احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Tuesday, January 30, 2007

باركولييييييييييييي

النهاردة ولاول مرة في حياتي، ايوة اول مرة في حياتي، اعمل بيض اومليت و ميتقطعش مني لما اقلبه، طول عمرك يا وهيبة، انا ممكن اعمل محاشي بمختلف انواعها و طواجن و اسماك و دواجن و حاجات كتيرة بجد لكن اجي عند الاومليت و افشل و ينتهي الامر بيه انه بقى بيض ملخبط او محروق او متشحتف الاواصل، لكن الليلة دي قلت لازم اقوم اكل حاجة لاني بقالي يوم و نص مش واكلة أي شئ غير شاي بميرامية لان عندي برد و زكام سخيفين جدا جدا جدا
الظاهر ان جوعي ضغطني اني اتقنه و كنت فرحانة اوي اوي اوي اني عرفت اظبته

اسيبكوا مع الصور عشان تصدقوني
الوش الأولاني

الوش التاني والحتة الدهبي اللي في النص دي كانت جبنة شيدر مبشورة وناعمة اوي وسايحة
حاجة مزاج يعني

الشكل النهائي مع كتع من الطماطم و اللبنة البيتي و اللي عاوز يعرف ازاي ممكن يعمل لبنة في البيت و بمنتى السهولة يقلي و انا اعمل بوست مخصوص عن الوصفة

ملحوظة: يمكن البعض لاحظ ان البوتجاز مش نضيف و انا احب اوضح اني بهتم بالنضافة جدا لكنها البنت الامريكانية اللي عايشة معانا و مش عارفة اوصفلكوا قد ايه هي مش نضيفة ولا تعرف اي شئ عن النضافة و لاني كنت عيانة فهي لعبت براحتها في البيت و وسخت المطبخ و لاني برضو كنت عيانة فمقدرتش انضف وراها و كنت بجد زهقانة منها

اه لو احكي لكوا على الخناقات والمواجاهات اللي بينا، بقالي 6 شهور بعلم فيها النضافة لكن تقولوا ايه، ديل الكلب او الكلبة

لنا بقية مع مذكرات حفصة في بلاد الامريكان منطقة المنسية


43 comments:

Reformer1976 said...

العزيزة حفصة

ثمة أمور شديدة الأهمية أود أن ألق عليها في هذا الموضوع الأكثر من رائع

أولا: لقد أسلتي لعابي بشكل يثير الشفقة وأنا أرى إرهاصات البيض الأوليت وهو يتمحور في بؤرة الطاسة محدثا داخل تلافيفي المخية وخلاياي العصبية تأثيرا يكاد - أقول يكاد - يشبه تأثير رؤية الرائعة هند رستم وهي ترقص في القطار فيلم يوسف شاهين الرائع على أنغام أغنية فريد الأطرش زينة زينة زينة... لعمري لم أرى بيضا أومليتا على هذا القدر من الروعة والإثارة والتشويق والمتعة... بارك الله فيكي ووضعه في ميزان حسناتك

ثانيا: وردت جملة تاريخية في هذا البوست التاريخي الذي اهتمت به جميع وكالات الأنباء المحلية والدولية تقولين فيها - لا فض فوكي - واصفة صديقتك الأمريكانية - والعياذ بالله من كلمة أمريكانية - أنها هي مش نضيفة ولا تعرف اي شئ عن النضافة ولا أعرف لماذا ذكرتني هذه الجملة المذهلة بنكتة شهيرة جدا قيل فيها لرجل أن امرأته تعاشر صابر الكهربائي فغلى الدم في عروق الرجل وقال مستنكرا هذا الخبر الأشنع صابر الكهربائي؟؟؟؟؟
دا لا كهربائي ولا يعرف شيء عن الكهرباء

ما علين دعينا نكمل ثالثا: بالنسبة لطريقة عمل اللبنة البيتي أمن الممكن الإسراع بنشر البوست التاريخي الذي وعدتينا به لوصف طريقة عملها إذ أن لعابي لا يزال سائلٌ وأنت لا يرضيكي أن يبقى لعابي هكذا سائلٌ ويقولوا عليا باهطَّل

Rikka said...

هههههههههههههههههههههه

موتيني ضحك يا حفصة .. و مبروك الابداع و الانجاز العظيم ده .. انا عن نفسي حاولت فيه كتير .. و كنت براقب خالتي لما كانت بتقلبه بالطاسة نفسها .. عارفة انت نظام تنطر الطاسة لفوق كده يا اختي و يقوم مقلوب لوحده .. الحمد لله نجحت أني أعمل الأومليت بس طبعا مش زي خالتي أبدا بس المهم بقيت أعرف أعمله من غير ما يتقطع او يحصله أي خدش و بجدارة .. بس اكتشفت انها فعلا مسألة مزاج ... و بمناسبة الأكل امبارح برده عملت هوت دوج ( ايوة كلب سخن :) ) مع بصل و طماطم و مشروم و على النار و في الزيت و طلعت أكلة غريبة بس عجبتني صراحة .. احيانا بأحب التخبيص في الأكل يا اختي .. و انا في الشغل حاليا و البوست بتاعك فتح شهيتي على الآخر ربنا يسامحك بقى يا بنت على اللي عملتيه فيا

Rikka said...

يا حاج جرجس انت فين يا راجل
:):):):) أحييك بجد على التحليل الذي يفوق القدرات في عمايل حفصة للأومليت .. انت كلامك لوحده يفتح النفس يا راجل .. زود عليه بقى اومليت حفصة ... انا وقعت من الجوع خلاص .. شكلي كده هرجع أنصح تاني بعد ما كنت خلاص خسيت .. ربنا يسامحكم يا بعدا

Mohamed A. Ghaffar said...

طب انا جعت بقى

مبرمج حر said...

ألف مبروك يا حفصه
:))

مصرى said...

ألف مبروك يا حفصة
و ألف هنا و شفا
و لو الأمريكانية دي مضايقاكي نيجي أنا و مصطفى نتخانقلك معاها

مزمز said...

يا بنت الإييييه
أنا جعععععععت

أنا هاقوم دلوقتي أعمل حاجة أفطر بيها أصل أنا لسة صاحي ورحت مصدوم على طول بهذه الوجبة المثيرة

بس عيب عليكي تقولي إنك مكنتيش بتعرفي تعملي بيض أومليت ده أنا بعمله من وانا ف تانية إعدادي وكمان اخترعت نظريات جديدة في عمل البيض الأومليت ممكن قريب أنزل بوست عن فلسفة بيض البوستمودرن أو مابعد الحداثة وأنواع البيض المرسل وكيمياء الشاعرية المتغلغلة في المحتوى الداخلي للبيض الأومليت وكيفية التخلص من نمطية البناء والمضمون في النصوص الأومليتية عن طريق بناء سياقات جديدة تكون أكثر احتمالا لعدد لا نهائي ولا محدود من المضامين المتنوعة الأغراض

عموما كل ده بعد ما آاكل بس
ملحوظة
اكيد نوبايلي كان مقفول مش كده؟

وينكى said...

مبروك مبروك
ألفين مبروك
والله وعملتيها اخيرا
عقبال ما ندوقها من ايدك يا شابه
بس انا عاوزه محشى
ماليش دعوه
عاوزه محشي

Maat said...

loool
mabrook
law 3ala el omlette.. de el 7aga el WA7EEDA elly ba3raf 2a3melha 7elw (men gheir maghesh men a food recipe), fana keda ba7ked 3aleky!

el blog beta3ek maskhara :D

حفصوتشا ام مصطفيتش said...

فرموره حياتو
انت كده متجيش عندي الا اذا كان الموضوع فية سيرة اكل
دايما همك على بطنك
بس الصراحة وصفك انت جوعني انا ذات نفسي
وايه يا خويا ارهاصات البيض دي
ايش حال ما هو بيض مقلي مش عيون لو عيون حقلك ايوة بيتهرأص و بيتدلع زي هند رستم نفسها
يلا شرفتني من بعد طول غياب

ريكا
بقى انت طبخت كلاب سخنة؟؟
و طعمه عامل ازاي؟؟
اهم حاجة انك مهوهوتيش بعد ما خلصتي
ههههههههههههههههههههههههههه

محمد عبدالغفار
والله انا كمان جعت بس لما ترجع البيت ابقى اعملك قرص بيض زي ده و ربنا يصبرك

مبرمج حر
الله يبارك فيك يا عزيزي
و اشكرك على ايميلك و نصايحك للبلوجات التانية شكلي مضطرة اقعد هنا و امري لله

مصري بص الامريكانية مطلعه عيني و انت ما شاء الله عليك باين انك ضلفة فايه رايك تيج يتاخدها بوكسين و تريحني منها


مزمز
مقلتش انش مش بعرق اعمل البيض لكن اللي قلته اني لما كنت اجي اقلبه يطلع مش اومليت يعن يالمشكلة كانت تقنية بحتة و ليست الوصفة مثلا هي اللي وحشة
و بعدين ايوة نوبالك كان مقفول و لما رن مردتش خلاص انت كده خسرت تذكرتك في الرحلة اللي حعملها لو نزلت ان شاء الله

ونكوك حبيب قلبي
من عنيا الاتنين محشي و مش محشي بس المثل بيقول اطبخي يا حفصة هاتي فلوس يا وينكي


اهلا مااات
اشكرك على اطراءك
على البلوج امال لو كنتي شفتي النرحوم كنت حتقولي ايه
ايه دنيا غرورة
و يا ستي ميهمكيش لو على الوصفات منكن اديكي وصفات بالهبل كلها سهلة و لذيذة و مسخرة و تتعمل بسرعة جدا بس لو انت اصلا ليكي نفس في التبيخ


سلامي للجميع

ام العيال said...

7afsa 7abete
lowlowlowlowlowlowleeeeeeeeeeeee
entasarna
mabrok

i am not sad i was kedding

ana men 7efa

مزمز said...

ازاي نوبايلي رن ده أا أساسا شريحتي ضايعة من اسبوعين؟

عموما إنتي حرة إنتي خسرتي مقابلة واحد من أعظم تناشر ونص شخصية في التاريخ الحديث فرصتك وضاعت
هههه

على فكرة صحيح أنا عملت التاااج
تعالي شوفي الفضايح بقى

أنـــا حـــــــــرة said...

لولولولولولولولولولولى
بالنسبه لى هى حظوظ يعنى بظروفها
بس مبروك
وبما انى عاشقة البيض الاولى
فهاتى سندويتش بقى

Epitaph said...

ههههههه

ابقي ناديني اعملهولك

اجديه بشدة

ههههههه

سلامتك من العيا

hosnysoliman said...

بالهناء و الاستمتاع وبالصحة والعافية
وكل اومليت وانتى طيبة..وخدى بالك ان موضوع عمايل الاكل بتبقى على حسب المزاج ساعة المزاج ما يكون رايق ممكن الواحد يعمل اى حاجه ..ربنا يروق مزاجكك علطول

شهروزة said...

لوووولوووووليييي
ألف ألف مبروك يا حفصة يا اؤختشى
والنبى فرحتلك
ولا فرحتى بباتعة وهى رايحة بيت عدلها
عقبال يا اؤختشى كدة ما أفرحلك وانتى بتسلقى البيض ونشوفه البيضة الطازة وانتى بتقشريها بياضها ميتقطعش منك

وعقبال ما تعمللى الشاى على مية بيضاا

قولى انشالله

تحياااتشى يا فضحاااناااا

الدبور said...

ليه عملتي كده
ليه ليه ؟

حرام عليكي انت عارفه انا بكتب الرد ده و انا جعان و مكسل اقوم اعمل اكل
وماصدقت انسي الاكل انت تقومي تحطي صورة الاومليت كده في وشي خبط لزق
انا اعصابي باظت !!!
اصل انا بحب البيض جدا
انا هقوم اعمل 5 بيضات اتعشي و انام


نسيت اقولك شكرا علي التاج و لو انه شحته بس مش مهم

و ابقي عدي

تحياتي
الدبور

ذو النون المصري said...

انا عمري ما عملت البيض اومليت و فلح و من شدة رغبتي اني اعمله مره سليم بافضل اكل بيض عن اي شيء اخر لاجل التجربه لكن من كثرة التجارب و فشلها خلاص نسيت الموضوع عمليا فقط

lastknight said...

و قد صرح مصدر مسؤول فى وزارة الداخليه أن الصور المنشوره أعلاه مفبركه مثل أفلام التعذيب , و تهدف لتكدير الأمن العام بأسالة ريالة الشعب و تذكيره بالجوع . و أيضا الأضرار بالوحده الوطنيه حيث أن الحاج جرجس ابتدى يهطل
و قد أفاد اللواء الغبى رئيس لجنة الأمن القومى بأن جماعة الأخوان المسلمين هى المسؤله عن وساخة البوتاجاز كما أنها المسؤله عن سفاح المعادى و مذبحة بنى مزار و خروج منتخب الشباب من كأس الأمم الأفريقيه , و قد تقدم نواب الأخوان بطلب أحاطه فى البرلمان مطالبين بالتحفظ على حفصوتشا فى سجن أبو زعبل لحين الوصل ألى معادلة أعداد اللبنه .. و التحقيق معها لمعرفة علاقتها بالنظام العراقى السابق و تحديد دورها فى صناعة أسلحة الدمار الشامل من طراز لبنه بيتى و أومليت
كما قد نفى السفير الأمريكى أى دور لبلاده فى وساخة البوتاجاز .. و هدد بتحويل حفصوتشا لمعتقل جوانتانامو فى حالة أصرارها على الأسائه للعلاقات الأمريكيه العربيه .. و اتهمها بالضلوع بدور المطعم فى تفجيرات سبتمبر الشهيره
و أعلنت المخرجه ساندرا نشأت عن بدء دراسة سيناريو فيلمها الجديد بعنوان الأومليت و الببنه .. و تستعين بحفصوتشا ضمن الخبراء لأعداد السيناريو
كما شهدت غزه و القطاع مظاهرات حاشده تطالب بالحق فى الأومليت قبل حق العوده و تقرير المصير , و تبدأ المفاوضات بمجرد أتمام اعداد اللبنه
أيضا خرج المتظاهرون فى أنحاء القاهره و العواصم العربيه منددين بوساخة البوتاجاز .. و مناصرين لقضية حفصوتشا , رافعين صور البيض و الطاسه جنبا ألى جنب مع أعلام الدول العربيه
هنا القاهره

حفصوتشا ام مصطفيتش said...

ام العيال يا حبيبة اهلا باهل حيفا كلهم
عارفة انك بتهزري لكن برضو حستنى منك الرد و الفضايح
ههههههههههههه

مزمز
اصلا عيب عليك تعترف انك اديتني رقم موبايلك من غير ما تنبهني ان الشريحة ضايعة اهون عليك انا اكلم حد غريب بالغلط طيب و يضحكوا عليا؟؟
ماشي يا مزمز حسابك قرب

حرة
تحبي سكونشت ايه
مقلي مسلوق و لا ملخبط
انت بس حددي


ابتوف حبيبي
اذا كنت بتجيديه خلاص انا عليا اخلطة و انتي تعمليه و نفتح مطعم

استاذ سليمان
فعلا بالنسبة لي هي حكاية مزاج
و انا عندي الاكل مزاااااااااااااج ددا ددا ددا

شهروزتي انوستي كوانوستي
هههههههههههههههههههههه
معلش فضحتك لكن الغريب يا ختي اني بقعرف اطبخ حاجات تانية اجعص من كده لكن اهو ميحكمش

بالهنا و الشفا يا دبور
ها عملت البيض و لا لسه؟؟

ذوالنون
افهم بس ازاي نسيت الموضوع عمليا فقط
حتى هنا لازم تفلسف الامور
ههههههه ضحكتني يا شيخ


الفارس الاخير الخطير
مش عارفة اقلك تعليقك عمل فيا ايه
الضحك بقى طالع من مناخيري مش عارفة ازاي
بس بجد مكنتش عارفة ان شوية البيض بالطماطم و اللبنة حيعملوا كل ده في مجريات الامور العالمية و المحلية و الشرق اوسطية و من منبري هذا بقولك
كلنا مع الاومليت والطماطم و تحي الامة العربية و عاش الجهاد المزفلط
هههههههههههههههههههههههههههههههههههههههههههههههههههههههههههههههههههههه


تحياتي للجميع

zenzana said...

يا حبيبتي كنت سألتنى عشان ميلزقش حطي شوية لبن واضربي البيض مع نص معلقة ملح ونص معلقة سكر، اه اصلي كنت مساعد شيف
وعن البت اللي مش نضيفة عندك بما ان لي خبرة عريضة مع امثالها هقولك ع الماسنجر ازاى تعلمي اهلها الادب وتمشيها زى المقشة قصدي الالف

دينا فهمي said...

حلو أوي البوست ده
هههههههه
بجد ظريف أوي
والف الف مبروك

darweshe said...

حلو اوى الشاى بالميرمية بحبة اوى
بس الاومليت حلو قوى
وبعدين ينفع كدة تجوعينى من اول زيارة
تحياتى بوست هايل

Diyaa' said...

lol
ana b3mlo kda mn 10 years :D
mn w ana fy awl ele3dady kman :Dy3ny enty adema awy :D

Noran said...

أيه ده !!!!من غير ما تقسميها نصين ؟؟؟
طب إزاى ؟؟؟؟


أنت بعد الصور و الجوع الشوفتوا هنا ...لازم تعزيمينا كلنا على بيض زى الفى الصور

albida said...

هههههههههه
انا الحاجة الوحيدة اللى بعرف أعملها هى البيض الأوملت

مبروك يا حفصوصة وبالهنا والشفا

أنا لو منك اجيب البت الأمريكانية دى من شعرها وأحط دماغها على البوتجاز يمكن تحرم.. هههههههه

manal

حفصوتشا ام مصطفيتش said...

زنزانتي يا زنزانتي
هو مكنش بيلزق يا حبيبتي
هو كان مش بيمسك مع بعضه لما اجي اقلبه لكن معقول كنتي بتحطي سكر على البيض؟؟
كتاب مين ده ؟ ابله نظيرة؟

دندون فهمي
الله يبارك فيكي يا ختي عقبال ما تعزمينا على محشي من عندك


درويش
حضرتك تعرف الشاي بالميراميه؟؟
حلو اوي
و معلش بدل م اتزعل اني جوعتك من اول بوست المفروض تفرح انك داخل لاقي خير و دلع بالمنظر ده
ههههههههه


ضياء
فينك يا عم
انا غيرت شكل التعليقات عشان خاطرك و خاطر شهروزة و قمت انت غبت


نوران بيبتي
اختفيتي فين يا بنت الحلال انتي كمان
والله عملتها من غير ما اقسمه نصين
شفتي بقى؟؟
و عبرنا القناة
ويا ستي ولا يهمك في اول فرصة ليا اعملك الاومليت من عنيا

منولة البوده العسل
حضمك مع ابيتاف و نعمل محل متخصص في البيض و مشتقاته ايه رايك
بس بالنسبة لحلك مع البت المريكانية مش شايفة انه دموي شوية؟؟
يعني كاني بعذبها زي الكفار ما كانوا بيعذبوا المسلمين في افلام القناة الاولى يوم المولد النبوي الشريف و عليكي خير

معندكيش حل تاني انا قلبي رهيف و مقدرش احرق حد مهما عمل لي


تحياتي للجميع

hurricane_x said...

The omlet and cheese looks delicious,..though I recently have little problems with omlet,donno why!!
teslam 2el2ayady :)

إنـســانة said...

مبروووووووووووووووووووووك
ايه الجمال ده
جوعتينى مع إنى لسة فطرانة

والامريكانية دى مش نظيفة عشان إحنا المصريييين نضاااااااااف وهماااااا ..... يلا ما علينا
ابقى مشيها او ارميها من الشباك احسن
ومتضايقيش نفسك
وألف ألف سلامة عليكى

إنـســانة said...

نسيت أقولك صحيح
هى اللبنة البيتي بتتعمل إزاى؟؟؟؟؟؟؟؟

مصطفيتش ابن حفصوتشا said...

انا فى اول الكلام قلقت
ما تعرفيش تعملى بيض
يبقى انا ضعت يا جماعة
وهنقديها تونة
بس بعد كدة اكدتى انك تعرفى تعملى المحاشى والحاجات الحلوة دى
اشطات
سيبك من البيض والحاجات اللى ماتجيبش همها دى
خشى فى اللحمة
الفراخ
السمك
اى حاجة فيها ريحة اللحمة ادى على طول

we2am said...

belhana wel shefa tab3an..msh m7taga 22olk ana 2d eh b7b el beeed :D

DantY ElMasrY said...

اقولك على حاجة
اللى بيكتبوا واحد من اتنين
الأولانى يتحدى اللى يقراله انه يكمل
للآخر
والتانى يتحدى القارىء انه مايكملش
تحياتىعلى قدرتك على صناعة قصة من لاشىء

frozen love said...

1000 mbrok..bs ana b2a sb7an allah..mb3mlsh ay 7aga gher elshaye we el2omlet...we b3mlo gamd t7n..khls ntbadl khbrat b2a..plz

albida said...

هههههههههه
عارفة أنا الأفلام دى!! تلاقى الواحد مين دول يا عينى ممصوص وحاطين فوقيه طوبة قده عشر مرات... وهو بيطلع فى النفس ويقول أحد أحد

شوفتى أفكارى الجهنمية؟!! مش بزمتك أنفع فى جوانتانامو؟
هههههه

manal

أبو أمل said...

الموضوع ظريف بس طبعاً مش رجالى عشان كده اخترت اتفرج وكان نفسى امد يدى عشان يبقى عيش وأومليت
بس تكنولوجيا السبكة لم تصل بعد لهذه التقنية التى تسمح لى بمد يدى عبر الشاشة وأخذ نصيبى من هذا الطبق الرائع
بالهنا والشف
على فكرة انا زرت مدونة مصطفوتشا
هى مدونة شقية
كنت انتظر منه زيارة
ولم يحدث عله فى حالة نقاهة بعد الإمتحانات
تحياتى

جمال الدولى said...

جوعتينى
لما اروح المطبخ الاقى لى حاجة

بس مستحيل تكون بالطعامة اللى انا شايفها
جمال الدولى
mjnoon.blogspot.com

zenzana said...

ايوة يا بت دي تفنينة اخترعتها مع صحبتي ليينا من لاتفيا، كمان هناك في اكلة قومية تحفة شوربة بالبيض والخضار
اه والله تنفع قوي ف ايام البرد الهباب دي
بقولك ايه انا كان في اقتراح من صديق اننا نفتح مطعم سوا وبالتالي اياكي تشككي في قدراتي

على فكرة المطرة بتروخ وانا نفسي انزل اتمشي مع سجارة لكن للاسف انا في الشغل ممنوع انزل ولكن هدخن من الشباك واتفرج ع الناس
المطرة تجنن نفسي انزل واقول يا مطرة روخي روخييي

Sampateek said...

فين السنجوتش بتاعي بقى امال صحاب و زمايل برش واحد و منظمة كلابيز الى الابد و حركات

انا عايزة سنكوتش ام ليت و ابو ليت بس من غير طماطم
اوعي تقولي مفيش طماطم و تعمليه من غير بيض
وحشاني موت طحن تقطيع و علشان غلاوتك طلعت من تحت البطانية بعد صراع مع المرض علشان اكتب البوست بتاع الاستفتاء و لا اسمه اية الاستقصاء ده
والله مش بعرف اجاوب في المزانق اللي زي كده و بحس ان الناس بتقول في سرها و احنا مال اهلنا بتحبي تاكلي اية ما تاكلي بعضك حتى

المهم يا سكر الف هنا و صحة و سلامتك و عقبالي لما اخف من ارزل دور برد عرفته انفي منذ سنين
قبلاتشي

حفصوتشا ام مصطفيتش said...

اعصار باشا
عندك مشاكل من البيض؟؟
عادي ما كلنا كده متكلهوش مسلوق و انت تبقى اوكيه

انسانة
اهلا بيكي في اول زيارة
الصراحة الصورة اللي حطاها جد و حزينة اوي مالهاش أي علاقة بخفة دمك
اللبنة ان شاء الله حنزلها بوست لوحده


واد يا صفصف
انت كنت مشكك في قدراتي يا ولد؟؟
طيب ماشي ايه رايك بقى لما استقر ان شاء الله مالكش عندي غير التونة و البيض؟؟
وريني بقى حتعمل ايه
ههههههههههههههههههه
لا بهزر
هو انا اقدر ، متخفش مامتك بالصلاة عالنبي لها نفس حلو في الاكل


وئام الشيطانة
بتحبي البيض؟؟؟ غريبة مع انه مش بيعمل مزاج


دانتي المصري بحالة هنا
يا نرحبا نرحبا حاكم انت خطوتك عزيزة
شكل ريحة البيض وصلتك
هههههه
متشكرة يا عزيزي على تحليلك بس والله انا قليلة حيلة و كل اللي عملته هو تقرير للواقع
متقطعش الزيارة

فروزن لاف
مع ان بعد اخر بوست ليك اقدر اقول انك مش فروزن خالص لكن اهو براحتك
اذا تحب انا منكن اديك حصص طبخ عملي و سهل و بسيط للشباب و باسعار زهيدة و اللي يبوظ نبيعه في الشارع
ايه رايك؟؟ حاجة كده زي مشروعات الشباب

البودة
تنفعي في جوانتانامو و جوانتانموش ايه بس، انتي كفاية عليكي تشوفي فرخة و هي بتتدبح حتسخسخي على روحك، انا عارفة


ابو امل
حضرتك أي موضوع مالهوش جنس ابدا
و اديك شايف شباب المدونات و رجالتها بجلالة قدرهم ادلوا بجردلهم في الموضوع و ارجوك اتفضل عشان نبقى فعلا اكلنا عيش و اومليت و قوطة مع بعض
بالنسبة لمصطفيتش فهو مستقل بذاته عني و هو ده اللي خلاه ابني
و مع ذلك انا حوصله عتابك ليه
هو مصطفيتش لكن انا اللي اسمي حفصوتشا


جمال الدولي
اهلا بيك بعد غيبة و فترة طويلة من الانكتاع



زنزانتي يا زنزانتي
بصي حكاية نفتح مطعم جت في بالي كتير و عندي ليها خطة و مشروع كبير لكن طبعا لو وحدنا قدراتنا ممكن نحققه
لما نتقابل باذن الله بقى نبقى نتكلم في التفاصيل و جرجس هو اللي يقشر البصل، ها ايه رايك؟؟


و ختامه مسك و عنبر و رز باللبن و قشطلية و حمام محشي بالفريك و منبار و ملوخية و مسقعة
كلبوزة الكلابيز
انت بس تاشري ... ها خدتي بالك بس تاشري
و انا الملك القشر طوالي
هههههههههههههههههههه
يا ستي خدي وقتك وبراحتك عالاخر و ان كان شفت البوست و ضحكت علي الردود
انتي بس كني في السرير و انا ليكي عليا اعملك شوربة خضار بيتي صنع ايديا وحياة عنيا

تحياتي للجميع

zenzana said...

ايوة يا ختي هو اللي يفرم البصل عشان يقول اننا بنطهد ه نخليه مدير علينا احسن
ولا اقولك ممكن نعمل جزء من المطعم عيادة ونحط شرط ان كل ست تدخل تاكل جرجس يكشف عليها الاول
ايه رأيك انتي بقي؟

sara said...

ههههههههههههههه .. الف الف مبروك ياحفصة .. انجزتي بصراحة .. بتفكرني بنوران

أُكتب بالرصاص said...

طبعا موضوع البيضة اللي ما تفتتش دا شيق جدا

لكن احكي لنا اكثر عن موضوع البت الاميركانية
:))