احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Friday, May 8, 2009

المتامر، الاهبل و البضين


"
السباعي: هذه الخلايا السرطانية المنتشرة في جسد الامة
هذه النفايات و مخلفات الفكر العلماني البائد
هي اس الفساد و سبب بلاء لكل هذه الامة
هذه جراثيم فكرية غريبة عن هذه الامة

السباعي: بل ان الانجليز هنا لهم عادة في الكرسماس ياكلون ما يسمى التركي و هو الديك الرومي

السباعي: اما ماذا قدم لنا هؤلاء المنحلون فكريا ، الممسوخون عقائديا، المنسلخون من دينهم، ماذا قدموا، لم يقدموا الا الخراب، ابواق بوم و شؤم و نذير شؤم،

هؤلاء يجب ان يوضوعوا اما الجماهير حتى
تلفظهم باحذيتها و ببصاقها
"
مش الاخ السباعي بيتكلم من لندن عاصمة المملكة المتحدة البريطاوية العلمانية الكافرة اللي مقدمتش حاجة للدنيا و لا بتحمي الناس ولا هو عايش فيها و بياكل من اكلها ولا بينام في سريرها
صحيح
زي القطط
تاكل و تنكر
و هل معنى ان احنا بنسمي نفس الكائن الداجن بالرومي ان ده استحقار للروم و الارمن بما انهم من ابدع في تصنيع الجبنة الرومي؟

16 comments:

Desert cat said...

التخلف فى ابشع صورة
وبما انى علمانية وافتخر
بقولها باعلى صوتى
طزززززززززز فى السباعى ومن على شاكلته

ذو النون المصري said...

انا باستغرب من امثال من يعيشون في بلاد اوروبا و لا يكفون عن الحديث عنها بانها اس الفساد في العالم رغم اتنهم تركوا بلادهم هربا من الفساد فيها و ارتاحوا في اوروبا لطيب المعيشة فيها
شيء مخجل ان يكون لهؤلاء وزن و كلام له اعتبار

مواطن مصري said...

هيهيهيهيههيهيهي

المشكل ان هو عايش في بلاد الغرب الكافر لول


هههههه الناس دول محتاجين مستفى المجانين

الأغاني للرأفتاني said...

ما يروح يروح لبلده ذات العقائد والتقاليد اللى بتمناها
يعنى ما جبش سيره العدل ولا المسواه ولا الكلام ده
كل اللى طلع فى دماغه هو الديوك الرومى يااخى احه
اللى ذى الاخ السباعى ده عاوز يروح لبيا والله لبيا هتكون مستنيره عن دماغه الظلمه

بيفكرنى وبواحدمصرى هنا فى نيويورك وكان قاعد فى الترابيزه اللى جنبنا فى مطعم انا و خالد (انتى عارفه خالد وادبه الشديد) المهم انا وخالد كنا بتكلم على الانتخابات وان هيلارى لازم تكسب نيويورك لانها كانت السيناتور بتاعها
واتحشر اخينا اللى كان قاعد جنبنا قائلا
وانتوا هتتنتخبوا واحده ست؟؟

فانا بكل ادب قولت له وايه عيبها؟ قالى دى واحده ست

فخالد المؤدب الهادئ قاله اشخرلك ولا تشخر انت
عيبها الوحيد انها واحده ست؟؟؟؟؟؟؟؟؟

اهو الناس دول يا صديقتى ما بيخدوش من البلاد دى غير دولارتها فقط

والله عكرتى دمى

مواطن مصري said...

بس كفاية حكاية التركي
هههههههههههههههههههههههه

على باب الله said...

درءا للشبهات الباطلة .. و الإشاعات المغرضة .. وجب التوضيح ... فهو هناك في مهمة دينية بحتة ... يجاهد في سبيل الله... و يحاربهم في معاقلهم ... هؤلاء و أمثالهم هم خيرة جنودنا و صفوفهم الأولى ... فالعدو من أمامهم و الويسكي من خلفهم

و لا عيب مطلقاً في كونهم يغترفون من خيرات الأعداء .. فكل مُقاتل مُستحق غنيمته

أبوفارس said...

معلش وبجد..قال أيه السباعى ده..؟؟ حد فهم حاجه..لاتوجد جمله واحده لها معنى ولافكره واحده متماسكه أيا كانت..مافيش فكره أستطعت اﻷمساك بها حتى للحوار حولها..زعيق وصراخ وهتاف...بلا أى محتوى..تعرفى ياحفصه أيه اللى أحزننى فعلا وبجد..لو أكملت الحلقه نتيجه التصويت كانت ٧٣% بيقوللوا إن العلمانيه هى الخطر على المجتمع
...هى دى المصيبه
قناعتى تتزايد أن أمامنا حل من اﻷتنين..إما حكم النخبه ووضع اﻷغلبيه الجاهله على جنب وأجبارها على التحديث والتنوير -بلا ديموقؤطيه بلا ميه طرشى- وهو ماحاولته إيران الشاه مثلا..ولاأظن أنها وصفه ناجحه..أو المرور بالتطور التاريخى الطبيعى من وصول اﻷسلامو-دمويين للحكم بجد والنزول إلى الجحيم ثم الخروج منه ولو بعد جيلين تلاته...وده تمنه عالى جدا...
مارأيك..
تحياتى ومودتى..خالد إضافه..أهو تلاقى السباعى ده عايش على أعانه البطاله والتأمين اﻷجتماعى وبيتعالج فى المستشفيات بنظام التأمين الصحى المجانى وكله من دم دافعى الضرائب..عالم لاعندها عقل ولاحياء..يحللوا سرقة مال النبى كما نقول...!!

^ H@fSS@^ said...

قطتي
نفسي الطظ دي تنفع
يا ريتها تنفع
حقف معاكي على ناصية الشارع و نقولها لغاية ما دابرهم ينقطع و نخلص من الاشكال الوسخة دي

نون
انا مش مستغربة و بس
لا
انا حواجبي اتشعلقوا فوق عيوني بجد
مبقتش مصدقة


مواطن مصري
شرفتني في اول زيارة ليك
موضوع التركي ده محتاجله بوست لوحده
انا سخسخت لما عرفت هو شايف التسمية من انهي ناحية
بجد لووولز كتير اوي

^ H@fSS@^ said...

الزعيم الرافتاني
معنى ان خالد يوصل بيه المدى انه يقرر يشخر لشخص
فده كبيرة شوية
يعني انت ولا حتى انا مفهومة
بس خالد يا ناس؟
ده الادب خالد
الاخلاق خالد
كفروا الراجل باين عليهم
سلم عليه
و سلامتك من تعكير الدم


على باب الله
موتني ضحك منك لله يا شيخ
بتتكلم بثقة شديدة اوي
دمك شربات



ابو فارس
لسباعي ده عامل زي الواد منصور ف يمدرسة المشاغبين
مبيجمعش
و عمرك ما حتاخد منه اي كلام عليه القيمة خالص
اللذيذ ان اي حاجة حيقولها القمني مهما كانت عادية
حتبان در مكنون مقارنة بتخلف الحيوان ده
بالنسبة للاختيارات اللي قلتها
فدي بجد مصيبة
انا مع الاختيار الاول لسبب بسيط
ان احنا اغلب شعوبنا مالهاش في الديموقراطية باي شكل من الاشكال
فانا بقترح اننا نحكمهم حكم المستبد المستنير
و نعلمهم و نثقفهم
ووقتها بس
لما العقول تتغير نقيم حد الديموقراطية عليهم
بس حكم اسلامي
لا و الف مليون لا
دي جيموت فيها ملايين و اولهم الستات
و عندك قطة الصحرا انا متاكده هي معايا ف يالنقطة دي
و اذا حصل حكم اسلامي في منطقتنا
فانا ان شاء الله اول النازحين خوفا على مرارتي

تحياتي للجميع

مواطن مصري said...

التركي مش بيقولك العرب تفكريهم في بطنهم مش في عقلهم

abou9othoum said...

مساء الخيرات حفصتنا المحترمة
لقد سيق لي أن رأيت هذه الحلقة التي أصاب فيها السيد القمني مقاتل الضباعي الثرثار
لقد كانت حلقة استثنائية بكل المقاييس
أما عن تنكّر المؤمنين المسلمين جميعا أئمّة و مأمومين ، شيوخا و تابعين فذاك اقتداء بقُلْقالهِم الكريم الذي يقول
و يمكرون و يمكر الله و الله خير الماكرين
فماذا ستنتظرين من أتباع خير الماكرين غير النصب و الاحتيال و نكران الجميل
أبو قثم

^ H@fSS@^ said...

عزيزي ابو قثم
المكر مستحب
و جميل
لكن الخبث هو اللي مرفوض
واللي بيعمله اخينا السباعي قبح الله وجهه خبث ووساخة و قلة ادب


تحياتي و نورتني

عماد said...

حفصه
لن تنالى البر حتى تلبسى الفوطه على رأسك
هههههههههههه
أقصد الطرحه

عماد said...

ممكن إعلان يا حفصه لو تسمحى ؟

أوقفوا ختان الأولاد و ليس فقط البنات

http://www.facebook.com/groups.php?ref=sb#/group.php?gid=37736989287

لو وصل عدد المؤيدين لرقم كبير أقدر أبعت رسالة للمجلس القومى للامومه و الطفوله

The Alien said...

طب إيه يخلي إنجلترا سايبة الأشكال الوسخة دي عندها؟
زلا مستيين لما يفرقعولهم البرلمان وقصر باكنجهام المرادي؟
أنا فعلا مش فاهم هما لما بيسمعوا الكلام دا من واحد عايش عندهم بيسكتوا إزاي

تحياتي

طائرٌ حر said...

بسم الله الرحمن الرحيم..
(رب اشرح لي صدري و يسر لي أمري و احلل عقدة من لساني يفقهو قولي)
الاخت حفصة .. السلام عليكم و رحمة الله و بركاته..
أحييك في البداية على هذه المدونة مش على الأفكار لأني لسه ما كملتش قراية في المدونة.. لكن على جرأتك في عمل مدونة.. و هي خطوة جريئة جدا بالنسبة لي لأني أخدت سنتين كاملتين مش عارف أكتب إيه في المدونة..

ثانيا بالنسبة لحجابك.. إنتي حرة..تلبسيه أو تقلعيه إنتي حرة..ربنا اللي بيحاسب....ده حتى بيسبب حر جامد و خنقة في الزحمة و الحر بتاع بلدنا.. و العلماء لما قالو إن الحجاب فريضة..ده معناه إن ربنا فرض.. و ليس العلماء..و بما إن ربنا غفور رحيم فهو أهل للمغفرة..بس مش عيب مع كرم ربنا معانا إننا نقوله لا يارب إحنا مش مقتنعين بأوامرك ؟


المهم خلينا في السباعي و القمني..بالنسبة للسباعي فللأسف الشديد أقول..إن "بعض" مآخذ التيار الليبرالي على الإسلاميين صحيحة.. و هي و إن كانت من باب التفتيش عن العيوب الشخصية التي لا يخلو منها إنسان لكن للأسف يوجد في التيار الإسلامي من يتسبب بجهله في تشويه صورة الإسلام..و بالطبع أعيب عليه كما أعيب على السفلة الذين يأخذون سقطات الناس و يتهمو بها فريق أو تيار كامل.
و لو سلمنا بهذه النقطة لجاز أن نقول على المسيحيين كلهم شواذ كالقساوسة أو مهووسين بالجنس كالراهب المشلوح إياه..

أو نقول على التيارات الليبرالية أنهم يعملون لمصلحةأعداء الوطن لمجرد تبنيهم فكرا غربيا مختلفا و مغايرا لثقافة و سلوك و طبيعة الناس في بلادنا..أو نقول أنهم شاذون جنسيا لأنهم يرون من حقوق الإنسان التعبير عن "هويته الجنسية" بغض النظر عن نوعه .


ثانيا بالنسبة للقمني و غيره من مفكري الحداثة و مخرجي ال....... الفكري أقول لك ..إذا لم يوخذ الفقه و العلم من علماء الأمة الذين لا يشتبه فيهم بعلة قادحة فممن يؤخذ العلم ؟

هل نأخذ العلم و تفسير القرآن و الحديث من سيد القمني أو من عم عبده البواب أو غيره لمجرد أنه قرأ كتابين فظن نفسه مفكرا ؟

هل تعلمي أنت و زوارك الكرام شروط الإجتهاد في الفقه ؟

هل تعلمي أصول الدين و فروعه ؟

هل تعرفي أسباب النزول و احكام الناسخ و المنسوخ و أحكام و علوم الحديث و علم الرجال (الرواة) و نقد السند و نقد المتن ....الخ من العلوم الشرعية؟

إذا كان مبلغنا من العلم أننا نستطيع القراءة و الكتابة.. و قرأنا كتاب من هنا و كتاب من هناك..و لنفرض أنهم لكتاب معتبرين.. فهل قرأتي وجهة النظر الأخرى ؟

إن الإسلام اليوم هو الدين الوحيد المفترى عليه و على تاريخه و تشريعاته و أهله ؟ فلماذا نشارك في هدم ديننا ؟

كفانف قراءة في كتب المستشرقين و من تبعهم بإساءة إلى الإسلام و خلونا نسأل أهل العلم..

ندخل هنا إلى باب جديد من أبواب الجدل.. أخد العلم ده من علي جمعة و لا الشيخ سيد طنطاوي و لا من محمد حسان و لا محمد حسين يعقوب و لا عمرو خالد و لا مين ؟ ثم كل دول مش عاجبيني و فيهم القطط الفطسانة ..أعمل ايه ؟

إسألي الناس ..و اسألي العلماء مين كويس.. و شوفي مين يخلو من العلة القادحة (عيب شديد أو مصيبة أخلاقية أو متهم في دينه أو شرفه بغش أو خيانة أو سرقة أو قبول الرشوة في الدين) و دوري عليه..

العجيب يا حفصة إننا نروح للدكتور علشان عندنا برد و كحة و نخاف نسأل حد تاني يفتينا غلط..و مع كده ما بنخافش نخش في الدين و الفتوى رغم إنهم أخطر مليون مرة..

العجيب إننا نتكلم في الدين و كأننا ولدنا فقهاء علماء و كأن الدين إحنا اللي نزلناه مش ربنا و كأنه هيمشي على مزاجنا.. و نزعل و نتنطط لما حد يقولنا على إن الدين رأيه غير رأيك.. و نتهمه و نتهم الدين بالسطحية و التخلف و الرجعية..


لك و لكثيرين أهدي كتاب الشيخ يوسف القرضاوي (اللي أنا شايف بالنسبة لي انه عالم مجتهد و فقيه موسوعي و يخلو من العلة القادحة)

من فقه الدولة في الإسلام.

و أسأل الله أن يعجبكم .
طائر حر