احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, June 22, 2007

لطفي لبيب


"

-تقتل صاحبك يا ابو نسمة؟

- و اقتل نسمة ذات نفسها

"


"

-يرضيك ابني يروح مني؟؟

- والله احسنلك

"


سطور بسيطة جدا كما تبدو لاول وهلة و لكن السر يكمن في ابداع قائلها، لطفي لبيب، في راي انه من اكثر ممثلينا عبقرية في الاداء و تقمص الشخصية المراد تمثيلها ، مستعدة اني اتفرج عليه كل مرة يتعرض فيها فلم يظهر هو فيه و لو حتى لخمس دقائق

اقل او ابسط ما يمكن ان يقال فيه هو انه لذيذ

ايوة لذيذ ، تستمتع بالفرجة عليه و هو بيكشر او بيتهكم او بيوسوس لعمل شئ شرير

حرفي السين و الصاد يطلعوا منه بتصفيرة زائدة عن الطبيعي و لكنها تصفيرة محببة للقلب

حرفه الراء له من التكرار ما يميز طريقة نطقه عن بقية اقرانه من عتاولة التمثيل

متمكن من نطقه و متاكده انه على علم بطريقة ضبط مخارج الالفاظ و تحديد متى يخرج الهواء و متى يحبسه

وجهه ملئ بالتعابير و الانفعالات المتغيرة ، حواجب متنية، فم متهكم و ينم عن شخصية محببة صلعة محترمة

لا اعرف ماذا اقول و لكن لم يحصل هذا الرجل على حق تقديره الى الان

لا يسعني قول المزيد و لكني اقر انه الاكثر تميزا من فنانين اخرين اصبح طعمهم ماسخ من كثرة ظهورهم و تكرارهم لنفس المنظر

19 comments:

يساري مصري said...

فعلاً عندك حق

لطفي لبيب من الممثلين اللي بجد و بقدرهم جداً
و لهم تميز كبير في الدراما اكثر من السينيما التي إلتفتت إليه مؤخراً

و انا شخصياً اقدره
و ااحب اسلوبه في التعبير عن الشخصيه اللي بيقوم بتشخيصها و ذلك عن طريق نطقه للحروف بعيداً عن التكلف و المزايده

احيك على تدوينتك " مع إعتراض بسيط على حبك لأنور السادات و إنضمامك لوائل عباس كنت اظن انه الوحيد في مصر اللي بيحب السادات إضطدح انهم إثنان

ههههه
تحياتي

صاحب البوابــة said...

معك تماماً

وبالنبسة للأخ اليساري

أضف واحداً آخر يحب السادات

أعتقد ان المجموع الآن أصبح

3

بدون 50 مليون مصري عاشق للسادات

:)

^ H@fSS@^ said...

هههههههههههههههههههههههههههههههههههههههههههههههههههههههههههههههههههههه
والله ضحكتني يا يساري
معترض على حبي للسادات؟؟
ده من باب درء المفاسد يعني؟؟
على العموم اشكرك على زيارتك و اشكرك على التعليق لكن مش بذمتك لو كلنا كنا بنكره السادات مش تبقى حاجة مملة؟؟
لعلمك انا مش منضمة لوائل من قريب و مش بحب السادات من قريب
انا من زمان و انا بحب السادات

صاحب البوابة
اهلا بيك و اعتقد ان احنا اكتر من 3 بس ايشمعنى 50 مليون؟
مش احنا 70 على ما اعتقد؟؟


تحياتي للجميع

KING TOOOT said...

أهنيكي على خطوتك المتميزة بكتابة البوست ده عن الفنان المحترم الجميل لطفي لبيب
و أحب أضيف ( تنشيطاً للذاكرة ليس إلا ) دوره في فيلم النوم في العسل مع عادل إمام - كان دور دكتور أمراض تناسلية وطريقة تعبيره في المشهد وهو بيوصف الأنسان لو إختفت عنده الرغبه الطبيعية إزاي حايتحول إلى كائن مسخ - تعبيرات وجه عبقرية فعلا و تناغم كامل بين الصوت و حركة الملامح ، كان في المشهد ده رائع بجد
تحياتي
KING TOOOT

DantY ElMasrY said...

محبى السادات كتييييييييييييييييير لكن مافيش حد بيتكلم
لطفى لبيب عرف يرسم لنفسه أسلوب وشخصية فنية أحسن من حسن حسنى لأن لطفى لبيب منقدرش نتوقع هو هايقول إيه عكس حسن حسنى اللى بيقول إفيهات مفتعلة
زائد إن لطفى لبيب يقدر بشكلة وطريقة كلامه يعبر عن شخصيات أكتر يعنى دوره فى جاءنا البيان التالى _مدير المحطة _يختلف تماما عن دوره فى يا أنا يا خالتى _الساحر النصاب_ولكن قدرته على الإقناع لم تتأثر
وبرضه لسه فى ناس بيحبوا السادات

اه يا دماغى said...

يا با شا ايه الفلسفة دى كلها
تحياتى

^ H@fSS@^ said...

الملك توت
ارحب باي ضافة لاني كتبت البوست بس كخاطرة و انت كده حفزتني اني اشوف الفلم لاني مشفتوش لغاية دلوقتي

الحبيب العزيز دانتي
اوافقك ان محبي السادات مبيتكلموش عكس محبين رؤساء تانيين لكن ده بيفكرني بمقولة بتقول
كلما ازدادت الفكرة هشاشة كلما ازداد دفاع اصحابها عنها


اه يا دماغك
اولا سلامتك و سلامة دماغك الغالية
ثانيا
فلسفة ايه حضرتك بس يا فنتم
دي بس خاطرة

تحياتي للجميع

يساري مصري said...

لولا إختلاف الازواق لبار الرؤساء

عموما انا بقى بحب حسنى مش مبارك

DantY ElMasrY said...

مشكلة اليسارى انه لما يختلف معاكى يقلبها تهييس كمحاولة لاستمالة الدهمااااااااااء

Abo Amr said...

اولا انا بحب السادات و عبد الناصر
و مش بحب حسني ابو حمال و علاء
ثانيا لطفي لبيب من الممثليين العباقرة
مشاهد قليلة بامكانات كبيرة
و فيه زيه كتير و اهمهم في رايي
خالد صالح و خالد الصاوي

شكرا على البوست الجميل ده

^ H@fSS@^ said...

ابو عمر
اهلا بيك و مش عارفة ازاي بتحب السادات و ناصر في نفس الوقت
جمعت بين النقيضين لكن كل واحد ادرى بقدرته
بالنسبة للعظماء خالد الصاوي و خالد صالح فهم امن دون شك عباقرة تمثيل
و اعتقد ان مافيش زيهم على الساحة
لكن تقدر تقول اني كنت بوجه الضوء عليه شوية لانه من جيل الكبار اللي نوعا ما راحت عليهم
لكن الشباب زي صالح و الصاوي فدول لسه شباب و اثبتوا مكانهم في فترة كويسة
الكلام كتير
و انا عن نفسي بحب اي فلم او مسلسل يكون فيه الصاوي طالع حتى لو خمس دقايق
و نفس الشئ ينطبق على صالح

ذو النون المصري said...

لطفي لبيب راجل ممتاز فعلا و ممكن يعبر عن شخصيات كتيره ممكن كبار النجوم ميفكروش يعبروا عنها زي السفير الاسرائيلي مثلا
الموضوع فعلا ممتاز
بالنسبه للسادات الله يرحمه
اضف الي محبيه محبا اخرلاني من عشاق بطل مصر صاحب الصفعه الوحيده علي وجه الغرب و اسرائيل و الذي لازالت مواضع اصابعه علي وجوههم الي الان
فتحية و تقدير له

ذو النون المصري said...

speachless
يا بنتي انتي دوختيني
انا كل يومين بشوف نيو لوك جديد انتي عاملاه
ثبتي علي اسم و كفايه تنطيط
مش حفصوتشا كان كويس؟؟؟؟؟؟؟؟
و للا الواد مصطفيتش!!!!!!!!مممممممممم اللا بالحق هو اسمه ايه دلوقت؟
ههههههههه
اصله اكيد اتغير
واد ابن امه بجد
تحياتي

^ H@fSS@^ said...

هههههههههههههههه
وحياتك يا نون لاجننك
اصلا غيرت من
speachless
لفنكوشة
ههههههههههه
اما عن مصطفى فهو متخصص الغاء مدونات
انا اغير اسامي و هو يغير بلوجز
عيلة مجنونة بعيد عنك
برج السرطان بقى تعمل ايه

Layla said...

فعلا...لطفي لبيب ممثل جامد جدا و مش واخد حقه بالمرة

ممكن يعمل دور واحد اسرائيلي و يحسسك انه يهودي ابا عن جد

وممكن يعمل دور شحات وتبقى شامم ريحته طالعة من التليفزيون

غير انه بيمثل كوميدي بنفس كفائه التمثيل الدرامي

ويعمل دور رجل اعمال او دكتور او موظف بسيط...او اي حاجة تانية

ممثل نادرا ما بنلاقي زيه دلوقتي

Polka Dotted said...

el ragel da begad to777777777fa

bas walahy enty el kasbana di kanet f film eh :D mesh fakr

3omoman wa7ashteny moooooooooooooot w fe3ln im sorry 3ala el 3'eba... im not back yet
bs walahy i miss u aweeee
el koleia wel exams wel projects mmawetenny....asli ba7'od sanaten f sana (3shan el 3a2ela el karima maye3rafosh eny m dablara:D)

3omoman plzzzzzzz send me a mail with ur number... i miss talkin to u

^ H@fSS@^ said...

اهلا ب مارفل
معاكي حق بارع في دوره ايا كان ايه هو


بطابيط
الفلم اللي انتي ناسياه هو فلم اللمبي لما كانت عبلة كامل داخلة تصالحة على خطيبته
ربنا يكون في عونك
بتخدي سنتين في سنة؟؟
انا مكنتش اقدر غير على نص سنة في سنة واحدة
هههههههههه

تحياتي

ماجد إبراهيم said...

صدفة جعلتنى أزور مدونتك
وهى أننى كنت أبحث عن معلومات عن الفنان لطفي لبيب
قبل عمل حوار معه
فظهر لي موضوعك
واكتشفت بساطة الموضوع وشياكته وهو ما احيكى عليه بشدة

وإن اصابتنى دهشة كبيرة من الخلاف والاختلاف حول شخصي الرئيسين الراحلين انور السادات وعبد الناصر
في مساحة ليست مناسبة لهذا

فهما الاثنان عظماء واولياء لله صالحين الى جوار ال مبارك خرب الله ثراه

وتحياتى للجميع
ماجد ابراهيم
صحفي مشاغب جدا

^ H@fSS@^ said...

اهلا بماجد

اولا: يا رتي و بجد توصل عظيم سلامي للاستاذ لطفي
بجد بحبه و كتي ركمان بيحبوه زي ما انت شفت في البوست و التعليقات
انا فعلا بموت فيه
الاسلام امانه

ثانيا بالنسبة لموضوع السادات و الزعيم الهمام فمهما عملوا مايرقوش عندي لدرجة اولياء الله الصالحين
ببساطة لانهم كانوا ناس عايشة في الدنيا و مزهدوش عنها كما هو مفترض لولي من اولياءه الصالحين
و يمكن انا غلطانة
بس عن نفسي معتقدش ان البكباشي كان ولي من اولياء الله
يمكن ولي بس لحاجة تانية
ههههههههههه


تحياتي و نورتني