احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, March 10, 2008

dedicated to extra Intelligent hammas

تحذير
الفيديو انا مش مسؤولة عن اي من محتوياته لذلك محدش يقلي مكنش حقك والخ الخ وانصح اي مشاهد حساس بعدم الفرجة لوجود مشهد قتل صارخ في نص الفيديو اي نعم هو يدوبك كام ثانية لكن اديني حذرت

اللي قلبه جامد يتفرج
اللي قلبه على قده ميخاطرش
و اللي اعصابه بتبوظ بسرعة زي يتحسبن عند ربنا

حماس حبيبتي
اليكي اهدي اروع ما قيل في الحروب سواء مدنية ام عالمية
اشوف فيك يوم ياللي فبالي





"what we've got here is failure to communicate, some man you just can't reach, so you get what we had here last week, which is the way he wants it, well.... he gets it. i don't like that anymore."


"ما يوجد لدينا هوفشل التواصل، بعض الرجال لا يمكنك الوصول اليهم، فتحصل على ما وجدناه الاسبوع الفائت، و هو ما اراده، حسنا، و هو ما يحصل عليه، اصبحت لا احب ذلك اطلاقا"

" my hands are tight"

"when everybody is fighting for the promised land"

"i don't need your civil war"

"look at the blood you are spilling"

"look at the leaders we follow"

"it feeds the rich and burries the poor"

"i don't need one more war"

.

.

.

.

.

now the extra super question i have ever seen in my whole life:

"what so civil about war anyway??"

ما هو المتحضر في الحرب اساسا؟؟

لان كلمة civil

لها معنيين واحد بمعنى مدني و التاني بمعنة متمدن او حضاري

فلعب على المعنى و سال سؤاله الجبار

Guns and roses, i still salute you, since 17 years i am.

peace

10 comments:

hartaka said...

ااةة حفصوتشا الخبيثة
دنا جهزت نفسى اشوف تقطيع وحرق
اصلى بحب الحاجات دى اوى
:)
احلى مقطع فعلا بتاع
it feeds the rich and burries the poor
لخص المسألة
ولا الصورة بتاعة البنت الى ماسكة علم امريكا
والاثنين الى بياكلوا مع بعض على الارض
والاثنين الى بيبوسوا بعض وكاتبين على خدودهم no war
هو دة الكلام
دة منطق لارى فلينت بردوا كنت كتبت عنة حاجة مشابهة
بس من منظور تانى طبعا
:)

ممكن تطلع اغنية زى دى عربية يحطوا فيها صور زى دى ؟؟
لا طبعا علشان احنا منافقين
فالحين نعيط ونقول العرب اخوان والتانين وحشين ونجيب صورهم وهما بيفشخومنا زى الاغنية الاخيرة بتاعة العرب اخوان
ولا مشفاكر اسمها اية دى الى بيغنى فية حوالى 40 قفا من المغنيين العرب

على باب الله said...

فيديو مؤلم فعلاً

الحرب شيء بشع مالهوش لزوم

حاجة كده بترجع بالإنسان لدرجة الحيوان

حيوان أيه ده أقل و أقل و بكتير من الحيوانات

و هو حد شاف حرب بين الحيوانات ؟

جبهة التهييس الشعبية said...

هو مين بيحب الحرب يا صفصف الا اللي ما بيتكويش بنارها
بس الكلام ده ما يتقالش لينا خالص يا صفصف
ولا حتى حماس بالرغم يعني من اني مش باطيقهم مش باطيقهم مش باطييييييييقهممممممممم
بس اللوم على الحرب يوجه للي صنع الحرب مش للي بيدافع عن نفسه
حتى لو كان غبي وحيوان وما بيفهمش ومتخلف عقليا ومعاق ذهنيا زي حماس بس في النهاية مش هو اللي اختار الحرب هي فرضت عليه
وللا الناس لما بلدها تحتل تعمل ايه؟

عين فى الجنة said...

الحرب بشعة ولكنها جزء من الطبيعة البشرية منذ خلق الله ادم
وولاد الكلب عودونا على مناظر القتل والدماء كل يوم على الشاشات حتى تبلدت مشاعرنا
وعارفه اوسخ منظر فى الفيديو ده هو بوسةالشخص العراقى للجندى الامريكى

^ H@fSS@^ said...

هرطقة
بلاش تقول خبث
اصله بيدل على عدم صفاء النية
لكن ممكن نقول مكر او لؤم
ده حتى ربنا خير الماكرين
ههههه
انا كمان عجبتني صورة اللي بيبوسوا بعض و كاتبين نو ووار
و نعم التعبير
ممكن تبقى تديني اللنك بتاع البوست بتاعك عن لاري فلينت؟؟
و طبعا مؤكد انت عارف رايي انه و لا ممكن ابدا تطلع اغنية للانسان ككل
لازم يطلعوها بس للعرب و بس للمسلمين منهم
هو زمان كانت فيه اغنية الحلم العربي
و دلوقتي سمعت عن مشروع لاغنية تانية مؤكد حيفلقونا بيها فترة من الزمن
لنا الله يا سيدي




على باب الله
تصدق سسؤالك في محله؟؟
مظنش اني شفت الحيوانات بتقتل في بعضها و ان كان شفت الحكاية دي بس في الاسود
لكن متوصلش لحد الابادة و الاستمرار و حتى اذا فرضنا انهم بيقتلوا بعض فهما في الاخر حيوانات
لم ترقى لمستوانا
لكن تقول ايه بقى في قلة العقل و القيمة؟؟



نوارة
متفقة معاكي ان احنا مش بنحب الحرب
لكن لما الاقي نفسي بحاب اله عاتية القوة و مش حيقف في طريقها اي شئ متغباش و افضل اموت في اهل بلدي بحجة اني حوريهم شغلهم
و كمان مفضلش احاربهم و اكون بديهم فرصة من دهب انهي يلاقوا حجة يشخرموني بيها
انا احب لما اضرب اضرب صح
و افقعهم البمبة اللي هيا و يعرفوا ان الله حق
لكن افضل اعمل لعب العيال ده من غير اي نتيجة ايجابية بالعكس قمة السلبية و قمة قتل الناس المدنية
يبقى اقف و افكر و اركز و اغير خططي
مش افضل زي مجنون الشارع اضرب في الهواو خلاص


استاذ راجي
للاسف اختلف مع حضرتك كليا و جزئيل في حكاية ان الحرب جزء من طبيعة البشر منذ خلق ادم
ابدا مش معقولة يكون ربنا خلقنا علشان نعمر الارض نقوم يخلق فينا الحرب كغريزة مثلا او شئ حتمي
حضرتك ممكن تقلي قصة هابيل و قابيل لكن ده مش معناها ان ربنا خلقنا بيها
احنا الناس اللي اختلقناها
لان ربنا سايب لنا القرار
و مش ربنا اللي قال لواحد منهم روح اقتل اخوك
و لا هو وز من الشيطان
والله الشيطان برئ مننا ليوم الدين
و لا له دعوة باللي احنا بنعمله
لا اعتقد بحتمية الحرب و لا انها جزء حتمي للطبيعة البشرية


تحياتي للجميع

عين فى الجنة said...

ولكن الملائكة قالوا اتجعل فيها من يفسد فيها ويسفك الدماء
وانتى ضربتى مثل ابناء ادم ولم تكن هناك حاجة منطقية للقتل فى النزاع اللى نشب بينهم فلجأ الاخ لقتل اخيه حتى قبل ان يعرف كيف يدارى سوأته
والتاريخ خير دليل على ان القتل وسفك الدماء جزء اصيل من الطبيعة البشرية ولا الملايين اللى قتلوا فى الحروب على مر الزمن كان مجرد هزار
وعلى باب الله قال انه لا توجد حرب بين الحيوانات وقد صدق فالحيوان لا يقتل الا بسبب الجوع
وفى آيه فى القران بتقول ولله جنود السموات والارض
وهى سوف تتلى الى يوم البعث فطالما هناك جنود فسوف تكون هناك حروب
وفى عصرنا هذا يبحث الانسان عن ابتكار اسلحة فتاكة تقتل الملايين بضغطة زر واحدة بدون ان تطرف له عين
فالحرب جزء من الكبد الذى خلق فيه الانسان على الارض وهى قرار الانسان للاعتداء او للدفاع فمن اعتدى فقد سقط فى الامتحان ومن قاوم المعتدى وقتل فهو شهيد

^ H@fSS@^ said...

استاذ راجي حتفضل دي وجهة نظر حضرتك و حتفضل ليا وجهة نظري
و ربنا خلقنا علشان يعلمنا و يخلينا نعمر الارض
مش العكس و الايه بتقول كالاتي
"
و اذ قال ربك للملائكة اني جاعل في الارض خليفة قالوا اتجعل فيها من يفسد فيها و يسفك الدماء و نحن نسبح بحمدك و نقدس لك قالي اني اعلم ما لا تعلمون
"
صدق الله العظيم
يعني احنا هنا مش حنتبع كلام الملايكة و نتجاهل كلام ربنا
هما تكهنوا بفشلنا و بعدم طهارتنا لاننا من طين و هما من نور
لكن ربنا قالهم انا عارف
اللي انتوا متعرفهوش
طيب ما ابليس اعترض علينا و اتغر بنفسه و كونه من نار و احنا من طين
لكن برضو ربنا شاف ان احنا مكرمين عنه
ببساطة الملايكة و ابليس كانوا غيرانيين مننا و مازالوا يا سيد راجي
ما بين توقع الفشل و الاستعلاء
تشغل الغيرة حيزا كبيرا
دورنا احنا بقى ان احنا المفروض كنا اثبتنا خطاءهم الاثنين
لكن احنا خذلنا ربنا و مش معقولة ربنا يخلقنا بطبيعة فيها شئ مؤذي و بعدها يحاكمنا عليه
و ده اولا و اخيرا رايي الشخصي
لكن اعتقد الاية كلها على بعضها بتقول كده
لكن لو مشينا على جزء معين منها مش حنفهمها صح او مش حنفهم القصد منها بالكامل

تحياتي

عين فى الجنة said...

الملائكةلم يكونوا غيرانين بل شافوا تاريخ الانسان لان الزمن بالنسبة لهم وحدة واحدة
ده كان المقصود من اجتزاء الايه
وكون ان العنف او القتل نابع من الطبيعة البشرية ليس معناه ان الله قد خلق شرا ولكن معناه فى رابى ان ذلك جزء من اختيار الانسان الذى سمح به الله للانسان
فهو كما يستطيع الحب والعطف والتفكير ايضا يمكنه ان يكون قاتلا وعنيفا ومجرما
وهذا هو الابتلاء او التمحيص وسوف يحاسب فيثاب او يعاقب
وانا طبعا باعرض وجهه نظرى وعارف انه موش ضرورى ان حضرتك او اى شخص تانى يقتنع بيها
تحياتى

جبهة التهييس الشعبية said...

آه طبعا يا صفصف ما احنا متفقين في الغباء فيه سم قاتل

ذو النون المصري said...

مشهد مقتل المدني حامل السلاح فعلا مشهد صعب جدا
موته كان اهون من موت الفرخه
.............................معندكيش اي معلومة عن شهروزه
انا محرج اتصل بيها اسال عن احوالها و سبب انقطاعها