احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, March 9, 2008

لأن الأرض كانت لنا يوما ما

لأيماني بتفوق المرأة في عدة اشياء على الرجل
تتفوق في تحملها للالم
تتفوق في قدرتها على الصبر و المرار
تتفوق في ابداعها و نظرتها الحياتية الثاقبة
تتفوق لاحسيسها التي نادرا ما اخطأت فيها
تتفوق لاحساسها العالي
تتفوق لنظرتها الحانية التي في لحظة تغير امور لعواكسها
و لان الارض كانت لنا
فكنا سعيدات
هانئات
حوريات و حريات بفتح الحاء
لأن اضافة الميم و التاء و تكرار حرف الراء تظهر ان الحرية اعطيت لنا مع انها خلقت معنا
و كنا قويات
قويات العزيمة و البأس و الحنكة
و لأن الارض كانت لنا فكانت هي جنة الله في ارضه و هي مختلفة عن تلك التي في سماءه
هل كان ينقصنا شئ؟؟
ربما
فنزل علينا ادم
امنا به لاننا مؤمنات
صدقناه لاننا مصدقات
و احببناه لاننا انثيات
و لكن للاسف عبدناه لاننا كنا مغفلات
و لانه لم يخلق للعبادة فتكبر علينا و تمخطر
و سكتنا له فتذمر
و ابدينا الضعف فتبطر
و قلب ارضنا ملهى له واستكبر
و صبرنا عله يرجع لعهده الاول فلم يتوقف
و لانه يوم المرأة فيجب التذكير بان الارض كانت لنا و انت يا ادم كنت ضيفا
لكنها حكمة الله و بسط نفوذك على اهل الدار
انت من تذمر
انت من اشتاق لحواء
و كم كانت حواء كريمة لك
فرحة بك
سيدي ادم
هذا اليوم يومنا
و المفروض ان كل يوم هو لنا
و لكننا اندثرنا تحت طيات ما يسمى حياء الانثى و دلالها
فهل اخطأنا؟؟
سيدي ادم
الارض لنا و السماء لك
فاحمد الله على نعمة التي لا تحصى و نحن اولها
فلا جنة الا بنا
و لكننا لسنا حور اعينك
لكن الارض كانت لنا يوما ما و كنا سعداء بها من دونك
عذرا صديقي لكنها الحقيقة

16 comments:

Aardvark EF-111B said...

صح
اوافق

ذو النون المصري said...

كل عام و كل امره بخير
و كل انثي بخير
قريبا ان شاء الله عيد الام و صدفه غريبه جمعت العيدين معا
كل عام انتم بخير
تحياتي

جبهة التهييس الشعبية said...

اه
مزعجين الاخوة الرجالة دول
زي عيل زنان متشعلق في رقبتك
بس العيال امامير وايديهم صغيرة وخدهم ناعم عشان كده الواحد يستحملهم
لكن خنشور ومسخوط الواحد يستحمله ليه؟

على باب الله said...

عندنا بس المرأة مش في الصورة

العالم كله أعترف بحقوق و فضل المرأة و أهميتها

لكننا لسة بندور في دواير حجابك هو جمالك , و الله فطر المرأة علي الضعف .. و المرأة ليها بيتها و كفي

---

للأسف لا أعتقد أننا سنكسر هذه الدواير قريباً

--

عين فى الجنة said...

الرجالة اتشخرموا يا جدعان والتاريخ باظ واتقلب
الستات اتخلقوا الاول وادم نزل عليهم دماغ جامدة قوى
ومن امتى الستات متفوقين على الرجالة ؟
ده احسن الطباخين رجالة واحسن الخياطين رجالة
وعلى طول الزمان والستات عايشين فى عبودية مطلعوش اغنية واحدة او قصيدة شعر او لوحة فنية تعبر عن القهر والظلم بينما العبيد الرجالة ابدعوا فنون كثيرة منها موسيقى البلوز واغانى الزنوج وعمنا عنترة بن شداد عمل شوية قصائد عبر فيها عن الظلم
وبعدين الم ايه اللى جايين تقولوا عليه ؟ الم الولادة مثلا؟ يجى ايه ده جنب الآم العبيد الرجالة اللى بنوا الهرم ولا اللى حفروا قناة السويس
صلى على رسول الله وكل سنة وانتى طيبة

جبهة التهييس الشعبية said...

راجي
طب ما تطبخوا وتخيطوا وترحمونا احنا

عين فى الجنة said...

نوارة
طيب وانتوا حتعملوا ايه؟ حتتكلموا فى التليفونات وتتفرجوا على التلفزيون؟
وتعملوا قعدات النميمة فى النوادى؟ وترموا العيال فى الحضانات؟
مانتوا خلاص شيلتوا ايديكوا من زمان واحنا بس بنضحك من الغيظ
ازيك كده واحشانى

^ H@fSS@^ said...

يا جماعة الموضوع ابسط من كده بكتير
هو ببساطة كلام و جه على بالي
مقلتش انه مقدس و لا فرضته على اي حد
لكن يا استاذ راجي بالنسبة لموضوع تحمل الالام
فمش كل الرجالة كانوا عبيد عشان يعرفوا معنى الالم ايه يعني حكاية الاستعباد دي مش شئ الزامي لكل الرجالة انهم يمروا بيه
لكن الحمل و الولادة و المخاض و كل ما يلازمهم من قبل او من بعد و بيحصل لاغلب ستات الدنيا
ربنا ميكتبهوش عليكوا يا رجالة لاني متاكده حتروحوا فيهاو تفطسوا
و حكاية تحمل الالم و ارتفاع درجة تحمله عند الستات اكتر من الرجالة دي دراسات مثبتة و من كذا مصدر
دي بقت معروفة جدا


تحياتي

بنت القمر said...

راجي
يا لهوي
مصدومه فيك
دي بقي بوستك بتاع تمر حنه مش صدفه
ده موئف عنيف
يا للهول




نوارة
الله ينور علي والديك



نون
الله يكرمك ويبعد عنك ولاد الحرام
ويبختلك قادر يا كريم



حفصه قبل الطايرة بساعه جيت اقولك هابي يوم المرأه وليكي بوست مخصوووص هديه عندي بصي عليه


اشوفكم جميعا
علي الف خير وبصحه وسلامه

بنت القمر said...

بس ايه الاسم الجامد طحن ده الارض كانت لنا يوما
لا بجد جامد
امووواه عايزة حاجه من ضوباي

^ H@fSS@^ said...

بنت القمر
يعني رايحة ضوبايي ومش جاية قطر؟؟
دي حتى الشوارع تزعل
اهئ اهئ اهئ
ماشي
ماشي
حخطفلك الطيارة
و انزلك عندنا شوية
مشكرة على اعجابك بالاسم
انا مؤمنة بكده
احنا الاصل يا بنتي
بس محدش فاهم السر الكوني الخطير و خليني ساكته لحسن تتعملي محكمة تفتيش و يتهموني بالهرطقة و يشبكوني بحجر و يرموني في المية و اغرق
اغرق
اغرق

تحياتشي و امنياتي ب بجازاة حارة و سعيدة

S H A H said...

خدي تعالي هنا
ايه التزوير اللي انتي كاتباه ده؟!؟

هوا مين اللي جه الاول فينا1؟؟


و مين ده اللي يعيش من غير مين؟؟

قلبتي الدنيا خالص

بس صحيح, ادم مضايقك في ايه؟؟

محمد عبد الغفار said...

هأ هأ هأ

^ H@fSS@^ said...

شاه
انت مقريتش كلامي كويس
انا مقلتش احنا اتخلقنا الاول
انا قلت ان احنا كنا في الارض مبسوطين و جيتوا انتوا نكدتوا علينا عيشتنا
و ادم مضايقني في حاجات كتير
بس خلينا ساكتين
حنقول ايه و لا ايه يعني


محمد
ههههههههههههههههههههههههههه
خبيث
انت فالاد
عمرك ما تقول رايك بالتصريح كده
دايما مختصر مريب
هههههههههههههههههههههههه


تحياتي

The_Explorer said...

يقول عنترة عن قلبه: "لكنه راغب فيمن يعذبه" أظنه يصف حال النساء أيضا
:)
والمثل المصرى يتحدث عن القط الذى يحب من يخنقه على الرغم من أنى لم أقابل قطا بهذه الصفة من قبل

مبروك عيد الأم مقدما

Anonymous said...

حلو الكلام ده و للاسف صح
أدم هو اللى خربها
بداية المشكلة و نهايتها فى أدم