احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Monday, April 7, 2008

الاضراب الخوعلقي المتاسلم التجمعي الوحدوي


لما قناة الجزيرة يكون حالها مش عاجبني بقاله خمس سنين بالتمام و الكمال

لما قناة الجزيرة كانت بتجيب اللي مش بيتجاب

لما قناة الجزيرة يتغير حالها و يتشقلب و يبقى لها توجهات دينية غريبة

لما وضاح خنفر يكون هو مدير قناة الجزيرة

و لما وضاح يكون مربي دقنه و ماسلم نفسه

و لما وضاح يكون فلسطيني ذو توجهات اسلاميه حمساوية لا تخفى لاي عقل مفكر

و لما يكونوا الاخوان المتاسلمين عاملين فيها كتكت الشرس بعد ما يسكر و يتهور

و لما الدنيا تكون والعة في مصر و الجزيرة بس النهاردة فاقت تعمل تغطية نص كم زي اللي عملتها من شوية

و لما الاخوان المتنيليين يقاطعوا الاضراب علشان محدش عزمهم ، ايوة ياللي بتقرا امسك نفسك ، علشان محدش عزمه اصلهم كانوا فاكرينها حفلة طهور

و لما يتجاب الخبر في الجزيرة ان الاخوان المسلمين بيدعوا لمقاطعة الانتخابات المحلية و قال يعني كده بقى هما اللي جابوا التايهة

و يتدس الخبر في الخباثة وسط حشود اخبار المظاهرات و الاعتقالات و يبان ان الاخوان كانهم هما اللي بيوزوا الناس على الحركات البطولية دي

فده مالوش عندي غير وصف واحد

انه الخوعلق يا فتاكات

و الشاطر بقى يحلها

طبعا احب انوه على البطولات الخارقة الفذة لحزب التجمع اللي قال ان الدعوة للاضراب جاءت متعجلة

متعجلة ازاي؟؟

مش عارفة؟ هل كانوا يحبوا لما الناس تموت من الجوع و ساعتها كانوا حيضربوا؟؟


الله يعمر بيتك يا ابو الليل

فعلا

ا*ا
تحديث
الاخ احمد القبرصي بيشرح هنا رؤية الاخوان العظيمة لعدم مشاركتهم للاضراب
انا مضايقة من الحرق اللي حصل
لانه ضيع حق المظلوم لكن تفسيره يحرق القلب و يفقعلي كبدي
عادي
ما هو اخوان

24 comments:

مصطفى اسماعيل said...

مع ان التجمع بياخد فيها
بس موقفهم صح
واللى عملوه بتوع السياسة ده اللى بيطلق عليه منيكة فاضية
مالهم هما ومال العمال
من امتى كانوا بيتفاعلوا مع العمال
من امتى وهما فاهمين العمال
ومش علشان انا ماركسي
بس الماركسية هى اكتر الناس دراسة للعمال
وسنة اولى ماركسية هتدرس تطور الوعي ومراحلة
والحاج لينين اللى ماكنش بيناضل على سلم نقابة الصحفين لازم نسمع دين ام كلامه لما يقول اسبق العمال بخطوة
مش بميت خطورة
--------------------
بالنسبة للأخوان دى عالم بنت متناكة
واخدوا اكبر خازوق امبارح

مُزمُز said...

يا حفصة متزعليش على اللي عملوه الإخوان

أنا فرحان باللي عملوه جدا جدا جدا لدرجة لا تتصوريها

شكلهم بقى كلوتات

والعالم دلوقتي عمال تفشخ فيهم بالكلام

الناس العادية في الشارع اللي حتى ماشتركتش في الإضراب ولا هتشترك شايفة موقف الإخوان نوع من أنواع التعريص والجبن والانتهازية

دي حاجات سمعتها بالحرف من أشخاص كتير
.........

أنا فهمت التركيبة الجديدة دي

أكيد مقصود بيها
خولنة وعلوقية
هههه

وربنا يخللي أبو الليل فعلا

مُزمُز said...

نسيت أقول حاجة كمان

الجزيرة اجندتها واضحة للأعمى

خيرالدين said...

الموقف غريب جدا يا حفصه
الجزيره فقدت مصداقيتها
ليه كل الحشد الاعلامى لمساندة اخواننا فى غزه وتغطية الوقفات الاحتجاجيه فى كل العواصم العربيه من القاهره وحتى نواكشوط
ولما يجى يوم تاريخى زى امبارح فى اكبر دوله عربيه
ولا حس ولا خبر

بصراحه بى بى سى نجحت فى اول اختبار

الصدمات بقت كتير
صدمه فى الاخوان وصدمه فى الجزيره
___________
نكته
رفعت السعيد قعد يتكلم عن عدم الانجراف وراء الاضراب بهذا الشكل وفى الاخر قال
وسيستمر نضالنا
الاستاذ فى غيبوبه تقريبا
وعلى راى ابو الليل
يا اخى ....كلمه كده

Aardvark EF-111B said...

يظهر إن بعض محترفي المعارضة إكتشفوا إن جزء من الموجة مش بينركب

بالمناسبة..أنا كمان مش كافر..بس ال..

جبهة التهييس الشعبية said...

خخخخخخخخخخخخخخخخخ
هو انت قريتي القبرصي برضه؟
ده انا لسة قارياه
كنت ح اعلق بس قلت مافيش داعي للقباحة على المسا

يا ستي دي قناة الجزيرة احسن تغطية بعد البي بي سي
امال تقولي ايه بقى على الحمور واربط ودريظ

حاجة وسخة فعلا

بنوته مصرية said...

حسبي الله ونعم الوكيل

الحكومه ممكن تعمل اي حاجه تتخيليها في سبيل انها تطلع مظلومه وملهاش يد في اللي بيحصل

حتي لو لفقو اللي بيحصل ده انه من الاخوان

تحياتي
وفي انتظار المزيد
رودي

محمود المصرى said...

بسم الله الرحمن الرحيم

يا استاذة حفصة

الموضوع مش معقد ولا يرفع الضغط ولا يضايق زى ما حضرتك متصورة بس ياريت حضرتك تاخديه بهدوء ونتكلم بعقلانية بعيدا عن التلاسن والتوتر.

انا اولا احب افصل بين الاضراب وبين اللى حصل فى المحلة لأن ببساطة الاضراب كان بيقول للناس تقعد فى بيوتها , واللى حصل فى المحلة ماكانش له علاقة بالدعوة دى .
, واحب كمان افصل بين العمال عن كل اللى حصل اليومين اللى فاتوا , لأن العمال نفسهم لم يضربوا لا داخل المصنع ولا فى بيوتهم , واللى عملوا المصادمات فى المحلة مش هما العمال بتوع الغزل والنسيج .

نيجى بقى لموضوع الدعوة للاضراب نفسها وموقف الاخوان منها .
الاضراب دا كان تحرك سياسى ولا تحرك شعبى؟ اكيد كان تحرك شعبى لأنه ببساطة لا يحمل اى مطلب سياسى , كل مطالبه تنحصر فى مطالب آنية للشعب , يعنى رغيف الخبز والاسعار و المرتبات , الكلام دا الحكومة بلا شك تقدر توفره لو بذلت مجهود وفى وقت ليس بالطويل , طيب حركة الاخوان المسلمين رغم اعتراضك اصلا على ايديولوجيتها كحركة اسلامية هى حركة سياسية , ولها مطالب اصلاحية تتعلق بالوضع العام للدولة , وبالقوانين الحاكمة وعلاقة الحاكم بالمحكوم , يعنى اهدافها اوسع من الاعراض المترتبة على الفساد فى المناخ العام للبلد , ماينفعش تدخل فى دعوة لاضراب شعبى ينصب اساسا على مطالب انية دون الكلام عن الفساد اللى مالى البلد فى كل المجالات .
لكن فى نفس الوقت المطالب بتاعت الشعب دى مطالب ملحة ومشروعة يبقى ايه الموقف اللى المفروض يتخذوه ؟
انهم يعلنوا تأييدهم للاضراب ويثنوا عليه لكن فى نفس الوقت لا يتبنوه سياسيا علشان مايحصروش كل طلباتهم فى الطلبات التى قام من اجلها الاضراب وهو دا اللى حصل .
واحب هنا اوضح موقف الاخوان اللى حاول كتير من الناس يشوهوه .
بيان الاخوان كان واضح جدا بيؤيد الاضراب جملة وتفصيلا لكن يبتعد عن تبنيه من الناحية السياسية , يعنى بيقول مش احنا اللى دعينا ليه ولا مطالبه هى كل مطالبنا , لكن ماقالوش ماحدش عزمنا علشان كده هانتقمص ومش هانشارك , والكلام بتاع طلبة جامعة القاهرة بيقول انهم لم يدعوا للتنسيق ماقالش لم يدعو للمشاركة ودا غير دا , وبما انهم لم يدعو للتنسيق يبقى لا يحق لهم انهم يتبنوه سياسيا , لكن فى نفس الوقت لم يدينوه ولم يعارضوه وتركوا مسألة المشاركة فيه مفتوحة .
اظن يعنى اننا نفضل نهاجم الاخوان ونقول خونة وعملاء ومش عارف ايه دا كله يبتعد تماما عن حقيقة الوضع .
اتمنى ان حضرتك تتقبلى هذا الكلام فى اطار الاحترام المتبادل والموضوعية , وانا كان ليا تجربة حوار هنا وكانت تجربة مفيدة اتمنى ان تتكرر .
تحياتى

^ H@fSS@^ said...

استاذ محمود
نختلف مع بعض على امور فقهية
معنديش مشكلة
نختلف مع بعض على امور تتحمل النقاش
معنديش مشكلة
نختلف مع بعض و انت تجيب دليل و انا اجيب دليل و منحاولش نقطع على بعض
يا اهلا وسهلا
لكن ان حضرتك تحاول تبرر موقف الاخوان الغريب العجيب المعيب المشين
فده اللي مش ناوية اقبله
ارجو ان حضرتك تتقبل رايي بصدر رحب زي ما انا قبلت رايك بصدر رحب في الموضوع اياه
موقف الاخوان الجميع متفق انهم بايعين بايعين و دي مش اول مرة فحقولك الناس مستغربة و لهم عذرهم
خلاص كل شئ انكشفن و بانن
باااااااااااانن
انا نصيحتي ان حضرتك حاول تتنصل منهم حبة حبة لان مبقاش لهم لا ولي و لا نصير خلاص
فيه تعليق من مدون عند منعم في بوسته عن المفاجاة الجبارة ان الاخوان حيقاطعوا بيقول فيه ان الناس بكرة حتروح تشارك في الانتخابات بس لجل العند في الاخوان مش اكتر و لا اقل
شفت ازاي هما خسروا كتير؟؟
الاعتراف بالخطأ و الرجوع عنه اشرف مليون مرة من التمادي فيه و محاولة خلق مبررات و حسابات من نظام عم شرفنتح طلع بجوز جنيهات
تحياتي

محمود المصرى said...

بسم الله الرحمن الرحيم

مسالة ان الجميع متفق انهم بايعين دى فيها قدر كبير من عدم الدقة , ولا اكاد اجد لها دليل بصراحة , لكن انا وضحت وجهة نظرى فى التعليق السابق واتمنى ان حضرتك تراجعيه بهدوء وتحكمى عليه عقليا .
اما موضوع ان الناس هاتشارك فى انتخابات المحليات بالعند فى الاخوان فأنا عايش فى مصر ومش حاسس حولى بالحكاية دى مطلقا .
لكن فى النهاية انا احترم رأيك ورغبتك فى عدم النقاش حول هذا الموضوع .

^ H@fSS@^ said...

يا استاذ محمود ان امبقلكش ان اللي حينتخبواخلاص رايحين بجد عندا في الاخوان
انا بديك مثال على انهيا رالايمان بيهم و سحب الثقة منهم
و لما كل اللي حصل ده ميبقاش دليل فانا مش عارفة ايه يبقى الدليل؟؟
يبقى مؤكد هما اللي قتلوا بابايا
و كما يقال
الدليل قالولوا
انا معنديش مشكلة اتناقش
بس لغاية فين؟؟
حاجة كل الشواهد ضدها و عليها
حنفضل نثبت عكسها لامتى؟؟
و صدقني انا حكمت على الموضوع عقليا
و دي للاسف مشكلتي
بحكم بعقلي
مش بحاجة تانية
انا مافيش بيني و بين الاخوان المسلمين تار شخصي يعني
لا حد منهم قتل لي اب او ام او شرد لي عيل او حاجة
انا مختلفة معاهم دوجماتيا او فكريا او مبدائيا يعني من حيث نوع املبادئ اللي بيتبعوها و اسلوبهم في التعامل مع الاحداث
و عدم وجود اي ثوابت ليهم
بس
هي دي مشكلتي البسيطة معاهم
انت تنورني هنا زي ما تحب
و ملكش دعوة بالناقش ازا حبيته او لأ
سيبها عليا انا بستحمل كويس بالذات لما بلاقي حد مستعد يفكر و يتقب الراي التاني
اللي هو رايي انا يعني
و حضرتك الراي الاولاني طبعا

تشرفني


جبهة
خفي بوستات شوية لانك حولتيني و انا مش ناقصة
مش عارفة بعد لبس النضارات البسلك ايه تاني
انا مش ملاحقة عليكي و مش عارفة انا علقت فين و معلقتش فين
ماشي


تحياتي للجميع

^ H@fSS@^ said...

نسيت اقول
مزمز
منك لله على ده تعليق
سخسختني من الضحك
و بعدين كان لازم تفتش السر
يعني
كنت ابعته ميل خاص

تحياتي للباقي
و لازم اقفل لحسن المدير قرب يجيي ناحيتي و شكلي حترفد

محمود المصرى said...

بسم الله الرحمن الرحيم

لا اشكال مطلقا فى الحوار يا استاذة حفصة , لكن لما نقول حاجة كل الشواهد ضدها بدون ما نسمع الشواهد المضادة يبقى احنا بنستبقى فى احكامنا , وبالتالى قبل ما نسأل هانتحاور لغاية فين نسأل هانتحاور من فين , يعنى نشوف منطلق الحوار مش نهايته لأن لو بداية الحوار محكومة بأسس عقلية وعليمة ومنهجية صح اكيد النتيجة هاتكون سليمة .
انا هاقترح على حضرتك عدة نقاط وحضرتك تقبليها او ترفضيها :
اولا ان نحلل الدعوة للاضراب اصلا من وجهة النظر السياسية
ثانيا ان نحكم على الاخوان من خلال نص تصريحاتهم الرسمية
ثالثا ان نطرح البديل الاسلم الذى كان يجب على الاخوان ان يتخذوه
رابعا الا نعمم الاحكام بدون دليل
يعنى احنا ماينفعش نفترض ابتداءا ان الاضراب كان حاجة سليمة مائة فى المائة وانه واجب وطنى ويمثل المصلحة المطلقة للوطن , ليه مانفترضش ان الدعوة للاضراب اصلا تخللها القصور والنقص وكانت تحتاج لتصحيح وتنقيح ؟
وليه نعتمد فى نقد الاخوان على فهم ناس اخرى لكلام الاخوان وليس على تحليل نص كلامهم وفهمه فى اطار منهجهم الكلى ؟
وليه لما نقول الاخوان غلطوا فى التصرف دا مانطرحش الموقف البديل الى كانوا يتخذوه فى ضوء ما تقدم ؟
وفوق هذا وذاك هل حتى لو وصلنا للقول ان هناك خطأ ارتكبه الاخوان يبقى دا دليل على ان الاخوان خونة وباعوا القضية وبيستغلوا الشعب ولا وارد جدا على اى تنظيم سياسى ان يقع فى اخطاء تكتيكية مهماكانت درجة اخلاصه ؟

دا ببساطة تصورى للحوار واتمنى ان يلقى تجاوب من حضرتك .
تحياتى

فليعد للدين مجده said...

يا جماعة لازم نختار ألفاظ أحسن من كده عند التحاور

ويا فرحة الحكومة فينا لما تشوف معارضيها يشتموا بعض هم كدا

هل هذا هو البديل الذي نقدمه للناس بدلا من الحزب الوطني

مصطفى اسماعيل said...

استاذ محمود
اولا مواقف الاخوان متخاذلة حتى فى القضايا او المطالب السياسية
واتذكر كمثال التعديلات الدستورية
الاخوان مانزلوش الشارع وفضلوا سلامتهم الشخصية من انهم يسجلوا موقف معارض فى للناس فى الشارع
------------
نيجي لموضوع الاضراب
المسألة مش مطالب انية ولا بتاع
لأن اى تيار سياسى بيحاول يتفاعل مع مطالب الناس بيحيث يكسب ثقة ومستوى من المترابط يبنى عليه قواعده
المسألة ببساطة ان الفقراء عمرهم ماكنوا على اجندة الاخوان
مطالبهم عمرها ماهتبقى مطالبهم
الأخوان رأسماليين
ومطالب الشعب من تخفيض الاسعار ورغيف العيش وخلافه مش مطروحة فى اجندتهم ولا هى تنتمي لإيديولوجيتهم
-------------------------
بالنسبة لموضوع الانتخابات والتغير الاصلاحي
الاخوان شاركوا فى انتخابات مجلس الشعب بصدر رحب لما كان ليهم مئات المرشحين
لكن فى المحليات لما بقى ليهم عشرين عضو بس طالبوا بالمقاطعة
يبقى المسألة شخصية بحتة
انا موجود فالانتخابات زى الفل
انا بره فالانتخابات كخ
----------------------------
فى حاجة اخيرة
الاخوان على مدار تاريخهم ماكنوش شريك فى الحركة الوطنية
وماظنش ان عمرهم هيبقوا

محمود المصرى said...

يا استاذ مصطفى

بالتأكيد لو ان الاخوان ليسوا متفاعلين مع قضايا الامة يبقى الماركسيين ابعد عن قضايا الامة منهم بل وكل القوى الاخرى , وانا مش عارف هى ايه قضايا الامة الى كانوا بعيد عنها سيادتك ؟ الاحتلال الانجليزى مثلا؟ شاركوا فى المقاومة ضد الانجليز وقدموا الشهداء ولا ينكر دورهم فى المقاومة ضدهم الا مماحك

قبلها قضية فلسطين قدموا مجاهدين ضعف ما قدمه الجيش المصرى كله .
يعنى ببساطة اقدر اقول ان تاريخ الاخوان يشرفهم من ناحية تفاعلهم مع قضايا الامة .

ناتى بقى للحاضر حضرتك تقول

نيجي لموضوع الاضراب
المسألة مش مطالب انية ولا بتاع
لأن اى تيار سياسى بيحاول يتفاعل مع مطالب الناس بيحيث يكسب ثقة ومستوى من المترابط يبنى عليه قواعده
المسألة ببساطة ان الفقراء عمرهم ماكنوا على اجندة الاخوان
مطالبهم عمرها ماهتبقى مطالبهم
الأخوان رأسماليين
ومطالب الشعب من تخفيض الاسعار ورغيف العيش وخلافه مش مطروحة فى اجندتهم ولا هى تنتمي لإيديولوجيتهم
-------------------------
يعنى قصدك تقول ان الاخوان المفروض يركبوا موجه الغلاء والاسعار ويثوروا الشعب بهذه الشعارات علشان يحققوا اهدافهم السياسية ؟ للأسف دا اسلوب تيارات حضرتك تعلمها جيدا مش اسلوب الاسلاميين , اسلوب الاخوان انهم لا يحشدوا دعم لقضية الا اذا كانت مقصودة لذاتها .
اما موضوع الاخوان رأسماليين فهذا كلام فضفاض لان الرأسمالية انت اكيد تقصد بيها معنى خاص , لكن اللى اعرفه ان الماركسية سقطت سقوط مدوى فى معاقلها يعنى خلاص راحت عليها .

بالنسبة لما وصفته بالمواقف المتخاذلة فأنا مش عارف انت عاوز الاخوان يعملوا ايه بالظبط ؟ يحملوا السلاح مثلا ؟ تقولوا ارهابيين , يتظاهروا ويعتقل منهم ناس تقولوا دول بيسعوا لمصالحهم الشخصية , بتفكرنى بقصة جحا وابنه , ولو حتى شالوا الحمار فوق راسهم هاتقولوا العبيط اهوه .

تعليق اخير

طبيعى انك كماركسى لا يعجبك اى تصرف للاخوان فأنت معترض على اصل وجودهم وتتمنى لو يزولوا , وبالتالى الاختلاف ليس حول انتخابات ولا اضراب ولا تعديلات دستورية دا خلاف عقيدى , ولا حضرتك شايف ايه؟

تحياتى

مصطفى اسماعيل said...

استاذ محمود
هو اللى استقبل اسماعيل صدقى ب" واذكر فى الكتاب اسماعيل انه كان صادق الوعد وكان رسولا نبيا " ماكنش اخوان
ولا اللى قتل الخاذندار ماكنش اخوان
ولا اللى تحالف مع حكومة صدقى وعاملوا اللجنة القومية لأجهاد اللجنة الوطنية اللى عملها الطلبة والعمال ماكنوش الاخوان
وفى مذكرات كريم ثابت لما ذكر قول المرشد " فى رسالة للملك " بضرورة عدم حل الاخوان لأنهم سند للملك والعرش فى مقاومة الشيوعية " كان بيكذب
ولا موقف الاخوان من اتفاقية الدفاع المشترك مع بيفن
ولا محاولة اغتيال عبدالناصر
ولا تحالفهم مع السادات ضد القوى الوطنية مش حقيقة
-------------------------
ده تاريخ الاخوان
انت بقى ماكلمتنيش فى الحاضر
ماقولتيش هما مانزلوش فى التعديلات الدستورية ليه
ودى مطالب سياسية
ومانزلوش فى 6/4 ليه
ودى مطالب انية زى ما بتقول
---------------------------
حلو اوى الكلام المحفوظ اللى بقى لبانة
الماركسية سقطت
لو تعرف يعنى ايه ماركسية
هتعرف انها ماينفعش تسقط
لأنها علم مش وقوانين مش بس وجهات نظر
----------------------------
انا فعلا شايف انكم جماعة محظورة
ناس لا نقبل التعامل معهم

محمود المصرى said...
This comment has been removed by the author.
محمود المصرى said...

بسم الله الرحمن الرحيم

مصطفى اسماعيل

بصراحة اول مرة اعرف ان الخازندار كان رمز من رموز الوطن , وان قتله كان خيانة للوطن , وان كنت ارفض مسألة قتله رغم جرائمه .

اما موضوع محاولة اغتيال عبد الناصر فالكلام فيها كتير اوى لكن كنت اتمنى انه كان مات فعلا فى الحادثة دى .

اما ما ذكرته عن رسالة المرشد للملك فأظن انه يقول سند الملك لمواجهةا لشيوعية شىء وانه يقول انه سند الملك بأطلاق شىء اخر , يعنى المرشد عاوز يفهم الملك ان هناك تقاطع مصالح ودا بيحصل كتير ولا ينكر عليهم هذا .
اما باقى الاحداث فلا اعلم عنها شىء بصراحة واعدك انى اراجعها .

بالنسبة للتعديلات الدستورية ياريت حضرتك اللى تحاول تتذكر انهم نزلوا فى مظاهرات على مستوى جميع محافظات مصر قبل الانتخابات الرئاسية , واعتقل منهم المئات وكان من بينهم الدكتور عصام العريان وغيره من القيادات , بس ياريت حضرتك تراجع معلوماتك بدل ما نسترجع اسماعيل صدقى خلينا فى اللى حصل ايام نظيف .
طبعا انا لن اسأل حضرتك اين الماركسيين , لكن بالنسبة للماركسية ايا كان توصيفها علم او نظرية لكنها لا تصلح لبلادنا .
اما قولك انها جماعة محظورة ولا تقبل التعامل معها فهذا لا يضيرهم فى شىء صدقنى .
تحياتى

مصطفى اسماعيل said...

انا مش هرد عليك
وانا اسف اصلا انى دخلت نفسى فى المناقشة
اسف كتير
كتير

Soooo said...

تصدقي وتؤمني بالله
انا بطلت اتفرج على الجزيرة من ساعة استنخابات الرياسه
اه والله العظيم
بقيت باتفرج بعدها على مولودي وعلى سبيس توون
دول احسن قناتين اخباريتين دلوقتي



سلامووووووووووز

hartaka said...

الأخوان أذكياء جدا
وميقدروش يصعدوا مع الحكومة فى يوم زى دة
لازم ياخدوا الإشارة من امريكا الاول
وكمان
لسبب بسيط انهم مجربين الاعتقالات والتصعيد من ايام عبد الناصر والنتيجة كانت اعدام وسجن وبهدلة

فطبيعى مبيبقاش فية تصعيد اليوم دة وخصوصا انة يوم مهم جدا

ولو الاخوان عملوا اضراب بمعنى الكلمة

الحكومة هتوقع

رؤساء جامعات كتير اخوان
اصحاب شركات كبيرة
بنوك اسلامية

حاجة بجد تنرفز
لما واحد زى خالد مشعل يكلم مهدى عاكف
يقولوا اعمل مظاهرات علشان غزة والحصار
والحكومة تنصاع لضغوطهم

ويوم زى دا يسحبوا لورا بالطريقة الجبانة دى


اما الجزيرة ففية محاولات كتير لإختراقها من جوة من المخابرات المصرية والسعودية وغيرة

وللاسف بدأت تبان نتيجة دة فى التغطية الزبالة الى حصلت

Nani said...

السلام عليكم
صفصف يا حبيبتي
بنظري الجزيرة والسي ان ان
وجهان لعملة واحدة
ولا اقصد من ناحية المقدرة
لكن من ناحية طريقة عرض الاكاذيب وتحويرها وما يتلاءم مع حقدهم
يجب التركيز الان على تبعيات هذه المرحلة هل يمكن تحسينها هل ستكون واقعية ويمكن تطبيقها على ارض الواقع؟
والاهم هلسيزيد الصدع الداخلي في مصر؟

Ahmed El-Agouz said...

كنتم فين لما الاخوان اتنبح صوتهم من ثمانين سنة علشان ميحصلش اللي بيحصل ده كنتم فين لما الاخوان اعتقلوا عشرات السنين وبعضهم نفذ فيه حكم الاعدام
كنتم فين لما بتشوفوا مظاهرة بتاعة الاخوان في الشارع والناس بيتقبض عليها
انته فين من محكمة الاخوان الهزلية اقصد العسكرية الغير انسانية كنتم تيجوه تشللكم كام سنة من اللي اتحكم علي الناس بيهم

انا اسف علي الاسلوب
ومن الاخر انا مش اخوان ولي الشرف ان اكون واحد منهم بس الموضوع مش كلام وبس ولا تهليل ولا اضراب اللي بيدعوا ليه اصلا مش فاهم يعني ايه اضراب اصلا
دلوقتي حسته بالجوع لا يا الاخوان جاعوا كتير واتيتم اولدهم وهما عيشين من سنين
ارحمونا