تحذير لاي من مرضى السكر او الضغط او اي مرض تاني متعلق بالحالة النفسية او حد معندوش الامراض دي كلها و مش عاوز تجيله الامراض دي و تحذير للحوامل و المرضعات و الشباب اللي خايف على نفسه من انه يتعدي لما يكبر
و تحذير للناس ذات الاحساس الرهيف
لقد حذر من انشر هذا البوست
المرة دي و زي ما سبق و كتبت في بوستي في المرحومة القديمة
ما بين فتح و حماس و المواطن الفلسطيني مقتول
ااااااااااااااااااااه يا وجع قلبي عليكي يا فلسطين
يا ورقة توتنا احنا المساكين
خلاص عريتينا و مبقانش ناقصين
ااااااه يا فلسطين
****************************
اخبار فعلا تستاهل حرقة الدم
و برضو معنديش حاجة اقولها غير حسبي الله و نعم الوكيل
http://www.aljazeera.net/NR/exeres/3C3188C6-BB00-4402-9D2F-85B586043446.htm
يعني مضايقين اوي ان الحكومة الاسرائيلية حتعيم نائب عربي و مسلم
وقال ايه معترضين على ان بكده الحكومة بتغطي على عنصريتها!!؟؟؟ طيب و انتوا مالكوا
حتخافوا على اسرائيل اكتر منها؟؟؟
والله ممكن يكون صح
يخرب بيت كده
يلعن الغباء
دي حاجة تفقع بالاويييي
و خدوا اللينك ده كمان
http://www.aljazeera.net/NR/exeres/ABAF30E2-E61B-4189-8495-C33F11F4EC7A.htm
ده هو اللي احنا شطار فيه بجدارة
تحياتي ليكوا و دعواتي بعد الاصابة بضغط دم او سكر او شلل عقلي
Sunday, January 28, 2007
بس المرة دي مش برصاص الاحتلال
Subscribe to:
Post Comments (Atom)
22 comments:
ربنا يحرق فتح و حماس
نا ليا رأي فلسفي أزلي وجودي تاريخي براجماتي راديكالي فظيع جدا
وهو
إن احنا نسيب الفلسطينيين يبيدوا بعض نهائيا ومايبقاش في شعب فلسطيني تقوم بعدها إسرائيل تعلن قيام دولتها على أرض فلسطين كاملة وبكده يبقى قدرنا ننهي قضية فلسين نهائيا ونختمها ختام عادل جدا ونقيم علاقات طبيعية مع دولة إسرائيل ومية مية وكله يبقى صافي يالبن حليب يا قشطة
اول حاجة الشريط موجع
ثانيا:
الوزير فعلا هايغطي علي العنصرية وديه حاجة كويسة للحكومة الاسرائيلية مش وحشة يعني غلط علينا وخيانة من الوزير
ثالثا:
فتح وحماس بيبقوا جيوش قدام بعض وتلاقي بوازيك ورشاشات ومدافع في الشوارع بيضربوا في بعض بس اول مايدخل اليهود يقلبوا فران والعيال الصغيرة هي اللي تدافع عن البلد بالطوب
احنا وصلنا لحد رقم كام
راقما:
انا والله لما قلتلك مش تجامليني مش معناها اني اقصدك باللي قلته
لان في فرق بن المجاملة بسبب حب او بسبب مصلحة
اه يا قلبي
فيلم موجع
و صوت سعاد تعبان و عجوز سبحان مغير الاحوال
ربنا ينصر المجاهدين في كل مكان
---
تحياتي ليكي يا حفصة و قبلاتشي
إيييييييه يا حفصة بتقلبي المواجع علينا ليه
لببه يرحم علي حسن سلامة و أبو علي مصطفى و جورج حبش و القوة ال 17 و الله يرحم الجبهة الشعبية لتحرير فلسطين
الله يرحم فلسطين دولة بناها السلاح
و يا فلسطينية الثورة هي الأكيدة بالبندقية نفرض حياتنا الجديدة
و فدائية فدائية ثورة ثورة شعبية
و بندقيتي هويتي
و أنا و أبويا فدائيين نطلع سوا العمليات
و جبهة عربية موحدة إذا كنا مش عارفين نعمل جبهه فلسطينية موحدة هانتكلم عن جبهة عربية إزاي
هاتي كمان اصل احنا ناقصين غم
عاوزين برنامج زي خمسه سياحه يكون اسمه خمسه غم
او ساعه لقلبك يكون اسمه ساعه لوجع قلبك
تحاتي
تعرفي يا حفصة فلسطين محتلة أبشع أنواع الاحتلال وهو الاحتلال الاستيطاني ووجود محتل في بلد ما يمكن أن يفعل فيه ما كل ما يمكن تخيله يعني ليس بعد الكفر ذنب وانتي شايفه إللي حصل وبيحصل في العراق
أنا قلبي بيوجعني حقيقي من اللي بيحصل وحصل في السودان وهي دولة ليست محتلة وأمرها في يد أهلها وكذلك إللي بيحصل في لبنان وهي دولة مش محتلة وأمرها المفروض في يد أهلها
والخوف كل الخوف ووجع الفلب الحقيقي من إللي يمكن يحدث في مصر لا قدر الله
إن أهلها فتحوا عنيهم كويس وحموا بلدهم بالفعل وليس بالتمني والكلمات الجوفاء
مع التحية وشكرا على المجهود
اقولك ماتقلبيش المواجع؟؟...ازاي اذا كانت ماهمدتش
انا تقريبا اكتشفت حاجه ان زى مامخلوقات المريخ ماتقدرش تعيش من غير نيتروجين وزي ما البشر مايقدروش يعيشوا من غير اكسجين احنا العرب مانقدرش نعيش من غير............. غم
تقريبا هو ده سبب تحسن احوالنا المزاجية
علي رايك
حسبنا الله ونعم الوكيل
اه يا قلبي
فيلم موجع
و صوت سعاد تعبان و عجوز سبحان مغير الاحوال
ربنا ينصر المجاهدين في كل مكان
انا كمان مع سمباتيك
حفصة
اظنك كنتى محتاجة بالتدوينة دى تقولى كل اللى جواكى تشرحى غضبك ولانه هو كمان غضبنا النتيجة بشعة
اننا كلنا فى حالة غضب حتى حماس وفتح غضبهم اعماهم عن انهم يشوفوا مين عدوهم والنتيجة نجاح ساحق لاسرائيل وضحايا بصورة مختلفة ضحايا فلسطينين على يد اخوانهم
مزيد من الضحايا لمصلحة جهة واحدة بصراحة مش عارفة فين العقل
معدش باقى حاجة تانى يتبكى عليها
واسفى
كل حاجه في الشريط بتوجع
محمد
الشباب
الحجاره
صوت بلا صدي
و جعتي قلبي
تفتكري في امل ؟
ده حتى صوت سعاد حسني و جعني
شفتي الزمن
فيديو رصاص
صوت رصاص
فلسطين تنزف من يداويها؟؟؟؟؟؟
حفصة انا لا فتحت الكليب ولا قراءت تعليقات الاحباب..وقرات عنوان البلوج عرفت اللى فيه..وقلت بس امسى عليكى وكفاينا ارف ووجع دماغ حاجة تغم
لا حول ولا قوة الا بالله!!! والله أنا بضايق أوى لما بشوف حاجات زى دى
:(
لا.. وانتى كمان كملتيها بالأخبار اللى تشرح دى!!! بالنسبة لموضوع اسرائيل, فأنا لسه مش قادرة أفهم الغرض منه لكن هنروح بعيد ليه مصير نواياهم السودا هتبان للناس كلها... أصلهم سوس!! وتفكيرهم متعرفيش بيروح لفين
وبالنسبة لفتح وحماس فانا كشفت شعرى خلاص وقلت حسبنا الله ونعم الوكيل
manal
سئل احدهم ما رأيك في ان تأكل قطعة لحم في وطنك؟؟
المهم انو المصري قل يعني ايه لحمة
غريب المصري لما ينظر للقضية الفلسطينية..على العموم المقطع مؤثر الى حد ما ولو اني لا اومن بسعاد حسني
افضل تعليق يمكن اخه في الاعتبار ربنا يحرق حماس وفتح
الشخص المجهول
امين وان كنت احب اعرف انت مين
مزمز
والله الحل ده فعال جدا و ممكن تطبيقه على كل الشعوب العربية و بالفعل هو بدا العمل بيه في كل من فلسطين و العراق و لبنان و اجزاء متفرقة من مصر و السودان و قريبا بجميع دور العرض في كل البلاد العربية قادر يا كريم
كلبوزتي
سلامة قلبك ان شاء الله عدوينك سامحيني بس ان احطيت تحذير اول الكلينب
مصري
معلش انا نكدية و احب اقلب المواجع عشان مننساش وبالنسبة للجبهة العربية الموحدة فانت فكرتني باغنية فيروز هالسيارة مش عم تمشي
بدى حدا يدفشها دفشي
ذو النون عزيزي
معلش حفضل اجيب من غير ما انت تقول وحياتك و بالنسبة للبرنامج انا على اتم الاستعداد بس محتاجة تمويل
ابوريشة العزيز
شايفاك جيت بسرعة ومش بتنهج ابدا،صح؟؟؟
ههههههههههههههههه بهزر والله
بس حقلك على شئ
اللي حضرتك خايف منه على مصر هو هلى وشك الحدوث بريقة او بأخرى
قصاقيص
انت لسه متعرفيش ان احنا بنعش الغم و الحزن و النكد زي عيوننا؟؟
دول ماركة مسجلة يا بنت الحلال
ههههههههههههه
روقي و لا يهمك
حرة ما دام انك مع سمباتيك
حقلك برضو سلامة قلبك يا جميل سامحيني مكنش قصدي
بس اهو
السمراء الفاتنة
زي ما ابو الفوارس بيقلك
انت بتتسالي على موقع العقل؟؟
حقلك
في الزبالة
معلش
ام العيال حبيبتي
فلسطين نزفت من زمان و دي ارهاصات ما قبل مفارقة الروح للجسد
ربنا يصبرنا كفلسينيين و كعرب اولا و اخيرا
اهلا استاذ سليمان
ميه مسا و تسلم لي يا رب
منولة البودة
ازيك واحشاني اوي
بصي يا بنتي
الخبر و بكل بساة بيقول ان العرب و المسلمين المتخلفين معترضين على ان الحكومة الاسرائيلي حتعين عضو عربي مسلم لها في الكنيست و قال ايه اصل بكده الحكومة الاسرائيلية بتغطي على عنصريتها و كلام من ده
الفكرة هنا يب و احنا مالنا ؟؟ ماتسيبوهم يغوا اللي يغطوه و احن ايمكن نستفيد
لكن تقولي ايه في ام الغباء المعتوه ؟؟
متقوليش حاجة
اهلا بالزميل منفي
انا الصراحة مش فاهمة حضرتك قصدك ايه بانه غريب المصري لما ينظر للقضية الفلسطينية؟؟
يا ريت لو توضح،ممكن؟؟
و كمان مش فاهمة ايه اللي في سعاد حسني عشان حضرتك تؤمن بيها او لا تؤمن؟؟
الصراحة مجمل تعليقك حسيته ناقص او مستغلق الفهم
ممكن توضح؟؟
حكون شاكرالك جدا اوي
تحياتي للجميع و اعتذر
احيانا باحس انك تاعبه نفسك وحارقه اعصابك على ناس ماعندهاش احساس اصلا
هانقول ايه بس
حسبى الله ونعم الوكيل
باقولك ايه
باسمه عملت منتدى مخصوص لاستاذ خالد الصاوى
واللينك بتاعه اهو
http://khaled-elsawy.forum-free.org/
تبقى تدخلى وتشوفى ايه النظام
يا الله
هو احنا العرب كدة .. ما نقدرش نقعد بلا مشاكل ...و لو ما لاقيناش مشاكل ...نتخانق مع بعضينا عادي اية الجديد ... و عدونا عارف كدة لقي ان اسهل وسيلة يخلص علينا بيها
هي انة يخلينا نضرب بعضينا و الي يفضل منا يبقي يخش هو يجزة كما يجز الفلاح بالمنجل المحصول ..و حصادنا بالنسبة لية ليست مشقة او تعب
اصلة موش حيلاقيلنا مقاومة ...اصلنا خلصنا علي بعض خلاص
لبنان ..الجنوب / الشمال
العراق .. نقسمها بقي داخليا ل3 مناطق فلسطين ...فتح و حماس
ايران و تدخلها بالعراق
سوريا و تدخلها في لبنان
بكرة سوريا و ايران يضربوا بعض لتعارض مصالحهم في اليمن
السعودية عاوزة تخش العراق للدفاع عن السنة الي بيتقتلوا علي يد الشيعة
قطر مصخرة قناتها الفضائية في شتيمة و سب العرب و خصوصا المصرين
ليبيا دة لسة عايش في زمن القصرية الي كان احمد رجب ملبسهالة بدل الكاب
الصومال ياعيني علية بخ خلاص
و السودان انتهك عرضة داخليا من زمان و مصر بقي انتوا عارفين ...صفحات النت كلها موش حتكفي الي بيحصل في مصر
بقولك اية انا لقيت بتاع الحشيش
اجيبلك معايا
وماله
power 2
ونكوك المكوك
فتحت يا ستي على الرابط لكن طبعا انت عارفة انا مبفهمش في الحاجات دي
المفروض اني اعمل ايه دلوقتي؟؟
:()
استاذ ياسر
والله مش عارفة اقلك ايه
بس انت فصصت الوطن العربي
شكرا جزيلا
ايوة يا عربي
ماله ايه و باور 2 ايه
مش فاهمة؟
انا مش بلعب اتاري فوضح يا ريت عشان مش عارفة قصدك ايه
تحياتي
ايه مش بالعب اتاري ديه
انتي بتغلطي كتيير اوي
انا مش عيل
اول مره قلتلك وماله لما الشتيني
وتاني مره لما مسحتيني
انا عملت اللي اقدر عليه ووضحت منغير مابقي هاستفيد حاجة
وانتي غلطتي فيا كذا مره من غير سبب
عالعموم شكرا اوي
عزيزي عربي
لما تخش هنا عندي لازم تتعلم تحترمني
و تحترم فرق ال14 سنة اللي بيني و بينك
ده كان اولا
ثانيا
انا مش بغلط و لو غلط مش كتير زي ما انت تاهمني و مطاول عليا
و انا مش هبلة او قليلة ادب عشان اغلط فيك من غير سبب
يا ريت لو انت تراجع اسلوب كلامك و تفكر شوية قبل ما تكتب و تبطل تردد ساعتها يمكن تفهم مين اللي غلط و مش مركز و محتاج يحسن اسلوبة و ينضج شوية
والله لو انتي شايفة ان اسلوب كلامي هو اللي وحش واني محتاج انضج
واني لازم احترم السن(وريني فين ماحترمتوش)
انتي اللي ماحترمتينيش لما مارضتيش عليا في الاول ولما قلتيلي انا مش بالعب اتاري
(والغلط واضح)ولما قلت انتي بتغلطي فيا من غير سبب يبقي قصدي انك هبلة او قليلة الادب
يبقي انا اللي قليل الادب
ومادمت غلطت فيكي لاني لسه مش ناضج ولازم احترمك في مدونتك
يبقي مش جاي تاني لحد ماتعلم النضوج والادب والاحترام واكبر شوية وابطل اتاري واركز
Post a Comment