احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, May 30, 2008

رسالة من القلب


جت و قالت لي: نفسي ارجع اكلمه

قلت لها مينفعش

قال لي ليه

قلت لها كده انتي قلتي خلاص

فكان لازم يبقى خلاص

قالت لي بس هي مش خلاص انا لسه عاوزة اقله كلام

قلت لها حتقوليله ايه يعني


قالت :حقله

"

نفسي احضنك و ارجع اخد راسك بين اديا تاني

نفسي ارجع اطبطب عليك و تحضني من تاني

اخرمرة شفتك فيها كانت عاوزة افضل ماسكه فيك مسيبكش

اناعارفة اني حشوفك تاني بس مكنتش متاكده

بس كنت عاوزة احضنك و اضمك ليا جامد جدا

للاسف كان حوالينا ناس كتار

و كانوا شايفين الدمع اللي في عنيا

و زمة شفايفي و تعصيبة حواجبي

كانوا شافين ان فيه حد بيموت و مع ذلك معملوش حاجة

انا مكنتش عارفة انت اللي بتموت و لا انا

ولا يمكن احنا الاتنين

انا اتغيرت

انا عارفة بس اعمل ايه

مفتقداك؟

جدا

و ربنا الشاهد عليا

اخاصمك ماشي

لكن نسيب بعض مش معقولة

لسه مش قادرة اصدقها

شغلت نفسي بحاجات كتير

بس مش حاسة باي راحة

حاسة اني ممكن اتجنن

عارف ايه المشكلة

انت مكنتش بس حبيبي

انت كنت ضنايا

و الضنا غالي

و انت غالي

و لسه غالي

انا بحبك

بس للاسف

في زماننا ده

ليس بالحب وحده يعيش المواطن الغلبان

"

بكيت لها

و بكيت عليها

و بكيت له و عليه

سيبتها و مشيت لانه اول مره اقرر اني لازم ادور على حد احمله مسؤولية فشل هدوء و استقرار وليفين مخلوقين لبعض


20 comments:

bluestone said...

ouch ... This really hurts ,,,

david santos said...

Excellent post, my friend, excellent!
Happy weekend.

karakib said...

في هذة الحالات ما بيكونش عندي كلام كتير اقوله
باسكت
الحياة فعلا موجعة ... لأنها تلك الحياة البغيضة التي جئنا اليها دون ارادتنا لنتعذب و نقهر و نقمع و نري القليل من اهوالها
ثم ... نرحل عنها ايضا دون ارادتنا
حاسس و فاهم اللي بتقوليه

رجل من غمار الموالى said...

ما يصنع العبد والأقدار جاريةعليه
بكل حال أيها الرائى؟

Hypatia said...

والله حرام
:(

Anonymous said...

اخاصمك ماشي

لكن نسيب بعض مش معقولة
--
فكرتيني بالذي مضى... منك لله بحد

hurricane_x said...

That's really so deep :/

ذو النون المصري said...

شيء صعب
ان الانسان يتالف مع غيره و تكون بعض الظروف المحيطه غير ملائمه فيحيا كل منهما بعيد عن الاخر و مع اخر لا يريده

ايــــــــــــــــــوب said...

ليس صحيح يا حفصة انه ليس بالحب وحدة يعيش المواطن الغلبان

الحب حياة بذاتها ... ودا اللى مش بيبقى مفهوم

تعرفى

فرق كبير بين انى احب ... وانى اكون محتاج احب

ان احب ... هوا ان ابذل من اجل من احب
من غير تفكير ... من غير حسابات .. للنهاية ... وللأبد

وخلى بالك انا هنا اقصد الحب عموما .... يعنى فكرتى عن الحب كبذل وعطاء لا محدود ... ممكن تفسر ليه الام بتحب ولادها ... او ليه الانسان بيحب وطنه

شرط البذل والعطاء انه بيكون متبادل من الطرفين مش من طرف واحد

اما لو كنت محتاج احب بس .. يبقى هاحسبها ... وهادور بقى على امتى يحي الانسان وامتى ما يحياش

قولى لصاحبتك انها ماكانتش بتحبه ... ابدا

هيا بس كانت محتاجه تحبه ... وخلاص حبته شوية وحصلها اشباع

وفاضل شوية حاجات بتوحشها .. نفسها تحضنة ... نفسها تحط راسه بين اديها وتضمه ... كل دا بس ماتعيش معاه ... طب بذمنك تبقى بتحبه؟؟

طبعا لأ

تحياتى

Unknown said...

وليه ندورعلى حد تحمليه المسئولية؟
ليه مانمدش ايدينا ليهم ونشبك ايديهم تانى ف بعض؟
ليه مانغسلش دموعهم ونفك زمة شفايفهم وتعصيبة حواجبهم؟
امتى بقى حانبقى ايجابيين؟

Astronaute said...

حفصه
صباح الفل
عاملة إيه؟

هو إنتى يا حافصه عايزه إللي يخش لك ميخشش تانى؟
لأن كل مرة هيخش فيها هتنطلق أغنية من السماعات عنده

أنا شايف إن الأغنية و سماعها يكون إختيارى مش إجبارى و واجب فرض على كل زائر , بمعنى إن إللى عايز يسمع الأغنية إللي بتقترحيها يروح لللينك بتعها و إللى مش عايز فخلاص مش عايز

فاهمة أناأقصد إيه؟

تحياتى

Astronaute said...
This comment has been removed by the author.
Astronaute said...

أجمل تحية ليكى يا حفصة عشان تقبلك للإقتراح إللى أقترحته عليكى

GBU

و تحية تانية بعد التصليح

مُزمُز said...

بساطة رقيقة ومؤلمة أوي يا حفصة

كتابة جميلة بجد


أيوة كده جميل أوي
أنا دماغي كانت تعبت من كتر الكلام الكبير بتاع الفكر والوطن والمرأة ومش عارف ايه
انتي عارفة اني سلبي وكسول بقى :))

^ H@fSS@^ said...

شكرا للجميع تعليقاتهم المفرحة في اوقات الضيق و الحزن

thanks to you mr. david. happy weekend to you too.

مـ~ـاجدولين said...

!!!!لو أن الحياة بلا فراق

شغف said...

مع أيوب جدااااااا

لو قصة انتهت ، فأكيد جواها أسباب منطقية جدااا تخلي الاستمرار ما ينفعش

مهما كان باين " هدوء و استقرار وليفين مخلوقين لبعض"

عارفة
زي أي فيلم فيه عناصر كويسة جداا ، و فيه فنيات عالية قوي ، و مع ذلك فشل

جواه حاجة بتخليه يفشل ، حتى لو الحاجة دي كانت ظروف عرضه اللي صناعه مش خدوا بالهم منها

-----------
غير كده
هيه اللي قالت خلاص
مش معنى إنها ترجع تحن له و تشتاق له و تشتاق لوجودها معاه إن ده كافي إنهم يرجعوا لبعض
مش لمجرد جرح هيه اتسببت له فيه و بس
لكن لأنها لو رجعت هاتيجي في يوم تندم ، و تقول خلاص ما ينفعش من تاني

تقدري تقولي كده بتبقى " فترة إنسحاب " كل واحد من جوه التاني

بتخليها ترجع مشاعرها ناحيته قوية جدااا لفترات و يمكن أقوى مما كانوا بادئين حتى
أنا بأحاول أتكلم من منطلق تجربتي الشخصية مش أكتر
ممكن يكون الوضع مختلف بالنسبة لهم و ممكن يكون مشابه للي بأتكلم عنه / الله أعلم

--------------

برضة كلام
m5m
منطقي جدا
لو ينفع
بجد
بعد استكشاف حقيقي لأسباب البعد و إن كانت حاجات مؤقته و خلصت ، و لا حاجة حقيقية و موجوده باستمرار بس تدفق المشاعر دلوقتي مخبيها شوية

لو كان ينفع يبقى ليه مش يبقى فيه محاولة للإصلاح من تاني ؟

ابو احمد said...

فاذا انكر خل خله
وتلاقينا لقاء الغرباء
ومضى كل الى غايته
لاتقل شئنا
فان الحظ شاء
تحياتى

^ H@fSS@^ said...

عزيزتي
لا حياة بلا فراق
و الا ما كان الموت اصلا


شغف
كلامك حقيقي
و واقعي
و للاسف صعب على المجروح انه يشوف جرحه و يمسك عليه و يمشي بيه تاني و كانه شيئا لم يكن
ادعي من ربنا انهم يقدروا يعالجوا المشكلة لو ينفع
انا بتضايق اوي لما اتنين بينفصلوا عن بعض
شرفتيني


والدي العزيز ابو احمد
ارجو ان الحظ يتبسم و لو شوية فقط بس شوية


تحياتي للجميع

Anonymous said...

ليه الناس بتسيب بعضها؟

حتى لو الحب انتهى .. ليه مايفضلش صداقة واحترام؟

لى دايما اختيار الفراق بيكون اسهل .. مع انه انتحار بطئ؟

هل عندك حل ؟