احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, January 14, 2007

المرثية الاولى







يقال انه و في نهاية اليوم الاليم ،و التي لم تعلم نهايته بنت البنات المساكين، فوجئت الشابة بهروب مدونتها الى الجحيم، و نزلت دمعتها على خدها الحزين،فدهش شهريار بقلبها الصغير، و تحسرت على كلامها الذي طار في الهواء المفترض انه تكنو حديث، تأوهت و تعبرت و تحسبنت كما لما تتحسبن من قبل، واساها الاصدقاء لكن ما جدوى لوم الميتين، فكفكت دمعها و بدات تخط بقلمها ،لعلها تجد خلقا لترثي مدونتها، و التي بكل اسارارها كانت على علم عليم، مين اين لها ان تجد حروفها التي طارت في ليل بهيم،و حتى اذا وجدتها فلا قيمة لها من دون تعليقات القراء و المحبين،و جلست ، استجمعت قواها او ما تبقى منها بعد هول المصاب الاليم، و وجدت القلم يحرث حرثا لكنه ليس بالبهيم، و انتهت ان كل شئ موجود و لكنه ليس على ما يرام الى حين... و انهالت منها اللعنات و هي لم تكن لتتوقع ابدا ان يخرج منها هذا الكلام القتيم، و لكنه الحزن و ماله من مرار مثل العلقم المبين



ف اااه ثم ااااه ثم اااه على ابنتها التي لم تكن لتتم بوستها التاسع و التسعين و ثلاثة شهور من ذوي الثلاثين

المرثية الاولى

الا افلعنة الله على التدوين
ما له من صديق و لا يحزنون
غدار جبار اثيم
وغير ذلك فهو لئيم
نكتب نحن فهم يمسحون
لا مراعاة لاخلاق و لا لسنين
فحسبي الله و نعم الوكيل
حسبي الله و نعم الوكيل
ما لهم هم الا التنقيح المخلول
فكل فترة يغيرون
فيشقلبون حالنا و ما لهم علم
و ما لا يعلمون
تركوني بدموعي و قهري
فلا فرح لهم الى يوم الدين
الهي ادعوك ان تمسح البيتا و البلوجر و كل مواقع التدوين
فتدخل عليهم بكتيريا لا مضاد لها و لا يتطيبون
فيعلمون انهم في حقي ملومون
و انهم قد اضاعوا احلى كلمات عقلي المخزون
و انهم قد فرقوا جمعي و ببدوا شملي
فمنهم لك وانت خير المحاسبين
طردت من وطني
اخرجت من مكاني
و حتى تدويناتي قد اغتصبت امامي
فماذا يراد مني و كل ما لدي قد اصبح ركاما
افحتى التدوين ما لي فيه نصيب و لا مقسوم؟
حسبي الله و نعم الوكيل
حسبي الله و نعم الوكيل

35 comments:

zenzana said...

تعازيه الحارة يا حبيبتى، حلا هلم فارس ، وتوتا، وشهروزتى حبيبتى، واوسا والواد عمر، اللشلة كلها ونيجي نندب ونقري قران ونطلع صدقة كمان، اه نسيت الواد جرجس، بما انه ابو النكد اليومين دول، هيجي هو يقرا عدية ياسين فى ابن المشعارفة ايه اللى عمل في البلؤ بتاعك كدة
وانتىكمان يلا البس اسود، وارقعي بالصوت الحيانى من اليو اس ايه لحد امبابة والعمرانية بالذات شارع التلاتيني يمكن الواد دا يصحي
يالهوى يا سبعب، يا جملي يا بلؤئى
يا خرابببببببببببب بيتك يا حفصوتشا يا اختىىىىىىىىىى

Anonymous said...

أقولك إيه يا حفصة
معلش يا ربنا كبير و السبب في كده ربنا هاينتقم منه
المهم عايزين البلوج الجديد يبقى جامد زي اللي فات كده

هو إحنا هانطلع عليه إمتى

yasser_auf said...

يعني اسيف انهي عنوان صفحة ليكي دة و لا القديم
و لو دة فين القديم راح فين و جرالة اية

عموما لكي خالص العزاء و لنا الصبر و السلوان

انحلت سيور العربه وسقط المهر من الاعياء said...

حفصه

مش عا رف اقول ايه
فعلا انا اعتقد انى اكتر واحد حاسس بالم
لانى شفت المدونه دى من وهى فى الميلاد
وشفتها لما بقيت صبيه وع وش جواز واتلم حواليها العرسان وكانت احلى عر وسه كنت لما احس انى عا وز ارتاح اجى هنا عندها
وبكيت لما جيت ولقيتها ماتت من غير ما تبص علينا نظرة الوداع

عا رف اد ايه هى غاليه عليكى وهى غاليه علينا اكتر لانها بقيت قطعهمننا زى روحنا اللى ساريه فين

بس نقول ايه
ما دام فيه حفصه يبقى اكيد اللى جا ى احلى

وحفصه هى عنوان الجما ل والصمود
تحيا تى
وربنا يستر

Yasmine Adel Fouad said...

حسرة عليها يا حسرة عليها
ثم انتى اكمنك محروقة
بتدعى على كل البلوجات
ليه كده بس
بدل ما تقولى بعد الشر ع اللى بيقروا


_________

معلش محدش بياكلها بالساهل
بس ايه سر حالة الهذيان يافندم ؟

hurricane_x said...
This comment has been removed by the author.
hurricane_x said...

that's a total loss I know :(
try this link, and if it didn't work, u can try blogger help group.
http://help.blogger.com/bin
/answer.py?answer=41973&topic=10428

Hamed Ibrahim said...

كنت أتممنى يكون أول رد ليا هنا في ظروف أحسن من كده !

بالتوفيق في المدونة الجديدة
وبالصدفة لقيت أنا حرة موجودة هنا كمان

يا مرحب بيكم كلكم !

abourrisha said...

العزيزة الجميلة \ حفصة
أرجو أن تتقبلي خالص عزائي في مصابك الأليم... وأن يعوضك الله خيرا مما ذهب...
لقد جئت هنا لأشكرك على كل كلمة تشجيع كتبتها عندي , فوجدت الكل يرتدون زي الحداد وبيشربوا القهوة السادة, يحاولون مواساتك ...
ها أنذا أقدم تعازي الحارة ....وأتمنى ألا تمنعك ظروف الحادث الأليم عن زيارتنا

Racha Khoury said...

معليش يا حفصة يا جميلة نحن نذكر كل ما كتبتي والله العظيم انا فاكرة لما كتبتي البوست بتاع لو البلوج راح حتعمل ايه انتي كنت حاسة ..بس انا مش فاهمة ايه الي حصل!!! انت كنت بتغيري حاجه واتمسح

بس ولا يهمك يعني ارجعي اكتبي كأنك بتعملي جزء تاني

واحنا معاكي يا جميلة
وفي انتظارك

ام العيال said...

it is all writen in our heart
dont anoy ur self nothing deserve

mabrouk 3ala el blogge el gedded

مُزمُز said...

البقاء لله يا حفصة

أنا شخصيا قبل ما اكتب أي حاجة عالمدونة باكون كتبتها أساسا على الورق لإن الإلهام مبيجليش إلا عالورق

وبعدين آدي آخرة التكنولوجيا مالها يعني الكشاكيل السلك والأقلام الروترينج التلاتة مللي

مراقب مصري said...

ما كانش يومك يا حبيبتييييييييي
دانا كنت دايما أقول يجعل يوم بلوئي قبل يوم بلوئك
واهو بلوئك راح ف الوبا وحصل هنادي
الله يرحمك يا هنادي
بس ولا يهمك
عندي ليكي سبعة وتلاتين بوست كاملين وبصورهم من بوستاتك العبقرية الفذة
وفي رأيي أننا لابد أن نجتمع لنصلي على روح البلؤ صلاة الغائب على أساس إنه مش باين له حتة جثمان طاهر نواريه الثرى أو حتى نوريه النجوم ف عز الضهر
يلا إييييييه دونيااااا
إعتبريه كان بلؤ هندوسيمن اللي لما بيموتوا بيحرقوهم وينثروا رمادهم في الهوا... بلوئك دا مات شهيد وإلى جنة الخلد جنب المجرم الراحل صدام حسين
وأشهد إن بلوئك عاش شجاع ومات شجاعا وواقفا
لآخر لحظة كان يصرخ بعروبة فلسطين ويطالب بجزمة ع المقاس لكل مواطن ويحلم بيوم فرحك ويتحدث عن الأنثى المنسية

رحم الله الفقيد الراحل وألهم الأسرة الصبر والسلوان والحمد لله اللي خلف ما ماتش
واهو ابنه طالع حلو وزي القمر وأحلى منه كمان
اكتبي انتي بس وامليه كتابة وليكي علينا إحنا نقرا ونعلق ونعمل له دعاية مجانية كمان

عمر said...

..شدي حيلك يا أختي أهو دة حال الدنيا

وعلي رأي الشاعر

ولإن كان فارسا يوما مضي
فيه السطوع السفح في الأولي
فلإن شحبت لأي نحلة تلسع
شيم الوضيع أن يضرب ويفلسع


آه والله

tota said...

حفصة
متزعليش من فضلك
انت من يخلق الكلمات والتدوينات وليست هى
فان ضاعت فانت ما زلت هنا تصنعين تدوينة اخرة وكلمات احلى

ولا عزاء لكلمات طالما صاحبة الكلمات باقية
تحياتى

ذو النون المصري said...

انا حزنت لاجلك و الله العظيم انا لما باكتب كلمتين و يضيعوا مني باحزن و حتي امي الفلاحه البسيطه مره سمعت في الاخبار عن مقتل بعض الفلسطينيين (قبل بداية ماساة العراق)علقت بكل بساطه و قالت :الواحده لما يموت لها فرخ بتزعل عليه......
المدونه كانت رائعه جدا و كما يقال اذكروا محاسن موتاكم انا اذكر قصيده اعجبتني عندك و كان اولها افصحت البنت التي و قالت هذا محرابي ....الخ
كلماتك فيه كانت رائعه يا ريت تحاولي تفتكري ما كتبتيه هناك
..................................
ملاحظه حاولت افتعل الحزن لكن منه لله الحاج جرجس مش قادر اكتم ضحكي من كلامه

ذو النون المصري said...

في اخر تعليق كتبته قبل ده كتبت بعده انا خلاص فهمت الفوله و مش معلق تاني
التعليق الجديد فكرني بالمرحوم القديم قلت وفاءا بحقه اكتبه تاني

ذو النون المصري said...

دا بيظهر من ول مره ما خدتش بالي

lastknight said...

بلوءك المناضل راح شهيدا لمعركة بلؤاتنا ضد الأمبرياليه الصهيونيه العالميه .. أن معركة البلؤات التقدميه الباسله لن تتوقف .. و سنحارب حت آخر بلؤ ..يا بلؤات العالم اتحدوااااااا

فارس قديم من أقصى اليسار
_________

أنا لله و أنا اليه راجعون .. الموت علينا حق يا أخت حفصوتشا ..لكن بلؤك راح شهيدا .. أى و الله شهيدا فى معركة المجاهدين من البلؤات المؤمنه ضد الكفره و الملاحده .. و اذكرك يا أختاه بمقولة شيخنا الجليل أميرنا المفدى بن لادن كرم الله وجهه عن الشيخ كورع ابن عسكه أن من مات له بلؤا فاحتسبه عند الله فهو و بلؤه فى الجنه

فارس قديم من اقصى اليمين
____________

اجتمعت لجنة السياسات حيب توجيهات السيد الرئيس و بعد مناقشات مع كل التيارت و التوجهات الغير محظوره , قررت الهيئه العليا للحزب الوطنى تشكيل لجنه فنيه لفحص البلؤات كلها و العمل على أزالتها بعد نجاح تجربة تفجير بلؤ المدعوه حفصوتشا المحظوره ,و قال بيان الداخليه أن البلؤات هى نشاط غير دستورى و ظاهره ضاره بالمجتمع حيث أنها تستخدم فى شم الكلله بدل الكوز و قد قرر محافظ القاهره أزالة أكشاك البلؤات كلها و منع التصريح لأى بلؤات جديده .. هذا و من جانبه أكد الدكتور زقزوق فى بيان مشترك مع فضيلة الأمام الأكبر و قداسة البابا أن البلؤات رجس من عمل الشيطان , و أن عمل بلؤ يستدعى الأغتسال مع استمرار عدم قبول الأعمال لمدة أربعين يوما
و قد ناقش مجلس الشعب فى جلسته المنعقده أمس طلبات الأحاطه المقدمه من الساده النواب و طلباتهم بقطع الميه و النور على موقع البلؤات الأصلى للتصدى لهذه الظاهره الضاره

فارس الحزب الوطنى
____________


انتى هاتعددى ؟ و انكسر ؟ و اتعوج ؟ هى ناقصه نكد ؟ ماجرجس قالك هايبعتلك نص مقالاتك اللى قبل كده و احنا ربنا يكرمنا و نعلق عليها تانى .. يبقى خلاص .. خلينا بقى فى الجديد و الحى ابقى من الميت .. ألا انتى طابخالنا أيه النهارده ؟
فارس قديم

مُزمُز said...

تعليق كمان يا حفصة معلش استحملي رزالتي أصلي بحاول أعوضك عن التعليقات بتاعتي القديمة رحمها الله وشبشب سايدبارها
ههههه

لا صحيح أنا جه في دماغي أسألك سؤال فلسفي محوري وجودي درامي ديني سيكولوجي

هو انتي مؤمنة بالحسد والكلام الفارغ ده؟

أصلك لو مؤمنة بالحاجات العظيمة دي يبقى أنا السبب في وقع البلوج عشان حسدتك في البوست بتاع الفرح فاكراه؟

ولكني ومن موقعي هذا أؤكد لك أنني لم أحسد بلوجك الكريم ولم أحقد وأنني أساسا غير مؤمن بالحسد وخلافه ولك تحيات دار الإفتاء المصرية

سلامو عليكو

zenzana said...

كلاكيت عاشر مرة، يا ذو النون يا حبيبي

افهم بقي وبلاش تقع ف الترعة تاني، هى حفصة فهمت انك ممكن يكون لك سبب غير مباشر ف استشهاد البلؤ، بما انك كل مرة تسأل نفس سؤال النهاردة، فقالت ايه؟ ارحم ذو النون وينوبنى فيه ثواب، والغي التحكم ف البوستات، فهمت خلاص بعد كدة مفيش داعي تعلق خمشتاشر مرة، وتقع مننا ف الترعة، واطلعك انا كل مرة.

فارس انت هلكتنى من الضحك، بس فين فارس الليبرالى (لا مؤاخذة)، بعد اقصي اليمين واليسار، وكمان حزب احا اوبس وطنى، كان نفسي اعرف

جرجس امتى هتأم الصلاة بس عشان اعمل حسابي، اصلي بعملها مواسم
هههههههه

Anonymous said...

ليه ده حصل ........؟؟؟؟

يصبرك

صبرك عالى

معلش الهم أنك رجعت بالسلامة
ورجعت تقولى كلامك

عارفه أنى بحن للمدزنة القديمة!!وحشنى كل شىء فيها
متصوتيش ولا خحاجة ولا تعيطى ولا تلبسى أسود ...عشان تعرفى تملى المدونة الجديدة ألوان حلوة ...زى ما كنتى عاملة فى القديمة


..............

بس حلو أوى الدعاء الأنتى كتبتيه


ربنا يأخد بإيديك يا بنتى

^ H@fSS@^ said...

اشكر كل من واساني او بعث ببوست تعزية

اللهم اني لا اسالك رد القضاء و لكني اسالك اللطف في

لا اراكم الفضاء مكروها في بلوج لديكم

الحق اقول لكم اني ما زلت ملتاعة نوعا ما و افكر جديا في عدم التدوين او حتى التعليق الا للشديد الاوي

بعد فقدان الابنة البكر يصعب نسيانها بهذة البساطة

الا افلعنة الله على التدوين

تحياتي

قصاقيص said...

حبيبتي حفصة
سامحيني اتاخرت في المواساه وتقديم التعازى عن اللي حصل والله ظروف الامتحانات
عموما يمكن تكون نقطة بدايه جديدة لانطلاق اجمل ومعلش ربنا ع الظالم والمفتري
وحاولي تكتبي اللي فاكراه م اللي فات علي قد ماتقدري
واكتبي جديد تاني وخلي المدونة تنور بيكي
قلبي عندك.....وربنا يستر.....ما انتي دعيتي ع المدونات بالطاعون البلوجري ربنا يستر علينا
الدور الدور الدور الدور يامدونة ياللي عليكي الدور

ذو النون المصري said...

حفصوتشا...!!!!هو مصطفيتش ده عنده كم سنه ؟؟؟؟الواد باين عليه طالع الله ينور عليه و يصونه واخد من امه و البلوج بتاع امه حاجات كتير انا فكرتك انتي مملياه الكلام اللي قاله فقلت اشوف هو كم سنه؟؟؟

hosnysoliman said...

فعلا حاجة تقرف وتزهق..ربنا يكون فى عونك ..والحمد لله انه ادانا نعمة النسيان شويه شويه لما المدونه الجديده تشد حيلها حاتنسى اللى فات وان كانت صحيح من المدونات الجميله..ولكن الحمد لله اتسمتعنا بيها باذن الله نستمتع اكتر بالجاى..وهما ساعات بقولوا لاعزاء للسيدات يعنى ايه؟..هما ما يجوش يعزوا..ولا هما اصلا لما يضعلهم بلوج ما يتعزوش؟..ولا يهمك..كله بيروح وبيعدى ولكن ايكى ان انك تفكرى تسيبينا..دى تبقى خساره لينا

alnadeem said...

إنا لله وإنا إليه راجعون يا حفصه
كلنا لها
في الجنه ونعيمها ان شاء الله

Anonymous said...

و ماله
احلى شئ انك تبدئي من جديد
قبلاتشي
كلبوزة

albida said...

حفصوصة
هو ايه اللى حصل بالظبط يا بنتى؟ أنتى جتى فجأة كده ملقتيش المدونة؟
:(

manal

Rikka said...

طيب هو عدا 3 ايام بس الواجب واجب برده ... تعازي القلبية و العقلية ليكي .. عظم الله أجرك يا حفصة على قولتهم .. ما نجلكيش في حاجة وحشة يا اختي و ان شا الله تكون اخر الاحزان .. و انا بطالب زي رويتروزة نيااهاا بتحقيق كافي و وافي عن هذه الفعلة النكراء التي يقشعر لها البدن و يشيب لها شعر الوليد حتى و ان تتطلب الأمر اللجوء لمحاكمة دولية لهذا المجرم عتيد الاجرام ... لن نقبل ان يكون مجهول بعد الآن ... لعنة الله على اللي عمل العملة السودة ده و زعل ست الهوانم .. الله لا يوفقك يا بعيد و يبعتلك حمى قولوا آآآآمين

zenzana said...

ليه كدة بس يا مصطفيتش؟ برده هو احنا عملنا لك حاجة بتدعي على البلؤات بتاعتنا دا احنا اهو مع مامتك وشغالين ندب عليها و على البلؤ من الصبح.
شكلك كدة طالع لابوك، (اللى لسه حفصة متعرفهوش بما انها كانت واكلة فنكوش هيمة ف الفضاء الالكترونى).
مصطفيتش سمعت انك من امبابة، شكلك كدة يا ارض الجمعية، او المنيرة، حدد عشان اجي اقفل البلؤ بتاعك.
خالتك راندا (بهزر)احسن تكون طالع لامك حفصة لازم اعمل لها كلاكس واقول انى بهزر.

ايوا يا سي ذو النون، شاغل نفسك ليه يا روحي بسن مصطفيتش انت ناوى تخطب امه حفصة؟
اطمن يا سيدى، دا ابنها ف الفضاء الالكترونى، وحفصة اصغر منك اذا كان دا يهمك، لو ناوى مستعدة اتوسط لك اصلي بشتغل خاطبة ومعددة، ومليفاتية وشوبش
انا بس جاى اهدى النفوس

كلبوزة لكن سمباتيك said...

حفصة يا سكرة
فكرتيني بفيلم الانسة حنفي لما كان اسمه ايه ده بيقول
بس لو كنت اخدت الوصل
يا بنتي كل بوست تنشرية ارسليه على ايميلك و سيفيه في الميل في فولدر لوحده
و عموما اللي حصل ده اكيد حد اخد الباسورد و عمل ديليت
يلا عسل خير
المهم انت بخير و وسطنا
بحبك
امووووووووه

Anonymous said...

معلش يا حفصوصتى
البقاء لله
انتى اكيد وصلك نفس احساسى لما مدونتى القديمه ماتت برضه
بس ساعتها كنت انا الغلطانه
هيييييه ياللا
ماحدش واخد منها حاجه
تحياتشى يا اوختشى

DantY ElMasrY said...

ذلك البلوج كنا رواده
نقرأونعلق كيف نشاء
كم تعارفنا وتحاورنا حوله
كيف بالله أصبح أشلاء

DantY ElMasrY said...

ذلك البلوج كنا رواده
نقرأ ونعلق كيف نشاء
كم تعارفنا وتحاورنا حوله
كيف بالله أصبح أشلاء