يتخانق مع اسد فقال سيبوني عليه اربيه
*********************
نص الكلام وصلني من
الفجر الباسم قادم صاحب مدونة انسى عن طريق مجموعة المصريين
و كنت فاكرة اني لقيت رابط فيه نص كلامه لكن معرفتش اتوصل ليه تاني
اللي يلاقي رابط كدليل على كلام هنيه يا ريت يوافيني بيه
بس بما ان العضو الفجر الباسم جايبه و بيتكلم بيه من وجهة نظر ايجابيه تدل على الصمود الرائع لقائد شعب بتتم ابادته
فحعتبر ده دليل كافي انه قال الكلام ده فعلا
تحديث
في يونيو كنت قد كتبت الكلام ده
يا ريت يا ليوناردو توضحلك فكرتي
19 comments:
عامله ايه يا حفصه
اعتقد ان سبب المشكله الفلسطينيه لحد اللحظه دى هو ان الاشخاص بيفضل بعض عن البلد بحاله..سواء كان هنيه او عباس او غيره.. لو كانو رجاله بجد كان سابوا كل الخلافات اللى بينهم وفكروا فى المواطن الفلسطينى البسيط
أنا خلاص بطلت أستعجب من أفعال و تصريحات حماس و أخوانها
---
و لا أتوقع منهم إلا الكوارث
---
طيب بقولك ايه هو ايه علاقه حماس بالاخوان
وايه فايده المظاهرات اللى بيعملوها الاخوان فى مصر لغزة
وليه سكتوا لما طفله صغيرة مصريه اتقتلت ومتكلمتش
اذا عرفت الاجابه عليك الاتصال 0900هتكسب كلاشينكوف معانا ههههههههههههههه
الأستاذه العزيزه حفصه
ربما هذه أول مرة أتشرف فيها بالتعليق على مدونتك وإن لم تكن أول مرة أدخل فيها المدونة وأستمتع بكتاباتك القيمه
أتفق معك تماما
فكرة قداسة الزعيم وكون عروقه يجري فيها عناب بالعسل الابيض وعروق الناس العاديه تجري فيها مية غسيل المواعين، وأن حياته حياة للشعب كله وموته موتا له كذلك فكره وجدت عند كل الطغاه بدئا من ستالين وبينوشيه وفرانكو والسادات وصدام
لكن أحذري يا عزيزتي فحماس هي بقرة الأخوان المقدسه ولن يقبلوا اي مساس ولو بشعرة من ذيلها
أنتي قدها وقدود أكيد
تحياتي ومودتي
عارفه ياحفصه فكرتينى بإيه ؟
بالناس اللى كانت بتهاجم حسن نصر الله وحزب الله فى عز الهجوم الاسرائيلى على لبنان ..
لأ والعجيب إن كان فيه ناس بتدافع عن الهجوم الاسرائيلى الوحشى ده بحجة إن حزب الله هو اللى استفزهم !!
ماهو لو كان حسن نصر الله حكيم ومعتق زى مبارك ماكانش حط إيده فى بق الأسد !!
وكان طاطى ونخ ولما يقتلوا من عساكره عشره ياخدهم بالحضن مافيش مشاكل ..
ومش مهم نبقى بنى آدمين
قداسة زعيم إيه اللى بتتكلمى عنها ؟؟؟
ده وقته ؟
وبعدين حتى لو .. هنيه دلوقتى هو قائد المقاومة فى القطاع ومن الطبيعى إنه يبقى رمز ..
يعنى لو كانت اسرائيل اغتالت السادات كان هيبقى عادى وزيه زى أى مواطن مصرى ؟
عاوز اسأل سؤال
ماهى فلسطين؟
الأرض
فتح
حماس
سكان الأرض
أرجو من السادة بتوع ضرب الأمثلة عدم تجاهل المستبد العربى الرائد فى استبداده
جمال عبد الناصر
لأن الريادة ليها مكانتها مهما يكون
نرجع بقى للموضوع
مصر هى مبارك
ام الحكومة والوزرا
ولا الغلابة والفقرا
لا صوت يعلو فوق صوت المعركة
يا ستي الناس ديه خدت عالصراخ بس لكن لا عندها فكر ولا خطة ولا نيه للعمل. هما مبسوطين كدة ومرتاحين كدة
ماهم قالوا الفتحاوية حرامية وخونوه ومرتشين عملوا ايه بقه الحماسوية ولا حاجة ما اسخم من سيدي الا ستي. احتلوا جزء من بلد اصلاً محتل. يعني غزة محتله تربيع.
والنعمه والله اعلم انا بتيهألي ان هنيه ده مع الاسرائيلين. لانه من يوم ما مسك والفلسطين بدل ما يوحدوا جهودهم لحرب اسرائيل ، حاربوا بعض واسرائيل تنعم بسلام تام واستقرار في الامن الداخلي.
سابتهم يخلصوا على بعض بدل ما تتعب نفسها في حرب واسلحه وحركات
love,
MishMish
رافتاني هنا؟؟
ايه فينك يا راجل؟؟
ايه الغيبة دي و فين تدويناتك المفحمة
لعل المانع خير
على باب الله
اهلا بيك يا فندم
بص هو مينفعش نتوقع
لان اللي كنا خايفين منه حصل و بيحصل و حيحصل منه كتير
ابي
ممكن ابدل الكلشينكوف بتمنه فلوس
اصلي احب اخد حقي ناشف
اهلا اهلا بالسكندري البعيد
شرفتني يا فندم
بس يا ترى ليه مذكرتش اسم ناصر في وسط الطغاة؟؟
ده هو اكتر زعيم مصري المصريين دخلوا حروب و اتقتلوا بسبب عنجهيته و غرورة فوق الوصف و الغريب انك ذكرت السادات من بين تعدادك للطغاة مع انه قام بحرب واحدة و كان غرضها حقن دماء المصريين
على العموم
مش حنقف كتير عند النقطة دي
اما عن حماس فسواء هي بقرة مقدسة او حلوب بتنزر فلوس على صحابها
فمنهم لله
هما و الاخوان المتاسلمين
ليوناردو
تصدق مخيبتش ظني فيك
كنت متاكده انك حتعلق
بص يا افندم
حزب الله يختلف كتير جدا عن حماس في شئ بسيط
انه بيصدق قوله بالفعل
يعني لما بيضرب صواريخ
بيضرب بجد و بيموت فيها من الجانب الاخر و بيتهدد امنهم القومي و بيتزلزل كيانهم
فحقولك على الاقل اللي ماتوا من عندنا كان فيه نتيجة لموتهم
مارحوش هدر يعني
لكن لما صواريخ القسام و حماس تبقى عاملة زي بمب العيد و يتعور اتنين اسرائيليين بس و تكون النتيجة قصف دموي على فلسطينيين عزل
يبقى ايه النتيجة؟؟
و لما نبص نلاقي اصرار حماس و قطاعتها على مقاومة هما مش قدها و نتيجتها الوحيدة هي المزيد و المزيد من الدم الفلسطيني فقط
اذن حقولهم حاجة واحدة بس
اتنيلوا البسوا طرح و اقعدوا في بيوتكوا لغاية ما العدل يدق بابهم
طبعا لو مش حنتكلم على قداسة الزعيم دلوقتي
في اشد الاوقات ضراوة و في وقت لو هو راجل هو و مشعل
كانوا اعتزلوا مواقعهم او اعلنوا وقف اطلاق نار من نايحتهم عشان ميدوش اسرائيل فرصة تضرب
اذن مافيش اي وقت تاني نقدر نتكلم فيه عن اشوسه قيادات حماس و رموزها الطاهرة الشريفة العفيفة المقدسة
يعني انت بصنعة لطافة بتقي اياكي تتكلمي عنهم بتاتا
طيب لما احنا مش حناقش غلطات حماس دلوقتي، حناقشها امتى؟؟
و احنا بندفن البقية الباقية من الشعب الفلسطيني في غزة؟؟
و انا مقلتش ان هنية مش رمز
، بالعكس، ما هي المصيبة ان الفكر العربي العام شايف انه مادام ذاك الرجل رمزا يبقى الكل يموت فداه
طيب سؤال بسيط
لما كل الفلسطينيين يموتوا او يقلوا، هنية حيلاقي مين يترمز عليه؟؟
يعني الراجل يتفرعن على مين ان شاء الله لما الشعب ميت من رصاص الاحتلال و من رصاص حماس و من الجوع و الفقر و الظروف المعيشية الغير ادميه بتاتا
اخيرا
سؤالك الفحلقي بتاع اغتيال اسرائيل للسادات يجب اعادة صياغته لكن حقول التالي
لو على اساس انه هل يجب ثورة للمصريين حتى ينتقموا من اسرائيل جراء اغتيالها للسادات، فحقلك لا طبعا، مش معقول شعب بحاله يموت فدا شخص واحد حتى لو كان الشخص ده هو زعيم البلد
و هي دي اساس مصايبنا ان ناصر علمنا ان الكرامة منه و انه هو الناس و الناس منه بينما هو مكنش بيهتم بحد
و على استعداد تام ان الكل يموت في سبيله شرط انه يفضل هو حي يرزق و طظ فيكوا يا مصريين
و لذلك تعمقت عندنا فكرة ان الرئيس لو مات او حصل عليه اعتداء فهو اعتداء علينا كلنا و لازم نرد عليه
يعني لو مات رئيس، ايه اللي ممكن اعمله عشان ارجعله الحياة تاني؟؟
هل رد الفعل يكون اني اقوم بعمليات و اموت نفسي ان او الوف عشان "كرامتنا" نقحت علينا انه ازاي زيعمنا توفى؟؟
الزعيم ده مش اله و لا مقدس و لا غير بشري
هو ببساطة في منصب عالي المقام الدنيوي
و اخر الاخر
غزة مش بتاعت هنية عشان لو هو مات قبيلة الغزازوة تقوم تاخد بتارة
غزة و فلسطين تبقيان بكيانهما سواء كان هناك هنية ام لم يكن
سواء كان هناك عباس ام لم يكن
يا ريت لو تفصل ما بين الزعيم
و البلد و الحكومة و الشعب
كل حاجة من دول غير التانية
وصلت و لا لسه؟؟
تحياتي للجيمع
دانتي المصري
ممكن انت ترد على سؤالك
عشان نفهم بعض الاخوة ايه الفرق بين الزعيم و الدولة و الشعب نفسه و وووو
حبقى متشكرالك اوي لاني تعبت من كترة المناهدة
اه يا كبدي
ميجو مشمش
تعليقك في الصميم و اكتر حاجة عجبتني حكاية غزة محتلة تربيع
حلوة
تحياتي تاني للجميع
الحمد لله إنى ماخيبتش ظنك ..
وللأسف إنتى برضه ماخيبتيش ظنى !!
الموضوع زى ماهو واصلنى باختصار إن فيه حكومه انتخبها الشعب الفلسطينى .. بعثت الخوف فى الأنظمه العربيه لأنها جت بطريقة ديمقراطية حقيقية .. بتعبر عن اللى الفلسطينيين عايزينه دلوقتى .. الحكومه دى تم حصارها ومحاربتها من كل الأطراف.. أمريكا .. اسرائيل .. الدول العربية وأولها مصر .. بل ورئيس السلطه الفلسطينيه نفسه !!
تمسكت الحكومه بحقها الشرعى فى تولى المسئولية التى كلفها بها الشعب ..
أصر الجميع على تجويع الشعب لحد ماينخ ويلغى إرادته ويتنازل عن حريته فى اختيار من يمثله ..
وبدل مانقول للظالم عيب بنقول للمظلوم طالما إنت مش قد الظالم يبقى تنخرس وتموت !!
ماباقولش إن حماس هم ملائكة الله على الأرض .. ولاأدافع عن أخطائهم أو خطاياهم .. ولكن لدى سؤالين اثنين ..
متى توقفت اسرائيل عن قتل الفلسطينيين وارتكاب المذابح البشعه لاتفرق بين طفل أو امرأه أو شيخ عجوز ؟ هل كانت قبل تولى حماس المسئوليه تسير فى طريق السلام؟ متى كانت اسرائيل فى حاجه إلى ذريعه لارتكاب مذابحها؟ ومتى توقفت عن استخدام حجة الإرهاب الفلسطينى المزعوم لاستباحة المزيد من الأراضى الفلسطينيه وقتل المزيد؟
السؤال الثانى عن المستفيد حقا من الهجوم على حماس ؟
كنت سأقول الآن بالتحديد وسط هذا الحصار وهذه المذابح
لكنى أرى أنه فى المطلق منذ مجىء حماس إلى السلطه .. من المستفيد من الهجوم عليها ؟
سؤال ثالث واعذرينى .. لماذا يتم التعامل مع حماس على أنها كيان منفصل عن الفلسطينيين ؟ هل هم مرتزقة أتى بهم القذافى مثلا لتحرير الأرض لنا ؟
وهل لو كانوا بعيدين عن الإخوان المسلمين كان رأيك فيهم سيختلف ؟
بالمناسبة أنا لاأنتظر ردا على أسألتى .. ولم أقصد منذ ردى الأول أن أدخل فى نقاش .. هدفى أن تتروى قليلا فى أفكارك وآرائك ..
ليس مهما على الإطلاق بالنسبة لى أن يتغير رأيك فى حماس أو الإخوان أو السادات -الذى كان فحلقيا أكثر من أى سؤال بخصوصه- .. لكن المهم ألا نترك الهجوم على اسرائيل ومبارك وأمريكا وباقى الأنظمه العربيه المتهافته ونمسك فى خناق الفلسطينيين ..
لما نفك الحصار عنهم ويبقى لهم دولتهم المستقله ومايبقاش القتل والمذابح شغاله عليهم ليل نهار .. نبقى نمسك بقى فى فروتهم ونقطع زى ماحنا عايزين ..
وأتمنى إنى أكون وضّحت اللى أقصده المره دى ..
سيدتى..
زى أسكندرانى أول مره أعلق..
رغم دخولى المتكرر للمدونه
منذ تم عسكره اﻷنتفاضه اﻷولى وتحولها من حركه عصيان مدنى رائعه أصبحت مثلا لكل المناضلين فى العالم حتى أن كلمه "أنتفاضه"دخلت كل اللغات اﻷوربيه..بنفس الدلاله "حركه عصيان مدنى"..أقول منذ عسكره تلك الحركه بالعمليات اﻷنتحاريه -بلاش- اﻷستشهاديه..وحدث تطور فى أتجاهين..
أتجاه داخل أسرائيل نفسها..للتشدد والدمويه..وتأكل المواقف الداعيه للسلام فى أسرائيل..أظن نتذكر حركه السلام اﻷن هناك..أين هى..وتغذى هذا التشدد مصالح أقتصاديه-سياسيه أصبحت هى القائده للمجتمع اﻷسرائيلى..
اﻷتجاه اﻷخر فى داخل التجمعات الفلسطينيه..حيث تم رفع سقف المطالب-مش عارف ليه- لنصل الى دوله أسلاميه..وتحول نضال الفلسطينين الى ورقه فى لعبه الصراع اﻷستراتيجى فى المنطقه..
وطبعا أنسى هنا معاناه الفرد واﻷنسان العادى..سمه من سمات الديكتاتوريات أيا كانت..أختفاء الفرد كقيمه وتحوله ألى رقم..
************
.لى رأى لايعجب أحد فى موضوع حزب الله وحسن نصر الله..والنصر اﻷلهى..يبدء من مفهوم الحرب والسياسه..لغايه أحنا فين اﻷن..
آسف للأطاله..تحياتى..وخالص أحترامى..خالد
هذا ما تلعب عليه اسرائيل صوره الدم امام صوره هنيه
لننسى ونظلم ونترك المعتدى ونمسك فى الضحيه
صباح الخير ،
الظاهر ان هذا هو اليوم العالمي للمعلقين المستجدين :)
رغم ان الموضوع استنفذني، و لم اعد احب ان اتكلم فيه، لأنه ببساطة دخل في نفق من العبثية المقززة لا طاقة للخلايا المتبقية في دماغي الضئيل به. لكن ما يستفز فعلا هو ظاهرة الإختزال المتبعة هذه الأيام من اخوانا اليمينيين الاسلامويين، يعني فلسطين كانت عندهم هي حماس اولا ، اغمضنا اعيننا و قلنا وعكة عقلية و مصيرها إلى شفاء لكن الظاهر ان المرض استشرى، فاختزلت فلسطين بكل حمولتها الروحية و التاريخية و الإنسانية في اسماعيل هنية...هذه هي النمطية الإستبدادية و الفكر الشمولي السطحي المريض...حماس اصلا اغرب و اعجب مثال في العلم السياسي، حركة تحكم من منطلق لا تعترف به، الحكومة التي تشكلها مبنية على اساس اوسلو الذي تحاربه و تشتم ام و اب و كل سلالة من وقعه و اعترف به! بالله عليكِ هل من جنون اكثر من هذا.
تحياتي و متمنياتي بالصبر اذا ما مر باذنك تعليق من المعاقين فكريا
زكرياء
ليوناردو
حعيد كمان مرة و قبل ذلك انصح بقراءة الربط الجديد اللي ضفته في اخر البوست
الشعب اختار حماس كحكومة ممثلة
حلو،
الشعب مبقاش عاوز حماس من الارهاب اللي عملته
طيب ليه بقى حماس متمسكة بالسلطة حتى بعد ما الناس مبقتش عاوزاها؟؟؟؟؟؟؟
و ازاي حماس عاوزة تتفاوض مع اسرائيل و هي مش معترفة بيها؟؟
و شوف مين لالي وصل الوضع لما هو عليه علشان يوصل بينا الامر ان الفلسطينيين محتاجين مفاوضات تحصل بينهم و بين بعضهم اكتر ما بتحصل بينهم و بين اسرائيل
و الفكرة اللي عاوزين يوصلوها بدعوى ان الشعب عاوزهم و عشان كده بيتم تجويعه دي فكرة خايبانة و بيضحكوا بيها عالناس يا سيد ليوناردو
الناس مبقتش عاوزاهم و من زمان من اول ما تكشفت سلطتهم الديكتاتورية و التعسفية ضد الناس اللي هناك و لو كانت الظروف تسمح كنت اديتك اراقم تلفونات صحباتي اللي هناك او لسه ليهم اهل عايشين هناك عشان تتصل بنفسك و تعر فمنهم الوضع هناك عامل ازاي و تعرف منهم حماس بتعمل فيهم ايه
و فيه سؤال من اسئلتك فعلا عجبني
لماذا يتم التعامل مع حماس كانها كيان منفصل عن بقية فلسطين و حرجع اقولك لان هي حماس اللي قرتت اسلمة القضية الفلسطينية و كان فلسطين مافيهاش ديانات و مذاهب اخرى
و تاني حرجع اقول راجل الرابط اللي حاطاه
هما اللي قرروا يفرضوا سيطرة اسلميه و عدم دمج الفصائل الفلسطينية الاخرى مش العكس
و زي ما انت كنت مستنك رمني حبي المسمة باعمى للسادات فيا ريت انت كمان تعترف بغلطات حماس و الاخوان المتاسلمين
اهلا بأبو فارس
شكرا لتعليقك
و للاسف هو ده اللي بتكلم عليه
اسلمة القضية لافلسطينية و بعد كده يرجعوا يعيطوا
لكن الجزء الوحيد اللي استغربت منه في كلام حضرتك انك هنا بتتكلم عن ازاي قيمة الفرد اضمحلت و وصلت للصفر بينما في تلعيقك عند عباس بتتهم الحضري انه خاين، طيب ما هو مشكلة الحضري انها مشكلة فرد و انه في مواجهة الهيئة اللي هي النادي مكانلوش قيمة و بالتالي هو اخد تنفيذ الفعل بايديه
ولا مش صح؟؟
و بالنسبة للسدي حسن نصر الله احب اعرف وجهة نظرك و ضروري كمان
ارجو ان حضرتم متقطعش الشرح او الاسترسال
ميهمكش الفضاء واسع جدا
محمد عبدالغفار
راجع تعليقي لليوناردو بالحرف
زكرياء
صباحك نور
مش عارفة اشكرك لتحليلك العبقري و لا اعتذرلك على التعب اللي اصاب خلايا مخك الكريم
تحياتي للجميع
اهلا حفصه
رجعت تاني بعد انقطاع النت الاجباري عن منزلي وحده
بالنسبه لمضوع الزعيم المؤله اعتقد اننا خلاص تخلصنا من هذه العقيده بفضل مجموعه من الزعماء زوي النفوس القذره و ربما كانت هذه هي حسنتهم الوحيده فينا انهم خلصونا من الهاله المقدسه التي كانت تضفي علي اشخاصهم دون وجه حق
بالنسبه للموضوع الفلسطيني و الصراع الفلسطيني الفلسطيني فربنا يجازي من كان السبب في تقسيم العرب و المسلمين علي اساس مذهبي بعد ان كان التقسيم علي اساس ديني
كنا نقول مسلم و مسيحي عندما انحدرنا ففوجئنا ننا انحدرنا الي هاوية اشد عمقا و صرنا نقول شيعي و سني ثم انحدرنا الي ما هو اعمق فقلنا مالكي و شافعي و حنبلي و سلفي و اخواني و صوفي
و مش عارفين ايه تاني
الحاصل ان الفلسطنيين يتم ذبحهم وتجويعهم بصفة منهجية سواء كانوا مسلمين او مسيحيين او حتى كفرة وسواء كانت هناك حماس او فتح كونهم فلسطينيين ومتمسكين بهذه الهوية سيظلوا مستهدفين
ولن يهدأ بال لاسرائيل طالما ان السيدة الفلسطينية تلد عشر اطفال والسيدة الاسرائيلية لا تلد فلن تستطيع اسرائيل المنافسة و سينقلب الميزان الديموجرافى لصالح الفلسطينيين
وجميع الفلسطينيين مستهدفين ومن ضمنهم هنية والزهار ومشعل واعتقد ان الشيخ احمد ياسين استشهد وهو من هو وتم تجاوز الخطوط الحمراء ساعتها ولم تواجه اسرائيل رد فعل عسكرى الا قليلا
والعرب معروف عنهم انهم ظاهرة صوتية متفقين على ذلك والتهديدات كلها فارغة
لكن يجب الحفاظ على الهوية الفلسطينية لان هذا هو الضمان الوحيد لعدم موت القضية ويجب عدم التنازل عن حق العودة ابدا ابدا ويجب توريث مفاتيح البيوت ووثائق الملكية من جيل الى جيل واذا كان ذلك كذلك فانا اعتقد ان حماس على حق فى موقفها السياسى
اما الصبغة الاسلامية لحماس فلماذا هى مرفوضة بينما نسكت على يهودية اسرائيل ؟
ففى ظل الشريعة الاسلامية لا ظلم لاتباع الديانات الاخرى ، ولكن تحت الحكم اليهودى فغير اليهود هم اميون ومواطنين من الدرجة الثالثة
والفلسطنيين فى غزة طبعا لهم كل الحق فى الضجر من حماس ورفضها ولكن ما هو البديل ؟ هل الفوضى وسيطرة القبضايات واللصوص على المدينة افضل؟
هناك ايه فى القران الكريم تقول
ولاتهنوا في ابتغاء القوم إن تكونوا تالمون فانهم يالمون كما تآلمون وترجون من الله مالايرجون وكان الله عليما حكيما" 104 النساء
لكى التحية والسلام
السلام عليكم
مساء الخير يا أخت حفصة
.........................
قد أتفق كثيرا مع الأخ ..ليناردو
الموضوع ببساطة ..أن حماس حكومة جاءت بإختيار الشعب الفلسطينى
وكفانا حجر على الناس واتهامهم بقصر النظر وعدم الوعى والفهم
فالمواطن الفلسطينى الذى اختار حماس..يعرف ما الرق بينها وبين فتح
المواطن الفلسطينى الذى جرب فتح ...منذ أوسلو ..رأى أن لكل مرحلة رجالها وتفكيرها
......
ببساطة شديدة لأن حماس تمثل حكومة إسلامية جاءت بإختيار ديمقراطى ..فهى تمثل بعبع ورعب للغرب والعرب ..قبل إسرائيل...فكان لا بد من تدميرها
وإظهارها فى مظهر
..........
لنكن صرحاء مع أنفسنا...هى حرب صليبية ..قالها بوش ..وكان يدرك معناها
.............
...........
سؤال لكى يا أخت حفصة
ما أدراكى أن الشعب الفلسطينى ما عاد يرضى بحماس ويرفضها؟
..................
ظلم كبير ...الاستهزاء بحركات المقاومة وحركات التحرير
بحجة أنها تؤدى لقتل الشعوب
.....................
يا سيدتى ...ليست الحياة هدف فى حد ذاتها
.........................
ليس ما أقول عنترية ولا كلام فاضى ..ولكنه رأى ..قد تختلفى معه
لكنه قدر ومصير
وكما قال الشاعر
................
سأحمل روحى على مرفقى ..وأهوى بها فى مهاوى الردى
فإما حياة تسر الحبيب..وإما ممات يكيد العدا
.............
وشكرا لكى ...
استاذ راجي
و رجل من غمار الموالي
اعتقد اني شرحت وجهة نظري في البوست نفسه و في تعلقياتي و بصراحة مش عارفة اوضح وجهة نظري اكتر من كده
بكل بساطة رايي بيقولي ان يا ريت حماس تستريح في بيتها ما دام هي بتدي ذريعة لاسرائيل لقصف عشاوائي و حقير زي ده ةو بدل ما يوقفوا النزيف سايبين ناسهم يمموتوا بالمئات
و نقطة اخيرة
الى رجل من غمار الموالي
انت بتسالني ايش دراني ان اهل غزة مش راضيين بحماس؟؟
معنى كده ان حضرتك قريت ردود ليوناردو بس من غير ما تقرا ردودي
لاني رديت بالحرف الواحد و قلت
"
لو كانت الظروف تسمح كنت اديتك اراقم تلفونات صحباتي اللي هناك او لسه ليهم اهل عايشين هناك عشان تتصل بنفسك و تعر فمنهم الوضع هناك عامل ازاي و تعرف منهم حماس بتعمل فيهم ايه
"
و عدت و زدت اكتر من مرة ان الفلسطينيين مبقوش عاوزين حماس ول ا حكمها و عاوزين فتح بكل ما فيها ترجع ولا يوم واحد من ايام حماس تاني
تحياتي
الأخت حفصة
فعلا -- أنا قرأت تعليقك الأول ولم أقرأ التعليق الأخير
..................
عذرا
...
Post a Comment