My Cairo

This is my city, Cairo.

This is how i like it, crowded, dusty,promiscuous , its like a medium beautiful prostitute or a manipulative student, intelligent, but on his own way.

قلقة، لا اعرف و لا اهتم

تتملكني الان حالات غريبة
افكر فأتوه
اود القراءة لكني لا استوعب
اقرر الكتابة لكني انسى ما بدات خطه منذ لحظات
حالة توهان لا اعرف لها سببا
تائهة من ماذا؟؟ لا اعرف
بالامس كتبت و كتبت الكثير
لسبب لا اعلمه مسح الجهاز كل ما كتبته في غفلة مني
حاولت تذكر اي شئ ممما قد كتبته فلم استطع
الغريب انني ام احزن على كلماتي الضائعة مع انها كانت من احسن ما كتبت صدقا
هكذا بكل بساطة لم احزن
لم؟
لا اعرف ايضا
الاسبوع الماضي كنت مازلت مريضة جدا
استطعت النوم باعجوبة بالرغم من هجوم الكحة المميت
فقط عندما بدات النوم
تمخضت مخيلتي عن افكار جميلة
كانت مجسدة امامي بشكل واضح لم اعهده منذ فترة طويلة
لكن جسدي كان متبعا لدرجة انني لا يمكنني حتى التفكير في النزول من السرير
اخذت اردد على سمعي ما كنت افكر به حتى احفظه و في الصباح اقوم فادونه في مفكرتي
نمت
وافقت
فلم اتذكر حرفا
تذكرت اني كنت قد توصلت لافكار مدهشة
و كلام منمق و هادف
to the point
كما يقولون
لكني لم استطع تذكر عن ماذا بالظبط كنت افكر
و لا ماذا كانت كلماتي تقول
و ايضا لم اهتم و لم احزن كسابق عهدي
لماذا فقدت شعوري بالحزن على ما افقد؟
لا اعرف

منذ فترة شهور كسر لي كوب تذكاري من الجامعة التي كنت فيها منذ السنتين
تركته مكسورا على الارض و ذهبت لاحضر كاميرتي و صورته و كتبت مقطوعة متعلقة عنه و نشرتها في حساب الفيسبوك
قديما قبل النت و الكومبيوتر و الفيسبوك و الكاميرات الرقمية
كان اذا كسر هذا الكوب فسوف ابكي عليه كثيرا و ربما اكتائب لفترة ما حزنا على فقدانه
اما اليوم فاكتفيت بتصويره
و التعليق على الحدث كأني مراسلة صحفية تحصي الموتى بعد غارة جوية عنيفة
لماذا فقدت شعوري؟ لا اعرف
الادهى اني لا اهتم
و هذا ما يؤرقني
انني لا اهتم لماذا لا اعرف
************

فلسفة غريبة

اخبارك ايه؟
عادي
مافيش جديد
ودي المشكلة

عادي ان كل شئ يبقى عادي
ما هو مش طبيعي ان العادي ميبقاش عادي
صح؟
شفت الفلسفة
المسألة نفسية برده
و عصبية كمان
لما كل شىء يبقي عادي
وبجد عادي
ده شىء يضايق
لأنه بجد مش عادي
كنت حقلك حاجة و نسيت
عادي
العادي اني بقيت انسى كل شئ
و كأن العادي ان مافيش حاجة تفضل في المخ
و كأن العادي ان الكلام يتكون في المخ فقط عشان يحصله مخاض على لساني
عادي
زمان قلت اقف في نقطة العدم فوددت ان اكون نسيا منسيا

الان

اود الذوبان تماما فلا اقف على اي شئ

i wanna be loved by you, just you

كلنا نهي

كلنا نهي
هو ده المفروض اللي يحصل
مش ليلى التي تاتي من رواية رمزية


يشهد بعض الاصدقاء المقربون اني كنت مستعدة للكتابة عن موضوع كلنا ليلى من رؤيتي الخاصة من حوالي الشهر او اكثر
و بالفعل كتبت و توقفت
ثم اعدت الكتابه تاني

ثم كتبت مرة تالتة
و وجدت ان كل ما كتبته يستحق النشر لكن من اسباب تقنية ( احتراق الديسكتوب بفعل ماس كهربائي بجد مش من بتوع الحكومة) لاسباب مرض سخيف
تاخرت
لكن تابعت و ان كانت تنقصني الحماسة لكل ما قيل و قال
الان فقط تولدت لدي الحماسة من جديد عندما قرات خبر حصول المتخلف المعتدي على نهى رشدي بالحكم لثلاثة سنين كعقاب له على تعديه على نهى في مكان عام و تحرشه بها

الان فقط اقول انه هناك مثال حي لفتاة محترمة اخذت حقها بدراعها الاول و مخافتش و بعد كده بالقانون و كل اللي خوفوها خسروا
و كل اللي فهموها انها بكدا حتخسر شرفها و انوثتها و عرضها و سمعتها طلعت نأبهم على شونة
عن نفسي حتبنى حملة كلنا نهى
لان الحي ابقى من الميت
و لاني اتبنة حملة لواحدة عايشة ادتني مثال ايجابي عن كيفية صد المعتدي و ازاي تاخد بحقها متخافش من المجتمع اللي هي عايشة فيه عندي اشرف مليون مرة من اني امشي مع حملة لواحدة من بنات افكار اديبة مهما اتت من قدرة لكنها بتحكي خيال و مهما كان الخيال ده حقيقي و مستقى من ارض الواقع فاخيرا الواقع النهاردة اداني احسن مثال
حقيقي
حي
مباشر
و زمنه من زمني
النهاردة الواقع اداني نهى رشدي
و من النهاردة انا نهى رشدي
و المفرض كلنا نبقى نهى رشدي

و على وزن مصر اليوم في عيد
فحقول حوا اليوم في مهرجان

مين بقى يقدر يعملي بوسترلحملة كلنا نهى؟؟؟؟؟؟

وبكده اعتقد ده اسرع بوست كتبته في حياتي و لكنه لسه تسخينات البداية، البقية تاتي و بقوة ان شاء الله

تحياتي مؤقتا

الازمة المالية بمنظور اسلامي و تاثيرها على الاقتصادات العربية ااااااااااااااااه يا قلبي يا جبيدي يا ولدي

يا ربي انا ليه فتحت الجزيرة النهاردة؟؟ مش كنت اقسمت قسم الكتاكيت اني مش حتفرج على اخبار؟؟

لكن يعني اهو

المثل بيقول المنحوس منحوس و لو علقوا على باب بيته فانوس

انا اللي جبته لنفسي

انا بفتح اشوف ايه اخر تطورات الازمة المالية فالاقي خبر من ضمن الاخبار المتصدرة قورة الصفحة هو الخبر الهمام ده

بصراحة مقدرتش امنع نفسي من المتابعة

و لما فتحت الخبر نفسه

يعني فضلت مبلمة ومبحلقة غمضت و فتحت في عنيا و حطيت القطرة قلت يمكن موغوشة لكن طلع عنوان الخبر صحيح

الازمة المالية بمنظور اسلامي و تاثيرها على الاقتصادات العربية

طيب يعني ابتدي بمين ولا بمين و احلله؟؟

الازمة المالية خلاص و عرفناها

طيب نبتدي بما بعدها

منظور اسلامي: حيفرق في ايه المنظور الاسلامي عن غيره؟ هل لو قلت منظور بوذي حنتوصل لنتايج غير؟؟

طيب هل لو قلنا منظور شيوعي يبقى شمتنا في الراسمالية و نقوم نهيص بقى خلاص ما هما شمتوا في الشيوعيين من كام سنة و دلوقتي حان وقت ان الشيوعيين يشمتوا فيهم

ولا لو قلنا من منظور اسلامي ان احنا اول من اكتشف فايدة الصفر و فضلنا متمسكين بيه كرقم قياسي غير مسبوق الوصول في تحقيقه لتحديد انجازتنا؟؟

تاثيرها على الاقتصادات العربية: اولا اسال و اقول على راي مفيد فوزي، و هل هناك اصلا اقتصادات عربية؟؟ لولا ان البعض منهم عنده بترول، يعني شئ طبيعي و مكتشف، هل نقدر نقول عندنا صناعات ثقيلة يحتاج ليها العالم و مستمرة بشكل قوي؟؟ اعتقد و للاسف لا

طيب النقاط التالية كمان اثارت في مخي تشكيلة من التساولات على الاندهاشات على الاستعجابات

اولا: بتتوصل نتيجة المؤتمر على ان البعد عن الحكم بنظام المال الاسلامي هو سبب مشكلة الاقتصاد حاليا، طيب هل لما احنا طبقنا طرق الاقتصاد الاسلامية نجحنا يعني و انا مش واخدة بالي؟؟

و انا بتكلم عن الزمن الحالي

مش عن ميتين سنة فاتوا

ولا الف سنة فاتوا

انا عاوزة حد يكلمني بالهجايص، بالكلام الشعبي السلس المختصر على راي سعيد صالح

ميقليش اصل زمان كنا قوة

و زمان كنا العز و كل اشباه الجمل دي انا عاوزة حد يكلمني عن اقتصادنا خلال الخمسين سنة اللي فاتوا لما بدنا نطلع بموضة بنوك اسلاميه و غيره

ثانيا: وهم ما يسمى بالبنوك الاسلامية او الاقتصاد الاسلامي للاسف وهم كبير اوي ضحكوا عليك بيه يا جبيدي يا ولدي، يعني حتفرق ايه

لما نقول فايدة من مرابحة؟؟

هل الفلوس المستخدمة سمعت الكلام فلما سمعت فايدة فسقت ولما سمعت مرابحة امنت بالله؟؟

هل حيختلف نوع الربح ايا كان مسماه سواء كان جاي من فايدة او من مرابحة؟؟ يعني هل واحدة بنت اصول و التانية بنت شوارع؟؟

والوهم التاني ان الناس تقلي ما هو اصلا انا مالياش دعوة، انا حطيت الفلوس على ذمتهم و السيئات بتاعت الفايدة دي هما اللي ياخدوها، الله؟؟ يعني يوم القيامة حنقعد نوزع بقى السيئات ما بينا و نلعب سيكا على عالي و سيكا عالواطي و نشوف مين يشيل اكتر؟؟ و مؤكد مدير البنك حيروح جهنم حدف، و بعدين اللي يعتقد ان موظفين البنك هما اللي يشيلوا الوزر عنه

ده بيضحك على مين؟ ربنا تعالى؟؟ بتضحكوا على ربنا يا بشر؟؟

هو ده الايمان اللهم كتر من امثالكم؟؟

طيب و لما الموظف ده يمشي من البنك الاسلامي ده يعمل ايه في خزين السيئات اللي حملها عن عملائه؟؟

و ايه الطريقة المتبعة في انه يورثها للموظف اللي حيمسك بداله؟؟

يعني نروح فين بالظبط عشان ننقل الارصدة؟؟

و لا دي ليها خدمة في فودافون؟؟

طبعا حيجي واحد من ازكى اخواته يقلي مش المقصود ان الموظفين بشخصهم هما اللي يتحملوا الوزر لكن البنك كهيئة، طيب يعني ما هي الهيئة دي مش واحدة ست قاعدة جنب باب البنك نتمسح فيها و احنا داخلين؟؟ في النهاية الهيئة هي مجموعة من موفين البنك او حاملي الاسهم و السندات.

ولا يكونش القصد مبنى البنك الجماد؟؟ هو ده اللي حيشيل الذنوب؟؟

و يا ترى حيتحاكم ازاي يوم القيامة؟

و طبعا توه ديكهما على بعضهما بحيث متخليش حد يفكر و لا ياخد باله و تفضل العجلة نايمة و يبقى فعلا الشكرامون طاخ في التراللي

و موتي يا سلحفاة عبال ما حد ياخد باله او يتوصل للتفكير العبقري و يكتشف الملعوب

و يبقى كله بقى في السليم لانهم كانوا مكارين و فيشوا الهوامش صح مش زي نور الشريف

ثالثا: الظريف بقى ان الخبر كان مورد فيه رابط لمجمل احداث الازمة العالمية

فلقيت تعليق ظريف خالص في اخره بيقول

"

تعليقات القراء
mamado_ehab
هل الاقراض الربوى سيتم الغاؤه و يصلو لحلول تقترب من الاقتصاد الاسلامى ربما يصلو اليه قبلنا فهل نطبقه قبلهم ام ننتظر لنقلدهم حتى فى الاقثصاد انها لعبره لمن يعتبر ونراجع نظامنا المالى قبل فوات الاوان حقا يمحق الله الربا و يربى الصدقات

"

الاخ شايف ان الاقتصاد صدقات، طيب يعني اقول ايه؟؟

يا ريت كان حد اتصدق عليا من البنك، مكنش ده بقى حالي

رابعا:كسبب مبدئي لحدوث الازمة المالية الحالية دي هو كان زيادة نسبة المقترضين مع علم البنوك و شركات التامين عدم قدرة المقترض على السداد نظرا لارتفاع اسعار تكاليف الحياة بالاجمال

و نفس الوقت نلاقي في الخبر التالي ان دول اليورو بتجتمع عشان تواجه الازمة دي

يعني مقالوش تجتمع من منظور مسيحي او علماني او شرق اوروبي او شمال اوروبي او فرانكوفوني او انجليكاني او اسكندنافي، فقط اجتمعوا على الشئ اللي يجمعهم و بيوحدهم و هو اليورو كعملة، طبعا احنا ارفع منهم شاننا لان معندناش عملة موحدة من اساسه. انا متاكد زي ما انا شايفة السندوتش اللي قدامي ده ان اجتماع اليورو حيخرج بنتايج عمليه و كلهم متفقين عليها و كله حيبقى قشطة بينما حيخرج اجتمعنا عن نتايج زي نتايجي في الترم التاني لتاينة ثانوي حيث كان السقوط المريع في كل من الرياضيات و الكيميا و الفيزياء مع تعميق شعور الانا العليا و تضخم في شريان الغرور و استمرار تدفق رؤوسنا دفنا تحت الرمال

رجاء اخير، ممكن نفوق ونوعى علي قيمتنا و نعرف اننا لا نمثل اي شئ و اكتر شئ حيهتموا بيه هو مشكلة سعر البترول من ارتفاع او انخفاضو بعد كدا خلاص مش حيبقى فيه اي لحمة ياكلوها و حيتبقى العضم و مؤكد الكل يعرف فين بيروح العضم بعد الانتهاء من الاكل

دمتم

Epitaph lost her blog

We are a group of Egyptian bloggers really bothered by the blockage of the two-year-old blog "Epitaph_87" ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!Just for notice, we have published this problem on our blogs!!Thank you!Hafsa www.elnaswiel3alam.blogspot.com

رتم يوم على وزن شتا

هل بتحصل في يوم انك تلاقي رتمة اليوم ماشية بالظبط زي كلمات اغنية بتحبها؟ و مؤكد لا كاتبها يعرفك و لا انت صحيت من النوم و قلت انا النهاردة ناوي اشرب عنب العنب و لا حروح اركب حنطور.

حط الدبلة و حط الساعة

حط سجايرة و الولاعة

علق حلمه على الشماعة

شد لحاف الشتا من البرد

يمكن كوثر مصطفى وقتها كانت بتراقب جوزها او اخوها اللي لسه مش عارف يكمل حياته زي ما هو عاوز.

بس انا سخنت ميه للقهوة، و سلقت بيضة و قرمشت التوست و ولعت بخور بريحة الزبدة و الروم معرفش ازاي بيصنعوه و كمان ولعت شمعة بالفانيليا. عبال ما كل ده يجهز، شقرت على زرعة الياسمين العقيمة و لسه عندي امل ان فتافيت قشر البيض الناشف حتساعد في اخصابها

زودت ميه البامبو و رميت ورد قديم معفن. بيقولوا ان البامبو بيجيب حظ سعيد للمكان اللي بيبقى فيه. عن نفسي كنت مربية كام عود في اودتي في امريكا، عمري ما شعرت بتوحد مع اي نبات زي ما شعرت مع البامبو، مش حدعي سابق معرفة بيه لانه بقى موضة دلوقتي، كل معرفتي بيه انه الاكل المفضل للباندا. لكن لما لقيته رخيص اوي كدا في امريكا قلت اربي لي كام عود، كنت حاسة اني عاوزة ارتبط بشئ هناك او احسس نفسي اني مش في غربة، و يمكن لعادتي الفطرية لحبي رعاية اي شئ و انميه، سواء اراعي شخص او نبات او قضية.، مبقدرش اقعد من غير ما احس اني مسؤولة عن حد.

لما جبته، زميلتي الصينية في السكن قالت لي انه بيمثل لهم في الصين علامة حظ و خير، المعلومة دي فادتني لما قطها مات و حبيت اعزيها فاديتها فرع عشان تبطل عياط و نخلص من موال "كاتسمياو". انبسطت اوي و حست ان اللي جاي حيبقى احلى و انا فرحت انها خلصت موال نحيب وفاته الكريمة.

رعاية البامبو سهلة اوي، ننساه في المية، كل اسبوع نحط له قشر البيض المتفتفت صغير اوي اوي (يندق بايد الهون) و نزود المية كل ما تنقص، و شوية شمس بس متكونش حارقة زي هنا مثلا

ممكن بقى نزرع كلنا بامبو؟؟و نحطها تحت مسمى عتبة جديدة

رؤيته فعلا بتشرح القلب، اللذيذ في الموضوع اني اصريت ممعنش النظر فيه النهاردة.

بلعت فطاري و فتحت الاخبار، كلها مااسي عن السقوط " الغير مسبوق" للبورصة و انهيار الدولار و البترول و قيم الفايدة و اسعار الاسهم و السندات و الاراضي و العقارات. حالة انتحار جماعي للحيتان الاقتصادية

هو التفسير بسيط خالص، بوش لقى نفسه ماشي ماشي و مش عارف يتذرع باي حرب جديدة و يقعد فترة مفتوحة الامد من غيرما حد يقدر يقله بم و لا قادر يمد في القديمة فقالك اسيبهالهم مخضرة و وروني شطارتكوا يا حلوين.

اول مرة كرهت العولمة كان من يجيي 6 سنين لما منعوا عننا البونس السنوي بتاعنا مع اننا كنا كقسم حسابات الافراد عاملين ربح كويس اوي و وكمان تعدينا الهدف الطلوب مننا. السبب بقى كان ان قسم حسابات الشركات في البنك خسر لان فيه شركة ماسكة توكيلات دايو في قطر خسرت عشان الشركة الجدة في كوريا اعلنت افلاسها، طب و انا مالي؟؟

لكن دلوقتي مش طايقة العولمة الاقتصادية دي بتاتا

وقفوا تعينات

و وقفوا الترقيات

قلصوا حجم العمالة

و لان مالياش لااسهم و لا عقارات و لا يحزنون

فقلعت النضارة

و طفيت الموبايل

و شديت الكوفرتا

و شغلت التكييف

و دندنت و قلت

انا قلبي برج حمام

هج الحمام منه

ياللي عنيك كلام

ليه الضلوع انوا

انا قلبي كان شباك

بس الهوا شباك

يا بكرة بستناك

ليك العيون حنوا

و من ثم كرهت عيشتي الحمقاء مفرغة المعنى بزيادة

دمتم

كان نفسي اقول و اعيد كتير

لكن من له نفس او رغبة في اي حديث؟؟

مستوى من القرف لم تصل ليه البشرية من التردي لامن قبل ولا من بعد

كان عندي كلام كتير اقولوه

و حتى بعت منه نسخة لصديق اعرف رايه ايه

اتناشقنا

كل يوم افتح التلفزيون اقرا اخبار

و اشوف تحليلات و اسمع مناظرات و نظريات

كل حاجة باظت خلاص

كل حاجة منهارة و اخر شئ سمتعه من خبير امريكي بيقول ان ده بداية الازمة يدوبك مش اخرها

قعدت افكر و احلل و امنطق و في الاخر

تسال نفسك و على ايه ده كله؟؟

حيفيدنا بايه نعمل فيها فاهمين و اللي ماسك الموضوع اصلا ولا بيفكر فينا؟؟

الخلاصة ايه؟

ان امريكا وديتنا كلنا في داهية؟؟

طيب ما اهو مرسومة و احلى من كدا مافيش

فعلا هي بداية النهايات

استريحوا بقى عشان مافيش اي حاجة نقدر نعملها غير اننا نحاول نعيش كام يوم من غير قلق

لانه خربانة خربانة

و عمرنا ما حنكسبها

"i say no to drugs, but they dont listen!"

Its was thought that the following words were said by mother theresa, but actually they were said by a student in harvard university.

( in my own opnion, the greatness of wisdom is not by who said it, its by how strong it is and how much did affect others, i dont care who said it, they are just great words) hafsa

قيل ان الكلمات التالية من اقوال الام تيريزا لكنها في الحقيقة قيلت من قبل طالب في جامعة هارفارد

(في رايي الشخصي ان عظمة الحكمة لا تكمن في قائلها بقدر ما تكمن في قوتها و مدى اثرها على الاخرين، لا اهتم بمن القائل، انها فقط كلمات عظيمة) حفصة

people are often unreasonable, illogical and self-centered, forgive them anyway
if you are kind, people may accuse you of selfishness,ultirior motives, be kind anyway
if you are successful, you will win some false friends and some true enemies, be successful anyway.
if you are honest and frank, people may cheet you, be honest and frank anyway.
what you spend years building someone may destroy it overnight, build anyway.
if you find serenity and happiness, others may be jealous anyway, be happy anyway.
the good you do today, people will often forget tomorrow, do good
anyway.
give the world the best you have and it may never be enough, give the world the best you have got anyway.

you see, in the final analysis, its all between god and you, its never between you and them anyway.


دائما ما يكون الناس غير عقلانيين و غير منطقيين و مهتمون بانفسهم فقط، سامحهم على أي حال
اذا كنت كريم الاصل، فانه من الممكن ان يتهمك الناس بالانانية و الدوافع الخفية ، كن كريما على اية حال
اذا كنت ناجحا، فلسوف تكسب بعض الاصدقاء المزيفين و و بعض الاعداء الحقيقيين، كن ناجحا على أي حال
اذا كنت صادقا و صريحا، فانه من الممكن ان يغشك البشر، كن صادقا و صريحا علىاية حال
قد تمضي سنينا تبني شيئا و ياتي غيرك ليدمره في ليلة واحدة، ابن على اية حال
اذا وجدت السكينة و السعادة ، فان البعض قد يغاروا منك، كن سعيدا على اية حال
ان الخير الذي تفعله اليوم سوف ينساه الاخرون غدا، افعل الخير على اية حال
اعط العالم افضل ما عندك و قد يكون غير كاف، فاعط العالم على اية حال.

اترى، في النهاية ، انها بينك و بين الله و لم تكن ابدا بينك و بينهم على اية حال

@@@@@@@@@@@@@@@@@@@@@@@@@@@@@@@@

'Our deepest fear is not that we are inadequate.

Our deepest fear is that we are powerful beyond measure.

It is our light, not our darkness, that most frightens us.

We ask ourselves, who am I to be brilliant, gorgeous, talented, and fabulous?

Actually, who are you not to be? You are a child of God.

Your playing small doesn't serve the world.

There's nothing enlightened about shrinking so that other people won't feel insecure around you. We are all meant to shine, as children do.

We are born to make manifest the glory of God that is within us.

It's not just in some of us, it's in everyone.

And as we let our own light shine, we unconsciously give other people permission to do the same. As we are liberated from our own fear, our presence automatically liberates others.'
Nelson Mandela

ان اكبر مخاوفنا ليس عدم كفائتنا
بل ان اكبر مخاوفنا هو اننا اقوياء فوق المتوقع
انه نورنا و ليست عتمتنا التي نخاف منه
نسال انفسنا من أنا حتى اكون ذكيا و رائعا و موهوبا و جميلا؟
في الواقع من انت حتى لا تكون؟؟
انت طفل الله
ان اداؤك دور الصغير التافهة لن يفيد العالم
لا يوجد نور في كونك قابع هكذا حتى لا يشعر الاخرون بعد الامان من وجودك
نحن مقدر لنا جميعا ان نلمع كما الاطفال
نحن ولدنا لنمجد عظمة الخالق الكامنة في انفسنا
انها ليست في بعض منا فقط، انها موجودة فينا كلنا
و بينما نترك نورنا يلمع فاننا بشكل غير مقصود نعطي اخرون الاذن بفعل المثل
اذ انه بتحررنا من خوفنا فان وجودنا يحرر اخرون من خوفهم
@@@@@@@@@@@@@@@@@@@@@@@@@@@

كان جوايا كلام كتير عاوزة اقوله على المقولتين دول بس بعد ما كتبتهم مقدرتش

او نسيت

سيان

يمكن اختلف مع المقولة التانية في شبة جملة او اتنين

لكن اتفق مع فحواها العام

حلوة فحواها دي بتفكرني بالتعابين

تمنياتي بتفكير هادي

نقاط التقاء و تنوعات على ذكريات الترحال و الحنين

فصول من حدوتة مصرية لبنت مازالت مصرية

و كأني لم أاتي الا لاغادر
و لم اقترب الا لافراق
و لم اتذكر الا لوداع
و لم ارى الا كي احتفظ بأخر صور الذكريات
لم اتمسك الا بما هو واه
و لم احب الا من هم مفارقين
و كأن الكون قد اصبح لموت و لم اعد الا طيف روح كانت شبقة للحياة

لا نعرف انه الرحيل و الفراق الا في لحظات التامل و مرور شريط الذكريات، نتفحص وجوها و نحاول ان نرى فيها شيئا من الماضي فيتحول الجميع اما لاصدقاء لسنا متاكدين لحقيقة عشرتهم او لوجوه غريبة تتسال ببلادة عن سر تمسكي بتحسس الماضي فتتسع فتحة انفي تنشقا لاي رائحة منه. تبا لها من ذكريات يموت والبشر و لا تموت هي ، تبقى معلقة بتراب الامكنة فترى اشبحاها و هي تناديني" اذكريني، اذكريني، لست انت التي تنسى، لست انت التي تفارق روحها الاماكن"
يا الهي، كنم تعلقت روحي باماكن كثر، لها الف حق في التعب و الزهق و القرف.
تتوالى عليا المشاهد


سور مدرستي الاولى اراه صبيحة يوم العيد عندما ذهبت للصلاة
رماديات ايام الدراسة الاولى
ثم نافذة شباك مدرستي الثانوية، كنا نقف في اوقات الفسح فيبدأ طلاب مدرستي سان جورج الاعدادية و يوسف السباعي التجريبية في معاكستنا و التسابق في اطلاق اطول صفارة. كنت اضحك و اختفي وراء خصاص النافذة فتقول لي رحاب " يا بت متتكسفيش، ده احنا لو كنا اتجوزنا بدري شوية كنا جبنا قدهم" مع ان الفارق الزمني بيننا و بينهم كان من سنة لسنتين لاكبر تقدير.
لا استطيع لها جوابا على هذه المقولة الجبارة فتضحك هي ثانية و تندب حظها الاسود اللي وقعها في صحوبية بنت متدلعة ساكنة في مصر الجديدة، يا ترى ما هو سر مصر الجديدة؟ و لماذا تتهم بناتها بالدلع و الحياة الفافي؟؟
اين انت يا رحاب و انت يا صفا لاخبركن اني ما عدت متدلعة و ان الحياة قد ارتني جانبا شديد الغيام منها؟؟ و ماذا يا ترى حل بعم ربيع بواب مدرستنا الذي كان ياخذ المعلوم من بنات المدرسة عشان يزوغوا و لما كان دوري
رفض
و قالي عيب انتي بنت ناس ايه اللي يشلفطك و يخليكي تهربي؟؟ فاضطررت يومها للزوغان في الحمام هربا من حصص الكومبيوتر العقيمة و اغمتني رائحته الفواحة
لماذا اتذكر مدرستي الثانوية و اتوق لها مع انني لم امضي بها الا سنتين و ليس لمدرستي الاولى نفس الشوق مع اني قد امضيت بها اغلب سنين دراستى من التمهيدي الى الاعدادي؟؟ياااااااه تبدو ايامها سحيقة القدم

اغسطس 1981 اذهب لاتصور لاستكمال ملف الدراسة
سبتمبر 1981 تبدا الدراسة اكون من المتفوقين
6 اكتوبر 1981، اجازة لانه يوم مهم في تاريخ مصر، هكذا يقول لي ابي الغير مصري الجنسية و لكنه مصري الهوى. في سنوات تلت ذلك التاريخ اسال امي لماذا اليوم مهم جدا فتقول لي" عارفة يا حفصة مسلسل البنت العميا؟" هكذا كانت تسميتي أنا لمسلسل دموع في عيون وقحة الذي كنت اتابع باهتمام و انصت لموسيقاه بشغف
ارد على امي بالايجاب فتحكي ان عادل امام قد حارب الاسرائيلين و لكن بطريقة مختلفة و انتصر عليهم زي ما انتصرنا عليهم في 1973
لكن هذا الاكتوبر حمل لنا حادثة علقت بذاكرتي لامد طويل كانت سببا في تكون جزء معين من تفكيري.
اشاهد التلفزيون و بعدها نرى ضبابا و افهم ان الزعيم قد قتل
لماذا القتل؟؟ انه فقط علامة على الجهل و عدم القدرة على الرد بشكل عقلاني، بالظبط مثل هؤلاء الهاكرز الذين دمروا مواقع لنفاذ مخهم من القدرة على الرد

اه يا ربي، لماذا ذهبت الى مصر في هذا الوقت من السنة؟؟؟
اكتوبر
دخول المدارس
الذهاب لمدرستي القديمتين
رمضان
العيد
احس ان راسي ينفجر، اشعر بحرارة لم اعهد لها سببا مقنعا، تتغبش نظارتي بما اعتقد انه دموع لكن أنا على تمام اليقين انه كان بخارا ينتشر من جفوني، اشعر بصمت عميق الجدران و ارى الدنيا قد استحالت كما لوحة الوان مائية بعد تركها تحت رحمة زخات المطر.
لا افوق من نومي الا بعد فترة لا اعلم مداها، ارى اهلي يبدو على وجوههم مشاعر تتباين بين الذعر و الدهشة و الاستغراب.
اعرف انني ذهبت لهوة عميقة في ذكرياتي فتحت عليا كل فصول حياتي في وقت واحد ففجرت ينابيع غضبي و حزني و شوقي المدفون لمسقط راسي. ازدحمت الافكار و الذكريات و الوجوة و الاماكن و الاحاديث، مرار الصور و حلوها، كأن كل واحدة منهن تريد ان تتشبث في مخيليتي حتى لا تموت مرة ثانية فكان ضغطا لم استطع تحمله.

ذكرياتي، هلا كففتي عن تتبعي؟؟

ما ارضاش يخاصم القمر سماي

ما ارضاش تدوس البشر بعضها

ما ارضاش

يموت جوه قلبي نداء

ما ارضاش

تهاجر الجذور أرضها

ما ارضاش

قلبي جوا يغني واجراس تدق لصرخة ميلاد

تموت حته مني

الاجراس بتعلن نهاية بشر من العباد

دي الحكمة قتلتني و حيتني وخلتني أغوص في قلب السر

قلب الكون قبل الطوفان ما ييجي خلتني أخاف عليك يا مصر

واحكيلك على المكنون

مين العاقل فينا مين المجنون

مين الي مدبوح من الألم

مين اللي ظالم فينا مين مظلوم

مين اللي ما يعرفش غير كلمة نعم

مين اللي محنيلك خضار الفلاحين غلابة

مين اللي محنيلك عمار عمالك الطيابة

مين اللي ببيع الضمير

مين يشتري مين يشتري بيه الدمار

مين

هو صاحب المسألة والمشكلة والحكاية والقلم

رأيت كل شيء وتعبت على الحقيقة

قابلت في الطريق عيون كتيرة بريئة

أعرف بشر عرفوني لأ لأ ما عرفونيش

قبلوني وقبلتهم

بمد ايدي لأ طب ليه ما تقبلنيش

لا يهمني اسمك

لا يهمني عنوانك

لا يهمني لونك ولا ولادك مكانك

يهمني الانسان

ولو ما لوش عنوان

يا ناس يا ناس

يا مكبوتة

هي حدوته مصرية

كم حريق نحتاق حتى نفيق خنقا على رائحة المصيبة القادمة من الداخل؟؟

اهكذا اصبح يوم السادس من اكتوبر؟

حرائق بالجملة

تحرشات

ماسي الواحدة تلو الاخرى

لم تعودي مصر التي اعرفها

لكن حنينا مازال يقطع قلبي و روحي الممزقة

لماذا كتب علينا حب الوطن و الشوق لمسقط الراس؟؟

طيران الدويقة

شعارنا

"

الطم لانه حتفوتك الطيارة، انت اتزنقت معانا خلاص

"

يعني ابطل اجي مصر و لا ايه؟؟

في مايو اللي فات لما حضرنا مؤتمر الايدز حجزولنا على مصر للطيران و وقتها كانت الرحلة معقولة، صحيح المضيف مكنش طايق يوم ميلاده لكن انا قلت يا واد طنش خالص و صحيح المضيفة استحلفتها بالله عز و جل تقلي مين زعلها عشان ااجر اتنين صعايدة بعشرة جنية يطخوه بس هي فضلت متمسكة بموقفها و حكيت لي عن كمية مشاكل في خلال خمس دقايق و مسكتتش غير لما وطيت حبيت على ايديها انها ترحم من في السماء

عشانا صاحب السماء يرحمها بعدين يوم الحساب.

المهم ،على راي طنط دولت، قررت بعدها اني ادي مصر للطيران فرصة تانية تصلح بيها غلطتها و تغطي على اللي حصل بيننا زمان. و قررت اني نزلتي الجاية لمصر تبقى تكون عن طريق مصر للطيران و اهو اشوف بعد ما بقوا في ال

star alliance

و شعارهم بقى

fly safe, fly with style.

مش عارفة هل مصر للطيران متاكدين انهم فاهمين المعنى الصحيح للكلمة؟؟

اصل كل كلمة بعد فترة معينة من الاستخدام المتكرر ليها بشكل معين بتفقد بقية معانيها، فمثلا احنا دايما بنستخدم كلمة ستايل مع كل من يلبس و ياكل و يعيش بشياكة و الاطة لكن هل مصر للطيران قصدها انه اللي يسافر بستايل يعني باسلوب عمرك ما شفت زيه

قبل كده يخليك تحرم تسافر معانا تاني؟؟ الله اعلم

انا بقى قلت ادلع نفسي و احجز تذكرة درجة سيدات اعمال و اشوف الحالة هناك ازاي

اولا

طلبت بطانية لاني عيانة و التكييف مكسر عضمي

فقيل لي انه مافيش؟؟!!!؟ ازاي متعرفش

و لغاية نص الرحلة و المضيفة لسه بتدور على بطانية سلف ليا من اي ست عندها عيل صحي من النوم

ثانيا

الاكل مش بتيجي معاه مية

اي والله

يعني هما بياخدوا المية مننا فر المطار تخوفا من اني اكون مخبية فيها توكسفين الدي دي تي و حفجر نفسي

يقوموا كمان ميدونيش ميه جوا الطيارة و لازم اطلبها

و تغيب طنط المضيفة عليا و في الاخر الاقيها جايبة لي حق ميه احلف عليه

ثالثا

خير اللهم اجعله خير

اول ما دخلت الطيارة شميت ريحة مش و لا بد

و قوية لدرجة انها ممكن تخلي اي ارهابي يفكر انه يرجع و ميفجرش الطيارة دي بالذات لاننا حنموت باسفكسيا الروائح التواليتيه الخانقة

فانا طلبت من المضيفة منديل معطر اهوي بي على نفسي و انقي الاوكشجين اللي داخلي

فكان ما حصلت عليه هو كلينيكس عادي مرشوش عليه كالونيا ماركة اسانس شادية زي اللي حطها احمد زكي في فلم اربعة في مهمة رسمية و اتاري ايه

هي دي نفس الريحة الخانقة اللي استقبلونا بيها و انا كنت فاكراها ريحة المجاري اللي طافحة

فلكوا ان تتخيلوا كم الخنقة اللي حصلت لي

لما جيت احط المنديل على مناخيري

و بعدها صحيت عليهم بيفوقوني

رابعا

الفراخ في الاكل اصلها بلاستيك مطور و الخضار استوى على الشجر لوحده

يعني كله طبيعي طبيعي

كل ده كان قسم الطيارة

بالنسبة للمطار نفسه فهو بيبعت مسج واضحة لاي مسافر

لو اجنبي يخليه يحلف ما يعتب ارض مصر تاني

و لو مصري يخليك تقول طيب اروح فين يعني؟؟؟

يعني في كل مطارات الدنيا اللي سافرت لها بتبقى في كاونترات و كل كاونتر فوقيه لوحة اليكترونية بتبين اسم الشركة و رقم الرحلةو وقت الصعود طيب ليه كل التفاصيل دي؟؟

مؤكد عشان مش كل طيارات الدنيا بتقوم في وقت واحد و كمان عشان ميتلخبطش مسافر و يروح لمكان تاني او طيران تاني

كل ده شفته في كل مطارات الدنيا

الا مطر القاهرة الجوي

يا فضيحتك يا حفصة وسط الاجانب و المقيمين

مدخلين الناس كلها مع بعض و تبقى واقف لا انت عارف ده طابور السنبلاوين و لا كوم امبو و لا فرنسا

و حاجة اخر لخبطة

و اذ فجاتن تلاقي واحد مصري طيراني طلع على الكاونترات ينادي بزعيق على طيارة الكويت او قبرص

لانه لسه ناسها موصلوش

طيب ما هو طبيعي ميوصلوش

لانوا متبعترين الناس داير ما يدور المطار

فبعد المنادية دي

تبص تلاقي الشكل التالي

حاول تتخيل معايا صفوف نمل شبة منحرفة و فجاة ترمي عليها مية او توقف عود كبريت مشتعل في فوهة حجرها، حيكون شكلها عامل ازاي؟؟

حتبقى هرجلة ما بعدها هرجلة و تخبط

و زق

و خناقات

و ستات ينسوا عيالهم

و عيال بتضرب في بعضها

و ناس حاجات تقع منها

طبعا لانه من اول التشك ان الكل متاخر و محد ش عارف حاجة فبردو نروح نختم و احنا كلنا متاخرين مع اني جيت قبلها بتلات ساعات خس

و نقف في طابور طويل

يبدا من اول منابع النيل و ينتهي عند الدلتا

و يتم اهدار ما لا يقل عن عشرتاشر فيمتو ثانية في الدقيقة في مجرى الطابور

و كل ده احنا منتظرين و مش لاقيين اي حد نكلمه

تقلش المطار ده ذاتي التشغيل؟؟

و لما لقيت مسؤوول

قلت يا حضرتك انا طيارتي بتقوم بعد نص ساعة و الطابور ده حيتفوق على بتاع العيش

فقالي لااااااااااا

احنا اللي بنطلع الطيارات و احنا اللي بنزلها

و مادامك دخلتي المطار يبقى مش حتخرجي منه

فقلت هوبا

حتاخد امن دولة دلوقتي

و نعرك مع بعض

فرديت و قلت له بامارة السنة اللي فاتت لما اخرتوني بنفس سبب النظام بتاع اللا نظام ده و راحت عليا الطيارة

فقالي لا

السنة دي احنا غير

احنا مشتركين مع اتحاد النجوم

فقلت له خلاص

ما دام اتحاد النجوم يبقى عيني حتشوفهم في عز الضهر

و بما اني كمان كنت حاجزة درجة سيدات اعمال فبيبقى ليا استراحة خاصة نقعد فيها

سيبكوا انه مبقاش فاضل كتير على وقت الطيارة

بس اصلا مكان الاستراحة مالهوش علاقة بالقاعة اللي حنتشحن منها على الطيارة

فلما سالت البوليس ازاي احل المعضلة دي

قالي بكل بساطة و هو بيغمز لي بعينه انه متتالطيش عليا و روحي اترزعي في اي مكان

ووقفت في طابور تاني لغاية ما وصلنا الطيارة

و لما اشتكيت للراجل

قالي لا غلطتك انك ماصرتيش تقعدي في الاستراحة الخاصة بيكي

و احنا كنا حنوصلك مهما اخرنا الطيارة

فبصيت له و كنت عاوزة اقله انا مثقش فيكوا بس خفت ياخد مني التذكرةو يحرمني من السفر

بس قلت خلاص خليني ساكته و خلاص

و دي كانت نهاية فرقة علي الكسار

مع سفريات مصر للطيران و مطار القاهرة "الدولي" خدوا بالكوا دي اهم حاجة انه دولي

حد له شوق في حاجة من مصر؟؟

انا بقول اننا فعلا نهاجر و خلاص

و اهو نفضي المطر عليهم

علهم يتعظوا