احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, March 14, 2008

احلى مشهد رومانسي

يمكن مافيش بنت الا وشافت الفلم ده و سواء كانت بنت من جيلي و اكبر او بنت من جيل اصغر مننا
مؤكد شافت الفلم ده مرة و اتنين و عشرة
الفلم كله لذيذ بسيط و بتتحرك احداثه بسرعة فهمت منه ان فعلا ممكن تكون فيه صداقة بين بنت و ولد من غير ما الحب يبوظها و فهمت منه اني ممكن اتجوز واحد يكون بيحبني لكن حتفضل حتة في قلبه ملك بنت كان حبها زمان او صديقة مفضلة ليه
لكن مقتنعتش اوي لاني بطبعي بحب التملك و الانفرادية
المهم
الفلم ده مستعدة اشوفه كل مرة يتعرض على اي قناة
و مستعدة اشتريه بس الاقيه
و مستعدة اقول فيه ابيات شعر لو بقدر انظم شعر
لكن للاسف
مش بعرف
المهم تاني
بحب الفلم ده جدا جدا
و الفلم كله كوم و المشهد التالي كله كوم
وصفي في منتهى البذاءة لكن مش لاقيه كلمات توصفه صح
في رايي
انه من احلى المشاهد الرومانسية و في تقييمي الشخصي الاول و يمكن الاخير
مشهد بسيط
حقيقي
واقعي
و انفعاله هادي بس سريع
يعني زي ما المية بتكون بتجري من تحت تبن
الموسيقى تجنن
الشمس وهي ضاربة في وش جوليا روربتس
دموعها السخنين على خدها
احساس صديقها بيها
و بالذات الحتة اللي بيرقصوا فيها مع بعض و مع انهم في مكان زحمة لكن بحس كأنه زي الناس كلها في عالم و هما في عالم تاني خالص
يعني كانت فيه مومينتم خطيرة هنا
مش عارفة اقول ايه و لا ايه
الاخراج
القصة
التمثيل
البساطة
الفلم كله حلو
لكن بالنسبة لي حلاوته كلها مختزلة ليا في المشهد ده و بس
طبعا عرفتوا انا بتكلم عن انهي فلم؟؟

12 comments:

mary victor said...

بس عرفته
my best friend's wedding

أحمد said...

وصفك جميل
:)

ممكن تنزليه من هنا كامل
http://tinyurl.com/38b6b8

والساوند تراك من هنا
http://tinyurl.com/2jmaqx

المـــفـــــــقــــــــوعـــــة مــرارتـهــا said...

انا لسة ماعرفتش الفيلم
اسمه ايه ؟

Hypatia said...

لااااااااااااااا انا باكره الفيلم ده
رغم انى بحب جوليا روبرتس لكن الفيلم ده مش بحبه ابدا
اصل مفيش واحده مخطوبه لواحد حتكون ساذجه كده ومش فاهمه اى حاجه بتحصل حواليها ويعني لازم تشوفهم نايمين مع بعض عشان تحس ان فيه حاجه
ولا فيه ست ناضجه واثقه فى نفسها وبتشتغل وناجحه حتهين نفسها بالشكل ده عشان اكتشفت انها بتحب اعز صحابها مره واحده
بس اكييييد فيه رجاله كتير من نوعه هو اللى بيحب كل حريمه حواليه وهو فاهم كويس مشاعر كل واحده فيهم من ناحيته ايه وعامل عم عبده العبيط الساذج
انا مش فاهمه يا بنت بتحبي الفيلم ده ازاى
:)

Anonymous said...

طبعا انا من عشاق الفيلم ده جداااا
كل حاجه فيه عاجبانى
جوليا ما حبتش صديقها وكانت عايزاه الا لما حست انه هايروح لواحده تانيه غيرها
بعد ماكانت رافضه علاقتهم واكتفت بالصداقه
مليان مشاعر ونفسيات بالهبل
وعجبنى كمان موقف رئيس التحرير النبيل.. هو كمان صديق مخلص وقف جنب صاحبته .. ومالوش اى اهداف من ورا كده

-_- said...

فيلم جميل

basma saghir said...

my best friend's wedding

عرفته من قبل حتى ما اشوف الفيديو..من تالت او رابع سطر كدة او من ساعة ما قلتي صداقة بين البنت والولد الحب مبوظهاش

بحبه قوي قوي مع اني بحاول ابطل فرجة على النوعية دي من الافلام وفي اتجاه عام للأكشن والكوميديا واحيانا الرعب
بس ده حاجة تانية

مُزمُز said...

أنا بقى معرفتوش من الكلام ولا هينفع أشوفه

أصلي عقبال أملتك لسه جايب بورده جديدة للكومبيوتر والبرامج لسه مش متظبطة عندي فالفيديو مش ظاهر خالص مالص

^ H@fSS@^ said...

كوفي بريك
الله ينور عليكي

مبرمج حر
فينك يا راجل من يجيي سنة و لا حاجة
متشكرة على الروابط منحرمش منك و من مساعداتك

المفقوعة مرارتها
الف سلامة عليكي
وكوفي قالت اسم الفلم بالفعل


نيسو
فيه مشهد في الفلم بيبن ان كاميرون دياز كانت عارفة ان حبيبها لسه عنده شوية مشاعر لحبيبتة القديمة
المشهد
ده لما زنقت جوليا في الانسانسير و قالت لها
he has got u on a pedestal, but me on his side
او حاجة بالمعنى ده
فهي كانت عارفة لكن مصرة تكسبه
و حقولك على حاجة
الفلم كله كوم و المشهد اللي حاطاه انا كوم تاني
لانه لحظة سحرية خطيرة
فحتى لو الفلم كله مش كويس
لكن المشهد ده عندي ياخد اوسكار و انا مغمضة

ونكوك المكوك
عجبتني عبارة مشاعر و نفسيات بالهبل
ابلغ و اصدق ما يمكن وصف الفلم بيه

اهلا بشرم


بيسوو
مطبتليش فرجة على نوعية الافلام دي
لانها بتقدم نوع من الفن الراقي و الساحر
فن من اجل الفن و بس
انبسطي بيه لكن متعيشيش الدور اويو حتبقي كويسة


مزمز من بعد غياب
ظبط بوردك و فيش الهوامش و يا ريت لو تشوف الفلم كله على بعضه
متاكده انه حيعجبك
حرفية فنية و عالية جدا و زي ما قالت وينكي
مشاعر و بالهبل

تحياتي للجميع و اسفه للرد المتاخر

رجل من غمار الموالى said...

فيلم جميل فعلا
........
الفكرة ان الصداقة دى ممكن
تعتبر عدم تقدير لشريك الحياة
...
وهل الرجل المتزوج الذى يقبل أن يكون له صديقة
يعطى نفس الحق لزوجته أن يكون لها أصدقاء
........
أعتقد أن الواقع يقول أن هذا صعب

Migo Mishmish said...

حفصه المدونه بتاعتك هايله ..انا متهيألى شفت الفيلم دا قبل كدا مش ده بتاع (من حكمدار بوليس العاصمه الى احمد ابراهيم القاطن بدير النحاس لا تشرب الدواء الدواء فيه سم قاتل ؟ )اعذرينى لو غلط اصلى بحب الافلام العربى الابيض والاسود اوى يمكن مشمش هى الى تعرف الفيلم دا لانها غاويه اجنبى انا بقى غقرقان فى العربى الابيض والاسود ..انا بحب الافلام الرومانسي جدا وبالذات الافلام الانسانيه ومش بحب افلام الاكشن الى كلها خبط ورزع عربيات فى بعضها بحس انها سينما أليه ..انا اصلا مجنون سينيما ..تقدرى تقولى (بحب السيما )

^ H@fSS@^ said...

رجل الموالي
الفكرة هنا مش انه تفضل عنده صديقة بعد ما يتجوز
هي الحكاية كلها ان مراته تقبل انه يفضل على صلة بصديقة قديمة
و دي بتعتمد على كل شخص و مدى ثقته بنفسه


ميجو
متشكرة جدا على اطراءك و احب اقولك ان هو ده الفلم بعينه مافيش غيره
بتاع الدواء به سم قاتل
حتى لو ركزت في المقطع كويس حتلاقي بوسي و هي بتجري بالدوا و عربية الحكمدار بتجري وراها و في كمان خصلة من شعر متيحة يسري باينة من كشك السجاير اللي في اول الشارع تحت الكوبري


تحياتي