انا
مضربة
و هذا اضعف الاضراب
تحديث
الان
استحضر ارواح من هم واقفون الان في وجه الظلم
استحضر اصواتهم و اتخيل شدة الامر و رهبته
استحضر شكل العربات المقنعات باغلال الحديد التي تقاوم صرخة الحق
صرخة الجوع و القهر
استحضر حرارة الجو التي اراها بام عيني تخرج من افواه الارض
حتى الارض تصرخ
كم بقي حتى تقوم القيامة
استحضر حبس الشخوص و كتم النفوس
استحضر قلق العيون و زهق العقول
استحضر جلل الامر و شدة الهوان
استحضر من ماتوا و من هم احياء و من مازالوا يصرخون
استحضر كل هذا و ابكي لكي يا مصرتي العزيزة
فلا اليوم يومك و لا الذل شانك
ولا انت برخيصة حتى يتم هذا في حق شرفك
اراكي تبكين على ماال الحال
اراكي تنتحبين على زهور من الشبان
تقطف و قطفت و يستمر الهدم بعد ان كنا بلد البنيان
استحضرك يا مصر في كل لحظات يومي
ولكن اليوم
لكم انا مهانة
لكم انا ضعيفة و خذلانه
لكم انا حقيرة و جبانة
لم اكن معك
لكم افعل الا ما يفعل القيان
صورهم جميلة لكن لا استفاده
11 comments:
me too
sampateek
نتقابل بكرا
سجل كل حاجة يا جمعة
ده يوم خطير جدا
وصيتك العيال
بس خد بالك من نفسك
وثق كل حاجة علشان محدش يقول حاجة و يكذب براحته
حتحط ورده حمرا و لا ايه؟؟
حقابلك ازاي
سمبكتي
تيجي نتقابل على حدود قطر السعودية و نضرب هناك؟؟
تقريبا يا صفصف
هي اسكندريه دي خارج القطر المصري تقريبا شدوها بحبل وبقت تبع ليبيا ومنعوا عنها الاخبار
الساعه تلاته ومفيش اخبار في التفزيون وانا راحه جايه من نوارة الي وائل عباس
عشان اعرف هنا الجو هادي طحن وكملت باخبار الجزيرة المقطوعه
فيه دين ام ناس بتموت فى المحلة دلوقتى
ركزي جهدك ومتابعتك معاهم
يا مصطفى اللي كتبته ده كان من اول النهار
اول اللي سمعته
انا مش لاقيه اخبار خالص
لفيت على مدونات خلق الله على موضوع الميتين في المحلة ده
حتى نوارة بتقول معلومات و مش لاقيين اللي يعمل تغطية
قلي اعمل ايه و اركز ازاي
انا فاتحة على تلات محطات في التلفزيون و متابعة النت اني الاقي تغطية علهيا القيمة
لا الجزيرة
لا العربية
و لا اي قناة عاملة تغطية
و كله كوم و التفلزيون المصري و برامج زي 90 دقيقة كوم تاني
بيتعاملو مع الاضراب كانه شوية شغب مدارس
خبرني انت باللي تعرفه
و طمني عليك
المؤكد اتنين قتلوا
وفى انباء انهم تلاتة وفيه ناس بتقول اتناشر
بس المؤكد حسب كلام ناس متواجدة هناك اتنين
غير عشرات الجرحى
غير مئات الاعتقالات
غير حظر تجوال
غير محاصرة حوالى خمسين واحد فى مقر حزب الجبهة بينهم حوالى عشرة اطفال
ده المتوفر
و الله الاخبار المتبادله بين الناس و معرفتهم كلهم بالموضوع هي احسن شيء في الموضوع و الليله كلها
الناس من كبيرهم لصغيرهم حتي في ارياف كفر الشيخ عارفين ان فيه اضراب و ان كانت طبيعة عملهم تمنعهم من المشاركه فيه
الا انهم عارفين و متعاطفين مع المضربين و فاهمين ان الاضراب لاجلهم
الله يعينكم :)
بس اضرابكم فشل
هو احنا العرب بطلنا ننجح في اي حاجه
شكرا اخت ماجدولين لتعاطفك معانا
بس خليني اوضحلك فكرة
الاضراب يفشل لما الناس متضربش و تقضي يومها عادي و ميحصلش اي شئ غير طبيعي في الشوارع
معرفش اني قريتي ف يانهي مصدر اخباري ان الاضراب فشل
يمكن اللي وصلك كانت اخبار من القنوات و المواقع الرسمية المصرية و دي عمرها ما حتجيب حاجة صح ابدا
الدنيا مولعة يا ماجدولين و ادي عندك كلام مصطفى اسماعيل و لسه في مواقع زي واحدة مصرية و الوعي المصري و ابن العريش
كل دول عندهم صور
الموضوع وصل ان فيه قتلى و جرحى و يا عالم حيخلص الموضوع على فين
اشكر مرورك الكريم و نورتينا
تحياتي
السلام عليكم
حفصة
الله يكون بالعون
وان شاء الله الاضراب ياتي بثماره على الغلابى
انا عم بتابع الاخبار
للاسف كلهم متبعين مبدء
CNN
سنوافيكم نتفة نتفة
المحلة كلها مسكرة وعالم عم تتبهدل
الله يكون بالعون
صلواتي وهي اضعف الايمان معكم
Post a Comment