احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, March 28, 2008

راؤول كاسترو يسمح بالنوبايلات

اولا اجهزة الميكروويف و الان اجهزة المحمول
انا مصدقتش لما قريت
الخبر ده



راؤول كاسترو: بامكان الكوبيين الحصول على تليفونات خيلوية
ويل فايسرت، اسوشيتد برس

اولا اجهزة الميكروييف و الان اجهزة التلفون المحمول. هل هذه كوبا الجديدة؟؟ ان راؤول كاسترو يعيد احياء جزيرة اخيه بشكل صغير لكن فعال. اخرها كان قانون صدر يوم الجمعة يسمح للناس العادية بالحصول على خدمة الهاتف المحمول، رفاهية كانت متوافرة للطبقة المختارة فقط .
حاليا البيروقراطية الشيوعية تحد من استخدام الانترنت و حتى تملك المنازل.

ده كان كلام ويل فايسرت من الاسوشيتد برس
من عندي حقول لا تعليق
تسلملي الشيوعية و زعماءها و انصارها و احفادها و كل اللي يتشدد لها و أنا و انت و الطم لي على وشي يا جدع منك له.

18 comments:

hartaka said...

فى مصر بردوا انا فاكر ان جمال مبارك كان لية فضل كبير فى دخول التليفون المحمول مصر
واسهاماتة فى شركو فودافون ايام مكان اسمها مصر فون

حد فاكر القصة دى

:)

ربنا يخليهم لينا كلهم

مصطفى اسماعيل said...

وانتى شيوعية ولا ايه ؟

:)

انا ماعرفش كتير عن الشأن الكوبى
بس ماظنش ان الوضع كويس
وماظنش برده ان المجتمع الشيوعى كان بيتم بنأه هناك
وضع محرج فعلا
مش ده اللى فهمناه من الماركسية

.........

ثم انتى مالك ومال الرفاق يا ساداتية انتى
يا معدومين المنهج والنظرية
يا خوووووووووووووووووووونة

:):):):):):):):):):)


واحشانى كتيرررررررر من هنا لبكرة

^ H@fSS@^ said...

بس على الاقل يا هرطقة ان مصر دخلته وقت لما كان بينتشر في العالم كله مش لسه دلوقتي اخر ما افتكروا
و كمان معملوهوش كانه حاجة خاصة بالطبقة العليا و بس
غير حكاية منع تملك البيوت دي

انا اتفقعت والنعمة الشريفة
يعني اذا كان البوست بتاع مهنة الدعاة فقعني و رماني عالحيط
فده بعتني للقمر سيادتك

ايه ده لسه فيه انظمة كده
الرحمة من عندك يا رب


تحياتي

^ H@fSS@^ said...

لا مش معقولة
مصطفى هنا
ايه الشرف ده كله
رورولوليلللييييي

قلت لك قبل كده مافيش حاجة اسمها ساداتية يا ناصري يا متقوقع يا اشتراكي و ضد البرجوازية الفضيلة

ههههههههههههههه
ازيك يا ابني
كده برضو؟؟
هو ده البر بالوالدين؟؟
تلفوناتك غلط و نايم طول النهار و مش بترد على حد و طناش خالص
ايه يا ابني
انت بتحب و لا ايه؟؟

ها
ناوي تعتصم يوم 6 ابريل
اهو هو ده اليوم اللي عاوزاك تشارك فيه و من قلبك
انا كمان بكفر اعتصم من هنا و انام في السرير
اصلي لو اعتصمت هنا مش كويس على قلبي

تتسحب مني الرخصة طوالي و اترحل على صفد
خليها تنفعني بقى
هههههه

كلبوزة لكن سمباتيك said...

يعني هم اللي مسكوها في مصر عملوا بيها اية بلا وكسة
هو في حاجة مضيعة فلوس المصريين غير النوبيلات
انا حعتصم هنا يوم 6 ابريل مش حغدي العيال و لا حروح الشغل
حلو الاعتصام ده ما يخلوه مرتين في الاسبوع خميس و جمعة


تحياتي

بنت القمر said...

وبرضه امريكا لسه بتضحك علينا بعد ما حاصرتهم وداينتهم
لسه بتضحك علينا وتقول
اعدائنا!!والانظمه الفاشيه
فاشيه ايه بس
لو شفتي اي فيلم وثائقي عن كوبا تلاقي حالهم عدم
مش فاهمه امريكا دي لازم تخلق لها عفريت وعدو من العدم
امال تقعد كده ايدها فاضيه:((
تحياتي

على باب الله said...

الشعب الكوبي ده باين عليه غلبان قوي
ما يتخيروش عن المصريين كده

---

مبروك علي فودافون السبوبة الجديدة

: )

---

^ H@fSS@^ said...

سمبوكتي
صحيح اللي مسكوها معملو شبيها حاجة معينة
بس اديهم مسكوها زي ما كل الدنيا مسكتها
لكن مش بعد ما شبا ودوه الكتاب
و لسه كمان مانعين عنهم النت
بذمتك ده كلام


يا بنت القمر
ما هو النظام الفاشي هو اللي بيولد الفقر
امريكا عاملة نفسها مخاصمة كوبا بسبب كاسترو و اصلا كاسترو ما هو الا عمليل لامريكا و التمن ايه؟ انه يفضل يحكم
طيب هل يعقل ان امريكا مقاطعة كوبا و كوبا شغالة تهديد و وعيد ليل و نهار و مع ذلك امريكا بتستخدم معتقل جوانتاناموا لحسابها و هو على ارض كوبية؟؟
يعني صدق ابو الليل لما قال ياخي ا7ا
بجد يعني
و لازمهم حاجة اسكندراني كمان
و اسمحيلي
ما اسخم من ستي الا كوبا



على باب الله
الشعب غلبان زيه زي اي شعب مقهور و يخضع لحكومات م شموفراله عيشة كريمة ابدا
انا معنديش مشكلة مع الشعب
الشعب حبيبي و شرياني اداني بطاقة شخصية
لكن المشكلة اللي عندي هي مع السلطات
الله يحرق عيلة كاسترو واحد واحد


تحياتي

أبوفارس said...

والله ياحفصه يأختى الشعب الكوبى غلبان دى مش مظبوطه قوى..أنا رحت كوبا وقضيت أسبوع فى هافانا وسط الناس العاديه..مارحتش منتجع سياحى ولايحزنون..مشيت واتكلمت وشاهدت الناس العاديه..طبعا حاله فقر دكر مافيش بعد كده ..ولكن عندهم أحسن نظام صحى خارج امريكا الشماليه وأوربا..بل أن حسب أحصائيات منظمه الصحه معدل وفيات اﻷطفال حديثى الولاده فى هافانا أقل منه فى واشنطن دى-سى!!!!!!التعليم مجانى ومن أعلى مستويات التعليم فى العالم..أنا زرت بلاد عربيه مفروض تكون محترمه زى الجزائر واﻷردن الحاله عندنا نيله قوى وزفت خالص بما لايسمح لنا نتريق على أى حد وبالذات لو سابقنا..ترتيب كوبا فى دراسه اﻷمم المتحده عن التنميه البشريه سابق كل الدول العربيه حتى دول الوهم البترولى..فصلوا ع النبى...تحياتى خالد

أبوفارس said...

لو عاوزه تقرى بالتفصيل شويتين عن زيارتى لكوبا ممكن تلقى نظره هنا...وماقبلها ومابعدها
http://miamessa.blogspot.com/2007/03/blog-post_11.html
تحياتى..خالد

Aardvark EF-111B said...

إبتسامة جانبية باهتة, صفراء عديمةالروح

Nani said...

السلام عليكم
صفصف
بالنسبة لموضوع كوبا احمدي الله انهم مسكو الموبايل اخيرا مش احسن من انهم ما يعرفوه ليوم الدين
اما موضوع الهبل اللي بصير عن الدعاة
فحدث ولا حرج
لا وشوفي هون شو عم بصير عنا
تعالي استرجي احكي انه الالباني مش عاجبك او انه احد تلاميذه زي الشيخ مشهور كلامه مش منطقي
او مجرد انك تناقشي جملة
يعني لو تكفري اهون
بتعرفي امنيتي انهم يعلنو الاحكام العرفية بس مشان يلغو حزب الاخوان المتفلسفين اللي طالعين فيها اشرف ناس وغيرهم كخة
والادهى والامر
الهبايل اللي بصدقوهم وبكررو كلامهم زي الببغا
الله يجيرنا من ساعة الغفلة
ويريحنا من الاخوان
آمين

Hypatia said...

يا حبيبتي هذا يعطينا لمحه عن حال مصر لو كان فضل البكباشي ماسكها
ومكانش الله يرحمه ويحسن اليه السادات بتاع الانفتاح اللى مش عجبهم فرجها علينا شويه
كان زمان كل التلاجات ايديال وكل العربيات نصر وكل اجهزه الكمبيوتر صخر
طبعا موبايلات وانترنت كانت حتبقي كائنات فضائيه بالنسبالنا


اهلا اهلا مصطفي باشا اسماعيل كويس انك لسه عايش
"وش حيربطك على شريط القطر"

مصطفى اسماعيل said...

انتى ليكى عين يابت انتى تتكلمى
انا زعلان منك بجد يا نسرين
بس عايز اقولك ان البكباشى اللى مش عاجبك
ومش عاجبنى برده على فكرة
حقق نقلة على المستوى الصناعى والاقتصادى لسه عايشين على خيرها لحد دلوقتى
ولسه كل مانتزنق نبيع فى اللى اتبنى فى عصره
ياريت تراجعى معدلات التنمية فى عصره
ياريت تشوفى حال الناس العادية قبله وحالتهم معاه
بس هقول ايه
شكلك من اللى كانوا بيشتروا فرختين فى الاسبوع والجمعيات خلت فرخة واحدة لكل مواطن
فالموضوع ازم معاكى وكرهتيه

Hypatia said...

مصطفي
خف وحياة ابوك انا مش ناقصه

ehsanbros said...

وسمح أيضاً بإمكانية استئجار الغرف في الفنادق للشعب الكوبي, إذ كانت سابقاً حكراً على الأجانب...

Alexandrian far away said...

صباح الخير يا حفصه
ماشاء الله وجبة أفطار تدوينيه تشبع
:-)
أركن هنا شويه عندك بقى
يعني رغم الأتهام الموجه لكي أنك ساداتيه محتاج تأكيد لأني لا اؤمن بأخذ الناس بالظنون وإن بعض الظن إثم
إلا اني أتذكر مقوله خالده للزعيم شحاته المعسل الشهير بنوره الشهير بابو الأنوار، الشهير برئيس وأنا يا ولاد..آآآآآآآآآآ
لحد ما يفتكر كان بيقول أيه
أنه قال أن تطور وتقدم أي دوله يحدده عدد السيارات في شوارعها
طبعا بما أني موجود في ضوباي فأنا أعيش في أكتر مدينه متطوره بالكون كله

كوبا يا استاذه حفصه جزيره صغيره محدودة الموارد جدا وتعيش منذ الخمسينات تحت حصار اقتصادي كئيب، وهي قبل ثورة كاسترو كانت ماخور عملاق تديره المافيا الأمريكيه، كوبا تتمتع بمستوى خدمات صحيه أعلى من أمريكا نفسها، ومعدل وفيات مواليد لا تضاهيه فيها سوى سويسرا، ونسبة أميه تساوي صفر، الناس - صدقي أو لا تصدقي- يمكنهم الحياه دون موبايل، ودون سيارات أحدث طراز ودون منتجات رفاهيه استهلاكيه غير ضروريه
كوبا ربما تفتح باب الشراهه الأستهلاكيه على شعبها وربما تعود ماخور أمريكي مرة أخرى

ساعتها سأتأكد أن لا أمل ولا معنى ولا قيمه لأي نوع من أنواع النضال وسأتأكد أن من خانوا وباعوا مبكرا وقبضوا الثمن كانوا أذكى مني كثيرا

تحياتي وأحترامي ومودتي

^ H@fSS@^ said...

بصوا
التدوينة دي اخدت منحنى ليها مكنتش متصوراه و ده كله بسبب الاستاذ مصطفى كرم الله ايديه اللي بتكتب الدرر دي
و هو مصر يلصق بيا لفظ ساداتيه و انا قلت له كذا مره مافيش لفظ بالمنظر ده
انا مش معقدة زي الناصريين و عاوزة اخلق مسميات علشان اجعجع بيها علافاضي و المليان
و عندي مقولة بحبها اوي بتقول
كلما ازدادات الفكرة هشاشة
كلما استمات اصحابها شراسة في الدفاع عنها
و مافيش ابلغ مثال على كده غير شدة تحنجر الحزب الناصري و من والاه

نيجي بقى لموضوع كوبا و هو ان نفس امريكا على مستوى العالم كله من ادنى الدول في مجال الرعاية الصحية
يعني رقمها كنت شفته في فلم تقريبا وصلت لمرحلة انها رقم 200 و حاجة على مستوى العالم
مشكلتي هنا مش معى مدى تقدم الصحة و التعليم
مشكلتي مع خنق الحريات و التحكم في اهتمامات البشر
لدرجة انه يصدر مرسوم من الرئيس نفسه يسمح فيه بتداول الموبايلات
و المصيبة الاكبر
انه قبلها كان سامح بالميكروييف
يعني ايه الخطر الامني اللي حيتهدد البلاد من الميكروييف؟؟
بصراحة مشفتش رئيس هايف بالمستوى ده و ده المفروض انه اخر معقل من معاقل جبهات الرفض لامبريالية امريكا الراسمالية الملعونة

و الحاجة التانية هي
هل تستطيعوا الان المعيشة من غير انترنت؟؟
هل يعقل اننا نعيش في العصر الذهبي لتبادل المعلومات من غير نت؟؟
و خد عندك مثال احسان
حتى غرف الفنادق كانت حكرا على الاحانب
فقط

سيدي بقدر ما الصحة و التعليم مهمين
لكن حريتي اهم منهم كلهم
و انفتاحي على كل ما يحيط بيا من امور و احداث شئ مقدس بالنسبة لي و مظنش اني اعرف اعيش من غيره

و اديني اهو عايشة سواء في مصر و او قطر و بينهم امريكا و لم تؤثر فيا سوء الخدمات الصحية و التعليمية بقدر ما بتاثر فيا شعوري بالحرية و مدى احساسي بيها


تحياتي للجيمع و انا مقصدش ماردش بشكل شخصي على كل المعلقين الافاضل بشكل فردي زي ما متعودة
لكن اديني شرحت وجهة نظري للجميع
و فعلا باقدر اراءكوا الكميلة كلها
و اااااااا
ربنا لا تؤاخنا ان نسينا او اخطانا
ربنا و لا تحمل علينا اسرا كما حملته على الذين من قبلنا
و اعفو عنا و اغفر لنا و ارحمنا انت مولانا فانصرنا على القوم الكافرين


اااا
الخطاب كده خولوص بس انا بوضحه
واااااا
مرحب ااا مرحب بيكوا و بتعليقاتكم دائما ابدا

احنا كنا بنقول ايه
مساء الخييييييييييير

:)