احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Wednesday, April 9, 2008

خالتي حرية ...من تاني

12 comments:

بنت القمر said...

كليب تحفففففففففه اوي
وحمل بسرعه من
غير تقطيع معمول روعه
وفي الجون
تحياتي

karakib said...

:) حقيقي فعلا

bluestone said...

بس هل هي فعلا معدية ..
ولا طفرة وخلاص ؟
والناس قاعدة مستنية بطل .. تسقف له وتدعيله ويقوموا يناموا زي كل يوم !!

Nsreen Bsunee said...

الفيديو جامد والفيديوهات كمان المرتبطه بيه اللى بتظهر بعد ما يخلص جامده جدا

الاغنيه اللى فى السايد بار فظيعه يا صفصف تحفه تحفه

تحياتي

وينكى said...

يعنى هو لازم الناس تستنى واحد ياخد الخطوه عشان يعملوا زيه
لسه برضه ماشيين بمقوله تقدم ونحن وراءك؟؟
كل واحد فيهم كان يشوف نفسه فى المرايه ويتفرج على البؤس اللى كان فيه
ولا الفكره ماجتش على بالهم
انا اتلجمت قدام الكليب بصراحه
للحظه افتكرت ان اللى بيخبط دماغه فى الحيط ده عاوز ينتحر من كتر الملل بس النهايه حلوه برضه

Desert cat said...

للاسف لسه مظهرلناش بطل
هل فعلا هنشوف الحرية

زكرياء said...

الكليب معبر جدا، فيه وصف لحالة المجتمع الخائف او المُغيّب ... فعلا بساطة معبرة بشكل عنيف...تحياتي
زكرياء

انا مش سلبى said...

بجد فيديو روعه
تسلم الايادى

HafSSa said...

اشكر تعليقاتكم
انا الراجل ده بصراحة بحب كل كليباته الكوميدي منها و المأساوي
و الجاد هو فنان عبقري بكل بساطة
لكن انا ليا تعليق ليكي يا قطة الصحرا
مش لازم نستنى بطل يظهر و احنا ساتها نطالب بحريتنا
بالظبط زي ما قالت وينكي
و اضيف ان كل واحد فينا جواه بطل بس مستني اللحظة الصح اللي يظهر فيها بطولته
لو كلنا فضلنا نقول هو فين البطل
مظهرش ليه
يبقى عمره ما حيظهر
حنفضل كلنا مستنيين
هل قريتي في انتظار جودو؟؟
لاسماعيل بيكيت؟
لومقريتهاش يبقى لازم تقريها
اقريها بالعربي
بالانجليزي
باي لغة تعجبك
بس اقريها
اهو اشخاص المسرحية فضلوا طول الوقت مستنيين جودو
فهل ظهر؟؟
منتهى قمة العبث
فهل ترضي ان حياتك تؤوول للعبث؟؟
سواء انتي او غيرك
انا مش قصدي احملك الكلام ليكي انتي بس
كل واحد مننا يبدا بنفسه
حتبصي تلاقي غيرك قلدك و بدا بنفسه
و هوبا نلاقي كلنا بدأنا بنفسنا لكن وقتها حيكون كمية كبيرة من قطاع المجتمع بدات بنفسها
هي دي البداية
نبدا من نفسناو نتكلم بصيغة الجمع متفنعش
لكن ابدا من نفسي تنفع
و خدي بالك
اول ما حتبداي تبتدي بنفسك الناس حتقول عنك مغرورة و انانية
طنشيهم طوالي
و امسحيهم باستيكه
علشان هما دول اللي لا حيبدوا بنفسهم
و لا يحبوا غيرهم يبدا بنفسه لانهم بيخافوا من عدوي الانتقال
لانهم بيحبوا يعيشوا في الماء الراكد
شفتي الموال طويل ازاي؟

بلوستون
اعتقد لما الواحد بيشوف مثال كويس حاصل معاه فعلا بيتعدي منه
انا بقلك كده و انا على اشد الاقتناع لان ده حصل معايا من اتجاهين
ناس شافتني عملت حاجة فقلدتني و كلنا كسبنا في الاخر
و انا شفت ناس زي الفل فحبيت اكون زيها و يا عالم
يعني ابسط مثال
شخصية صديقة ليا
كل يوم بتثبتلي انها قادرة على فعل حاجات انا كنت اظنها متعبة و و سخيفة و مضيعة للوقت
لكن لما شفت بالمثال الحي انها قابلة للتنفيذ
بديت انا كمان افكر
و بقت كل مشكلة تواجهني اقول لو الشخصية دي كانت هنا مكنتش قبلت بده يحصل ابدا
و اقوم احس بنوع من التحفيز لفعل الافضل او الاجود

معلش طوةلت عليكوا
وينكي مثالك رائع

نيسو الاغنية اللي على السايدبار بتاعت اعجوبة الزمن زياد ابن الرحبانية و سليل الست الفيروزية
فمستوقعة ايه تاني يطلع منه غير كده

اهلا وسهلا ب انت مش سلبي
و زكرياء

على باب الله said...

بسيط و جميل جداً

مُزمُز said...

صباح الخير يا خالتي حرية

صباح المود الثوري يا حفصوتشا

:)

HafSSa said...

صباحك ثورة و حرية و صوت عالي على كل شئ غلط

الخلاص يا اهل الخلاص

مش كده و لا ايه يا جماعة؟؟


تحياتي