احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, July 11, 2008

هل هكذا تكون الحرب اذن؟؟

يبدو ان الراحة لم و لن تكتب لي ابدا


بلوج صديق تعرض لهجمة شرسة و حقيرة جدا من اعدائه
من هو البلوج ؟ لحسن الهلالي
الاعداء: هو كل من قرر عدم استخدام عقله و بدلا عنه قرر استخدام سيفه و طرقه الحقيرة في القضاء على صوت مغاير و مضاد له في الراي

محارب يدعو لتخليص الاسلام مما لحق به من تدين زائف و
تلويث لسمعته كدين سماوي و يدعو لاعمال العقل و التفكر في كل ما نراه من مظاهر مسيئة و هدامة و كلها باسم الدين و باسم الاسلام
والدين منها برئ
ما الغلط في القول ان اغلب الاحاديث غير موثوق منها و لا عقلية في كثير من الاحيان؟؟
ما العيب في القول ان الشيخ فلان دجال او متاجر بالدين؟؟
ما الخطا في ان نقول ان الكثير من تفاسير البعض للقران قد خرب معناها و حرفت على كيف و هوى حكام عصر معين؟؟
لماذا ندفن رؤوسنا في الرمال و نرفض كشف النقاب عن ديننا و نخلصه من شوائب اضافوها المرتزقة على مر السنين ادت الى ما نعاني منه الان من تطرف و ارهاب و اتهام الكثير لنا باننا قتلة بالوراثة؟؟
كل هذا الارهاب لان المدونة ضد الحجاب؟؟
ماذا اذا عرف الاغلبية ان اغلب شيوخ الدين و الفقهاء انفسهم مختلفين على تحديد العورة للمرأة؟؟
فكيف سوف نحدد الحجاب اذا كانت العورة نفسها غير متفق عليها من قبل شيوخ الدين القدامى؟؟
والايات القرانية؟؟
اختلف معناها و اختلف التفسير عليها
لماذا ناخذ براي واحد و نقصي غيره؟
اين الشورى التي نتشدق بها كعلامة مميزة للاسلام؟؟
الا يعيب البعض منا على المسيحيين انهم دين كهنوت؟؟
فماذا فرقتوا عنهم يا من تزدروهم و تتهموهم بالكفر و انتم لا حق لكم البته في تكفير هذا او ذاك؟؟
اتوقع كل انواع الحوار و المتدني منه ايضا
و كم راينا من تعليقات تشين الاسلام انها خارجة من امثاله اكثر من ان تشين صاحب التعليق نفسه




توقعت كل شئ
لكن لم اتوقع ان الرد يكون هو الاستيلاء على حسابه الشخصي و مسح المدونة في حركة اقل ما توصف انها حقيرة و غير اخلاقيه و منحطة
فهل هكذا تكون الحرب اذن؟؟
هل هذا هو الشرف؟
هل هذة الاخلاق التي تدافع عن الاسلام؟؟
ثم نتعجب ان شخصا مثل جيرت فيلدرز يشوه سمعتنا؟؟
الم نعطه هو و امثاله من اعداء الاسلام كل المعطيات المتاحة حتى يتهمونا بكل هذه التهم؟؟
الم يحن الوقت بعد حتى نخرج راسنا من الحفرة و نواجه ما يحدث بالعقل بدلا من السيف و السرقة
ان ما حدث لا معنى له الا ان المسلمون غير قادرين على التحاور
للاسف الشديد

****
مصاب مثلي في حريته

هرطقة يحارب هو ايضا
و انضم لنا
تحديث
كما راى البعض سفالة ة وانحطاط الصارم الحاسم
فاضطريت اني احط خاصية التحكم بالتعليقات
لعنه الله و بئس المصير ان شاء الله هو و امثاله

31 comments:

واحد مش فاهم حاجة said...

برغم انى اول مرة اعرف عن البلوج دة

ومصادفنيش انى اواجة افكارة

بس حسيت بنوع من الاحباط

ان يكون دة رد الفعل

بدل من التخاطب والحوار

هى باظت اوى كدة

عباس العبد said...

عارف , على الرغم من أختلافى الشديد مع السلفيين الأسلاميين فى كل الى بيعملوه , و أختلافى الأشد مع بتوع الصخرة المتزمتين * , بس عارف لولاهم و لولا إن بيتعمل ليهم حساب بدون ما حد يشعر , كنا عشنا فى مسخرة , صحيح هم بيغالوا فى بعض ردود أفعالهم , لكنهم برضه يعتبروا حائط صد , بيشيل بلاوى , بنبقى مستريحين ان فى حد بيشيل قرف الى جى من بره و زبالة الفكر الى جوه , و فى نفس الوقت بنقدر نهاجمهم على تزمتهم الزيادة ده , لأن من جواك , صراحة يعنى , بتبقى مبسوط مهما حصل منهم , ان لما المسخرة حتزيد حتلاقى حد يشيل عنك و يقف وقفة تصد كل الزفت و المسخرة . كل الى بيهاجموهم بيبقوا موافقين على كده من جواهم , و لا أنت أيه رأيك ؟
=====
مع تحياتى

The Alien said...

دا المتوقع
ومع ذلك أنا فعلا حزين وغاضب من اللي حصل
تحياتي

ذو النون المصري said...

المفروض يعمل غيرها بسرعه و بعد كده يحفظ كتاباته علي الهارد عنده علشان يقدر يرجعها اذا حصل له اي اختراق
بالمناسبه
ليه محاولوش اختراق ارض الرمال؟؟؟؟؟؟؟؟؟
سؤال يعني؟؟؟؟؟؟
ظ...................
حاولت ابعت لك رساله كذا مره علي الموبايل لكن مش عارف ليه الارسال متعذر
كل سنه و انتي طيبه مره تانيه

Wandering Scarab said...

حفصة..

الصراحة أنا مش عارفة ليه في ناس كثير مصدومين.. هو الكلام اللي حصل لحسن الهلالي دة بيحصل كل يوم. جايز عشان أنا عايشة برا فبشوف اللي فكرهم متعصب بينادو هنا بتحطيم الناس اللي زي حسن كدة. و طبعاً هنا في حرية تامة فمن حقهم يتكلمو زي ما هم عايزين لكن الحكومة مش بتسمعلهم أصلاً. زي ما حصل في موضوع الشريعة اللي أنا كتبت عنه و كان في مواجهة جامدة في التعليقات.

و بعدين أنا قرأت كل اللي حسن بيكتب.. و معتقدش إن هم يقدروا يقضوا عليه بالسهولة دي.. مية المية هيرجع تاني و هتبقى المدونة الجديدة بتاعته أحسن من الأولى كمان.. العالم دي أصلها مبتفهمش للأسف.. دي أفكار متداولة مش هيقدرو يحطموها.. و لو راح حسن هييجي ألف حسن غيره.

الناس اللي زي دي فكرها متحجر.. إذاً ليه نتوقع منهم نقاش متحضر؟ الحضارة والتحجر عكس بعض. أنا أعتقد إن حسن هيرجع أحسن من الأول كمان

نبراس العتمة said...

تحياتي
أنا من المتابعين لمدونة حسن الهلالي قاهر الحجاب.. من حظي أني اكتشفت المدونة قبل أيام من حذفها ومن حظي أيضا أني سجلت معظم صفحاتها
أقول لكل الأحرار أن يتضامنوا قل أن تحدف أصواتهم، وأجمل التضامن هو أن يطلع كل واحد في مدونته بحسن الهلالي..
لكم محبتي
شكيب أريج
www.mtarmatar.blogspot.com

Hassan El Helali said...

أختي الغالية
عاجز عن التعبير

Nsreen Bsunee said...

انا محبطه ومتضايقه ليه بس يعملو كده ليه الغباء ده
:((

Fantasia said...

دا كان متوقع، هجوم همجي وسباب قذر واتهامات حقيرة وحجب للموقع في السعودية وأخيرا قرصنة جبانة. هذا هو ما يملكونه يا حفصة، وطبيعي انهم لا يملكون سوى الاساليب الارهابية الرخيصة. لو كانوا يملكون عقلا واعيا أو يقدرون ادارة حوارا حضاريا أو يستندون إلى أي منطق أو يتمتعون بذرة ضمير لما وصلوا إلى هذا المستوى الوضيع وأقبلوا على هذه الاساليب الخسيسة

مفلسون وجبناء، لم يتعلموا سوى الانقضاض على من يختلف معهم في الرأي وهم واهمون أن في ذلك بطولة من نوع ما! مساكين، انسانيتهم ذهبت مع عقولهم

أهم شيء هو عودة الهلالي ومواصلة المشوار ومساندتنا جميعا له. لم يسلم أي شخص يدعو للإصلاح من مثل هذه الهجمات. والضريبة التي دفعها حسن هي ثمن قليل بالمقارنة بما دفعه غيره، فمنهم من دفع حياته ثمنا لأفكاره. العبرة بالنهاية، والتي يؤكد التاريخ دوما أنها تنصف المصلحين المخلصين

HafSSa said...

واحد مش فاهم
اشكرك لتضمنك مع حرية الراي


عباس
يعني انت بتيجي تعلق عندي كل سنة مرة
و لما تيجي تقوم تحرقلي دمي بالتعليق اياه بتاع صاحبك ده؟؟
ملكش حق يا قداستك


بيشو
اشكر احساسك النبيل



ذو النون
عدم محاولة اختراق مدونة الرمال لها اسباب كتيرة
ممكن عشان صاحبعا مستعد و حاميها كويس
و ممكن لان حسن الهلالي محارب شرس و غير عن اسلوب ارض الرمال
يعني لها تفساسير كتيرة
لكنها جت على حظنا احنا في حسن
بالنسبة للمسج وفولا يهمك و مقبولة منك التهاني طوال الشهر الكريم
:D



مينو
انا استغربت جدا من انك بتشوفي الاشكال دي بره عندك في كندا
يعني هما عايشين براو مع ذلك بيستغلوا الحرية و التفتح اللي هما شايفينه و برضو بيحضوا على الكراهية؟؟
و نرجع بعد كده نستغرب من جيرت فيلدرز لما يقول مش عاوز مسلمين في بلدي
والله له الف حق
احنا اللي نستاهل الضرب لا مؤاخذه
السجال اللي عندك كنت ناوية اخش فيه و اوضح لبسطاويسي رايي ايه
لكن اتشغلت و لقيت الموضوع تطور لايه
فكبرت الجمجمة
ما ه يخربانة خربانة
حنعمل ايه



اهلا شكيب
حظنا حلو انك مسجل المدونة عندك
و اشكرك اكتر انك متضامن معانا و شاركت في الميني حملة بتاعتنا دي
بس بليز بلاش تفول عليا ان او هرطقة و تقول اننا مهددين بالحذف
دي حتكون تاني مرة تتقفلي مدونة و وقتها حنسحب فعلا
نورتني



حسن الهلالي
مش لازم احكيلك حصلي ايه يوم لما اكتشفت ضياعها
قلت لك اني كنت زي اللي من غير بيت
مينفعش البلوجسفير من غيرك يا حسن
مينفعش ابدا


نيسو
معلش متحبطيش
its only tip of the iceberg.
هو احنا لسه شفنا حاجة


فانتا
اتفق معاكي انه متوقع
و يا ما وصلت لحسن تهديدات
بس عارفة
وقت لما حصل الامر فعلا كنت منفعلة اوي و متضايقه اوي
و زي ما بنقول رب ضارة نافعة
اللي حصل ده بين افلاسهم و قلة حيلتهم و انغلاق العقل و المنطق عندهم
خلي عمرو خالد و معز مسعود و بقية الشلة تنفعهم


تحياتي للجميع

Magdy said...

هو دا آخرهم
ضرب.. حجب.. هاك.. تكفير.. عرعره
قمة اليأس و الاحباط
قمة الانحطاط
أرادوها حرباً مفتوحه
فلتكن حرباً مفتوحه
سيزدادون إرهاباً و شذوذاً فكريا
و سنزداد تمسكاً بعقولنا
سنزدتد تمسكاً بحريتنا
سنزداد تمسكاً بديننا.. بإصلاحنا.. بوطننا
و لينصرن الله من ينصره

أبوفارس said...

دليل واضح على ضعف الحجه وأستسهال التدمير بدل البناء والحوار..طبعهم والا حايشتروه يعنى..تحياتى..خالد

Migo Mishmish said...

انا زعلت قوي وميجو كمان مش مصدق اللي حصل للمدونة بتاعه حسن
بس ده شيء عادي ومتوقع واللي عملوه بيبن قصورهم العقلي الشديد لانهم مكانوش هيسكتوا لو كانوا يعرفوا يردوا لانهم ببساطة مسيطرين على معظم وسائل الاعلام انما علشان معندهومش اللي يقوله لان ملهومش منطق فالبلطجة باسم الله اسهل لانها مش محتاجة مخ
Love,
MishMish

The Innocent said...

لو في اخبار جديدة والنبي تبلغيني يا حفصة
تحياتي

ehsanbros said...

كل مرة احاول دخول بلوغ الهلالي يطلعلي البلوج مش موجود, يعني طلعوا مخترقيه اولاد الحرام...

ahmedelsayed5 said...

حقيقة لم أكن أتوقع امكانية تجمع كل هؤلاء السفهاء في مكان واحد ولكني أكتشفت أن حسن الهلالي قد تمكن من تجميع عدد لا بأس به منهم و تأكدت من مقولة أن الطيور على أشكالها تقع و أن البيض الفاسد بيتدحرج على بعضه

و أظن أنك تطلب من الناس ألا يتهمونك بقلة المعرفة في حين أنك أتهمت الكثير بذلك

أنا أتفق معك في محدودية عقل السلفيين و الملتحين أصحاب الجلاليب البيضاء و العقول السوداء

ولكن عليك أن تدرك أنك أكثر منهم ضلالا و فجرا

و أن الفساد المستفحل في البلاد حاليا هو ما سمح لأمثالك بالظهور

أنا أدعو للحرية
كل واحد يعمل اللي هو عايزه بس ميحاولش يأثر على الناس

المتدين حر
والفاسق حر
وأنت حر
وأنا حر
و كل منا مسئول عن أفعاله أمام الله
و لكن لا تحاول التأثير على الأخرين حتى لا تسأل عن أفعالهم أيضا
لن تحتمل هذا
فلا تدعو لخلع الحجاب فليس لك الحق و هذا الا على زوجتك أو أختك أو أمك


و أخيرا لا تفتح الباب أمام أعداء الإسلام ليجعلوك أداه لتحقيق ما يريدون


أرجو الرد
كما أرجو الإجابة على تساؤل يدور في خاطري : حسن يا هلالي ،هل أنت مسلم ؟؟؟؟
أن لم تكن فلا ترد لأنك عندها لن تملك الحق في التحدث في أمور الدين

HafSSa said...

من مبدا اني حرة
و من مبدا ان ده بلوجي
الاستاذ احمد السيد اياك تيجي هنا تاني غير لما تعرف تحاور اللي قدامك و من غير قلة ادب
وجودك غير مرحب بيه هنا و يا ريت لو مشفش اسمك موسخ البلوج بكلامك

hartaka said...

ahmedelsayed5

اعداء الاسلام ؟؟
انت قديم قوى يا ابنى

كل واحد يعمل اللي هو عايزه بس ميحاولش يأثر على الناس ؟؟؟

مش فية اختراع اسمة تنوير ؟
او اصلاح اجتماعى
متقرا مواد الدستور وافهم منها حرية ابداء الرأى
بأى وسيلة مسموعة او مرئية ؟؟


كما أرجو الإجابة على تساؤل يدور في خاطري : حسن يا هلالي ،هل أنت مسلم ؟؟؟؟

مش بتفكرك بحاجة قريتها قريب يا حفصة
:)

عم مينا said...

ahmedelsayed5

انت بتاع ايه اصلاً تسأله هو مسلم ولا لأ؟؟
دي حاجة بينه و بين ربه، انت اشحشرك بقي؟

بحب قوي أمثالك و هم بيعرفوا معني الحرية علي حسب الموقف
"كل واجد يعمل الي هو عايزه بس ما يحاولش يأثر علي الناس"

معني كده ان من رأيك ان الي يدعو شخص الي دخول الإسلام أو سافرة لكي تتحجب ده ضد الحرية؟؟

على باب الله said...

كلنا مع حرية التعبير و كلنا مع حسن الهلالي

الصارم الحاسم....يوما هل أكونه said...
This comment has been removed by a blog administrator.
HafSSa said...

الى الصارم الحاسم
سبق و نبهتك ان وجودك غير مرغوب فيه هنا بس انت البعيد جبلة
متوسخليش مدونتي بشوفه اسمك
و انا مسحت تعليقك عشان مش بحب اصتبح بخلقة مدونتك قدامي
فيا ريت لو يكون عندك الشئ القليل من الاحترام و متجيش هنا او ترد عليا او تبعتلي ايملات قليلة ادب زيك
انا جيت عندك؟ او عمري هوبت ناحيتك؟؟
متفتحش باب انت مش قده، ماشي؟؟
و بكرر متجيش هنا تاني
بتفهم و لا مخك متركب شمال؟؟؟
يلا
وريني عرض كتافك

الصارم الحاسم....يوما هل أكونه said...
This comment has been removed by a blog administrator.
HafSSa said...
This comment has been removed by the author.
الصارم الحاسم....يوما هل أكونه said...
This comment has been removed by a blog administrator.
HafSSa said...
This comment has been removed by the author.
Hassan El Helali said...

حفصه
ذو النون المصري
Wandering Scarab
نبراس العتمه
Nsreen Bsunee
فانتا
مجدي
أبوفارس
Migo Mishmish
The Innocent
Ehsanbros
هرطقه
عمنا مينا
علي باب الله


والله علي قد ما أنا حزين ومحبط من اللي حصل علي قد ما أنا سعيد بإني محاط بأصدقاء وأخوه محترمين ومتحضرين حتي بدون أن نلتقي وجها لوجه

أكتر حاجه فرحان لها هي إن الرساله الأساسيه وصلت... وهي إن الموضوع مش مجد شخصي وإن حسن الهلالي أصبح رمز بغض النظر عن مين الشخصيه الحقيقيه... الشخص بيموت والرمز باق... ومع إني ساعات باغير من حسن (!!!) إلا إني سعيد بنجاحه في حرق دم العدو وجمع الناس المحترمه دي جنبه تحت رايه واحده هدفها مصلحة بلدنا ومصلحة أهلنا ودفاعاً عنها وعنهم ضد الغزو الجاهلي اللي بتتعرض له من سنين

باعزي نفسي بإن الشجرة المثمرة هي اللي بتترمي بالطوب... مانكرش إن الطوبه وجعتني ولكن إذا كان الوجع ده هو تمن إني أعرف إن ليا حبايب كده فأنا موافق علي الضرب!!!ه

تحياتي وحبي لكم جميعاً ولو هرطقه شد حيله شويه... حا نلتقي قريبا علي
حجاب ونقاب وزبالات أخري
ونكيد العراعير

وينكى said...

يانهار
كل ده يحصل وانا مش داريانه
انا كنت فاكره ان المدونات هى مكان الاحرار اللى نقدر فيه نقول ومانخافش
ليه فيه ناس عاوزانا نخاف؟؟
ماتسيبونا فى حالنا بقى
انا ماعرفش حسن الهلالي
لكن يعصب عليا جدا ردة الفعل اللى اتعرضلها لمجرد انه قال كلمة هو مؤمن بيها
وادين الافعال اللا اخلاقيه اللى حصلت دى

Aardvark EF-111B said...

كل سنة و انت طيبة يا صفصف, عمر مديد و مبارك بصحة و عافية ان شائ الله

بيني و بين الثلاثين شويتين و من الان حاسس بتقل الزمن

كان الله في عونك و كفاك شر الصارم البتاع ده

و مصيبة لما تاخد نجاد و الكام خازوق بتوعه

Hassan El Helali said...

أدعوكم جميعا للبلوج المؤقت

http://hegabs-nekabs.blogspot.com/

وقريبا نعود بمساعدة العزيز هرطقه بكامل قوتنا

human said...

اقتباس عن عباس العبد

بنبقى مستريحين ان فى حد بيشيل قرف الى جى من بره و زبالة الفكر الى جوه ,



ياريت الاخ عباس يوضح اكتر شوية
عن نواياة الحقيقية