احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, January 20, 2007

ذكريات ماتت من زمان


بُعثت ذكرى من قبر مخيلتي
اعتقتها توفت الى الابد، الحقيقة لم اتذكرها بالمرة و فوجئت بها تزورني بكل حيوية مع العلم انها تفتت الى رماد و اخلطت بهشيم الارض فذروتها امواجي
و لكن لم تاتي على صفحات بحر عقلي الهائج؟؟؟
تذكرت صديقة لي، او هكذا اعتقدتها، كنا متقاربين، او هكذا احسستها، كم كنا متفاهمين، او هكذا ظننتها، كم كنا متحابين و متوائمين، او هكذا تخيلتها. الآن اتذكركيف يتحول الحال الى حال
كما الماء التي كانت رقراقة في جدول مياة غدير و من ثم تصبح ثلجا لا يلين؟؟
اتذكر اول سنة لتعارفنا، بكيت عند انتهاء السنة الدراسية حزنا على فراقها فقد كانت هي صديقتي الوحيدة ، اتذكر كيف كان والدها رحمة الله عليه دائم السؤال عني و دائم الرعاية بي و توصيلي أي وقت ياتي لتوصيلها هي ايضا و لكن شعرت به والدي انا ايضا، كيف تغير كل هذا الى لا شئ البته؟!!؟؟؟
كيف يمكن للمرء ان يعمى عن من امامه من بشر و يعتقدهم ملائكته فيصحو يوما ليجد انهم كانوا من مفارقيه..... كيف يكون حال عدم الافتراق و المصاحبة و من ثم ياتي حال البعد و الجوف ..... كيف تتحول لحظات المكالمات الهاتفية اليومية، مع العلم انه سوف يكون هناك لقاء في غضون ساعات، الى قطع للعلاقات بشكل بارد و رسمي وصولا الى الامتناع عن الاشتراك في أي مناسبات اجتماعية شرها قبل خيرها
توفي والدها و عرفت بالخبر من صديقة مشتركة
جزعت و تملكتني غصة، ماذا انا فاعلة لارد جمائلة الجمة علي؟؟؟؟
هل تكفي قراءة ايات الرحمة و النور و اهداءها الى روحة الطيبة؟؟؟ اسيكون راضيا عني اذا علم اني متجافية مع اعز بناته؟؟؟ لكن اعلم هو الصورة الحقيقة للحكاية؟؟؟
تزوجت هي
فرحت لها مع العلم اني كنت اخر العارفين و لم اكن من المدعويين، حسنا كان متوقعا، فلم اتفاجأ. اجتمعنا في العمل مرة ثانية و لكن كانت وجوهنا تعلمت الضحكة المجبسة برتوش ما يسمى اخلاقيات العمل و التعاون الواجب بين اقسام المؤسسة حتى تعم الفائدة، صراحة كنا على اعلى قمم الاحتراف ، لم تعد هناك براءة تعم بساطة الحديث، اصبحنا نتحدث في أي موضوع و لكن على شكل حديث صحفي ، أي تصريح و لكن لا معنى له، كلام لكن لا يعنني و لا يعنيها في شئ، نعتقد اننا نتهامس باسرار و لكن افيق على لحظة بسيطة تذكرني بغرابة المعاملة قبل سنون قليلة فاتت، فاتعظ و الا فلن اكون مؤمنة، اغفر كثيرا لكني لا انسى، هكذا انا، هكذا هي تحكماتي الفلكية ، انا ارحم من العقرب، لا ينسى و لا يغفر، و اقوى من الحوت، ينسى و يغفر هذا اذا تذكر مبدئيا من موجعه فيضيع حقه بعد فترة.

لماذا تذكرتها في هذة اللحظات؟ و ما هو حالها الآن؟؟ و كيف هي؟ لي طريق منه استطيع السؤال عنها و على حالها و لكن لم؟ اعلم الآن ان لها طفل او اثنين، ليست سعيدة بحالها كزوجة لكنها متزوجة و هو في نظر مجتمعنا شئ محمود، اعتقد بالنسبة لها تشعر انها حققت احلامها، تخرجت من جامعة، اشتغلت في مؤسسة كبيرة و مشهورة عالميا ، تزوجت، اصبحت من ربات البيوت و السيدات العاملات، اصبحت ام و مربية، اصبحت لها دائرة معارف، اصبحت ذات منصب في نفس المؤسسة، اصبحت و اصبحت,.....

اصبحت انا ايضا، اصبحت على الكثير من الاشياء لم يكن لاحد ليتوقعها لي، فالجميع كان دائم الاستهزاء بقدري و التقليل من شان عقلي فقد كانت درجات المواد في الجامعة هي المقياس، لهم طبعا و ليست لي، لا مقياس حتى الآن مخلوق ليقيمني و يشهد لي بشئ، أي شئ

هل هناك معنى اذا كانت هي تذكرتني ايضا في مثل هذة اللحظة ..او حتى في أي لحظة اخرى

لا
لكنها ذكرى قررت القيام من بين اموات ذكريات اُخر لي
مجرد ذكرى لا اكثر و لا اقل لها
مجرد درس لي لا اكثر و لكنه اقل ما يوصف انه موجع و ايضا مفيد و ما بينهما حياة
تلقفتني رياحها فزعزعت مفهومي عن الصداقة و عن ثوابت الامور

لازمة اخيرة
هي هواء
انا ماء
منتهيين بهمزة و الف ، مبتدئين بهاء و ميم، فهمنا كان مشتركا اما
اليوم فلا هموم و لا ضحكات، فقط ذكريات توفيت واترحم عليها
وحدها الذكريات خالدة خلود البحر و الهواء
*****************************************************
الصورة الابداعية اللي فوق دي من خالص موهبة المدونة لله
فمش محتاجة اوصيكوا بحقوق النشر و الكلام ده و عيب اوي لو حد اخدها نشرها من غير ما يكتب المصدر اللي هو انا
بس يعني للتذكير
ههههههههههههههههههههههه




23 comments:

ذو النون المصري said...

حفصه هانم انتي تحدثتي عن شيء تقريبا دائم الحدوث للكثيرين من الناس ،و انا شخصيا كثيرا ما اقابل شخصا فاذكر وجهه و اذكر جيدا انني اعرفه لكن لااذكر لا اسمه و لا من اين اعرفه،الايام هي مدرسنا جميعا منها نتعلم و نجرب فيها كل حياتنا ،و اعتبريها تجربه،انا ايضا عرفت ناس و نسيوني و انا ايضا نسيت ناس اخرين ،،،الدنيا بتغير الانسان و بتحول الانسان الي انسان اخر
الاهتمامات تغيرت فشلة الاصحاب لازم بتتغير
لكي تحياتي

ذو النون المصري said...

علي فكره يا حفصه ابن النيل ده يبقي ابن عمي ،عارفه ده يبقي معناه ايه!!!!!؟معناه ان النيل يبقي عمي

ذو النون المصري said...

علي فكره انا حفظت الصوره اللي في البوست تحت عنوان من ابداعات حفصه

^ H@fSS@^ said...

ذو النون
هو انت لازم تعلق مليون تعليق في المرة الواحدة؟؟
ههههههههههه
مش مشكلة بس خفت لحسن تكون لسه فاكر اني حاطه تحكم و مصر تشوف تعليقك الاول يعني


ابن النيل
مظنش اني انا و هي حيكون بيننا اي مشاعر
هي بالنسبة لي صداقتها ماتت من زمان
انا بس كنت بتكلم عن تجربة و ذكرى ماتت
هو ده عنوان البوست


ذوالنون تاني
احتفظ يا سيدي زي ما انت عاوز
و بعدين صحيح تعالى هنا
انت ليلتك سودا
ايش معنى بقى يا خويا حاطط الرابط بتاع مدونة سوسة و الباقي لا
للدرجة دي متتشرفش بينا و لا ايه يا خويا؟؟؟؟؟
لا اصحى كده و شوف روابطك عاملة ازاي و صلحهم

ذو النون المصري said...

ابدا يا ست حفصه انا يدوب لسه بجرب وضع المدونات الصديقه و لسه هكمل المجموعه كلها انشاء الله لكن بس مكنتش عارف ازاي اكمل المجموعه و خلاص عرفت في الغد هجرب اعمل كل المجموعه

ذو النون المصري said...

بالمناسبه انا كنت عاوز اي نموزج لاي رابط صوره و اخر صوت علشان اعرف اكتب النموزج اللي انا عاوزه لاني مش عارف نص الرابط بيكون ازاي

^ H@fSS@^ said...

ذوالنون
انت شوية تقلي الست حفصة و شوية السيده و شوية الهانم
ايه حكايتك بالظبط؟؟؟
داهية لتكون فاكرني ست كبيرة فعلا!!!؟؟
مصيبتك سودا
قلي حفصة على طول يا شاطر

بالنسبة لرابط الصورة معرفش اجيبهولك منين و اعتقد اني شرحتلك الموضوع قبل كده لكنك عادي مش مركز معانا و مطنش النصايح
بالنسبة لكود الاغنية فلازم اشرحلك في بث حي و مباشر ازاي تحطه و فين تغير الاغنية نفسها
و لذلك حرجع و اعيد عليك اقتراح شهروزة و هو انك نضيفني عندك على ياهو مسنجر مثلا او تبعتلي ايميل بالهوتميل بتاعك و اضيفك و اشرحلك الموضوع
غير كده مقدرش
لازم الشرح يكون لايف
ماشي الكلام ولا اعيده؟؟

شرفني دايما انت و ابن عمك
و فعلا اللي النيل عمه ميتضربش على بطنه
ههههههههههههههههههههههههههههه

سلام

tota said...

العزيزة حفصة
ما قلتيه هو الواقع المتكرر فى الحياه والذى ينتهى بكونه ذكرى محفورة فى صفحة صفراء من كتاب الذكريات المخزون فى العقل
كل يوم تضاف ذكرى جديدة مختلفة لنا لكن هى متكررة عند كل الناس
هكذا هى الحياه يا عزيزتى لا يبقى شىء على حاله
ونهتاد الالم ولا ندركه من فرط تكراره
هونى عليك يا عزيزتى

هى الحياه

basma saghir said...

حصلت كتير جدا معاكي ومعايا ومع غيرك
ولسة هتحصل كتير ببساطة لان الحياة كدة
لقاء وفراق مفيش لقاء بيستمر ومفيش فراق بتستمر
يمكن متعرفيش سبب الفراق..يمكن الجفاء او يمكن مكنش في لقاء فعلي من الاول يعني بتتقابلوا جسديا بس لكن الارواح بعيدة عن بعض بمسافات
هتجيلك لحظات هتشتلقي فيها لذكريات انها ترجع تاني بس صدقيني اللحظات هتعدي

سلامي ليكي وعايزة اقلك ان البوست ده لمسني جدا لان عندي من الذكريات دي الكثير

albida said...

هيييييييه... وحدوه!! هى الدنيا كده يا بنتى.. أول ميحصل شرخ فى أى علاقة بين اتنين استحالة ترجع زى الاول زى الطبق الصينى كده- ايه رأيك فى التشبيه الجامد ده؟
:)

بص الصورة جامدة!!... ده فن سريالى ده يا حفصوصة؟
هههههه

manal

قصاقيص said...

ياااااااااااااااااااااه
فكرتيني بنفس المقف لما حصل معايا كنت موجوعه اوى وحزينة اوى
ودلوقت لما بفتكر بضحك ضحكة بتبكي قلبي بجد لما بفتكر اني بقيت لوحدي
وياريتنا دلوقت حتي بنتكلم ولو حتي حديث صحفي احنا عملنا بنصيحه حماقي ... " خلص الكلام"0

DantY ElMasrY said...

لما الواحد يفقد حد عزيز على قلبه بسبب أو من غير سبب بيحس أنه ماتت فيه حاجة والحد دا بيسيب فراغوبتبقى موجعة لما الاتنين يتقابلوا بعد كدا زى الأشباح ......

SomeOne said...

برنامج لتنزيل ملفات الفيديو
من موقع
youTube

Shadi's YouTube Video Downloader A-1

Anonymous said...

حفصة في السريع عشان الإمتحانات

كل سنة و إنت طيبة
الموضوع حلو أوي

و الرسمة كمان
:)

ذو النون المصري said...

يا ست حفصه هانم انا عارف ان بيننا عام واحد فقط لكن بعمل واجب و احترام علي فكره انتي نسيتي تزوريني البوست الماضي انتي و زنزانه
انا بالمناسبعملت لينك
لمدونتك عندي خلاص و لسه هضيف الباقي

hosnysoliman said...

الصورة الابداعية اللي فوق دي من خالص موهبة المدونة لله

الحقيقة يا حفصة انا احترت الكلام ده ابداع ولا حقيقة..لكن مش مهم هو واقعا اظهرتيه فى صورة ابداع ..كلام جميل
انا لى راى فى المضوع ده راى..عندما يحدث وحدث معى اكتر من مرة..لا اتركه يمر هكذا..لابد وان ادرس الموضوع مع نفسى اولا وابحث عن الاسباب اذا احسست ان السبب منى ولو لامر بسيط اراجع الامر مع الطرف الاخر..فاذا كان هو السبب الذى افرضته اعتذرت عما كان منى ولومته على المقاطعة دون تنبيهى لذلك..ان لم يكن الامر كذلك والطرف الاخر لم يبدى اسباب مقنعة لهذه المقاطعة طلبت منه ان يسامحنى اذا كان السبب منى وهو يرفض البوح به..واشكره على ماكان بيننا ..وان على عهدى به رغم مقاطعته
حفصا مقصدى من هذا ان ابراء نفسى قبل نفسى وقبل الطرف الاخر..وانا متاكد انه سوف يشعر بقدر خطاؤه..وانه ليس له حجة على
طبعا طولت كالعادة سامحينى واوعى تقاطعينى

zenzana said...

حفصوتشا انتى قلبتي عليه المواجع انت والواد قناوى، انتى بتتكلمي عن فكرة الوداع اللى ناس بتقول عليها النسيان ف زحمة الحياة، انا بقيت ام الخبرة، ف النكد دا بتاع الوداع، مثلا علي مدار سنتين، قابلت اصحاب وبقوا اعز اصحاب، وف يوم وليلة يرجعوا بلدهم، ويتغير الجروب من الاول، اخر ما زهقت قلت والله لاعملها فيكوا وامشي انا!!
ذو النون يا روح قلبي، بلاش تدخل ف تفاصيل السن دى موضة قديمة، لو عاوز تخش دنيا هات من الاخر، وخلي الست الوالد ة تخطبها لك من ابوها الشرعي الحاج جرجس خصوصا ان مفيش جواز من غير ولي، مستعدة اجيب الشيكولاتة على حسابي

انا كنت عندك بس معلقتش
ثم سيادتك بتعلق خمشتاشر مرة؟
سجلها عندك ع الماسنجر احسن
هستنى الاميل بتاعك عشان اسجلك عندى
القاعدة هتعجبك جدا معانا

Yasmine Adel Fouad said...

حفصة
كتبت اسمك فى التاج عندى
ابقى جاوبى على الأسئلة

ذو النون المصري said...

ماشي يا ست راندا هانم
متشكر علي الزياره اللي انتهت من غير تعليق
انا بعلق كتير للتشجيع خصوصا لما بلاقي ان العدد لسه قليل
مش زيكوا مفيش تعليقات و لو حتي للتشجيع؟

Anonymous said...

حفصوصتى النوستى كوانوستى
انتى فين ياماما؟
مختفيه ليه بقالك كام يوم
لعل المانع خير

^ H@fSS@^ said...

انا اسفة يا جماعة واسفه اسف شديد انا لاحظت ان البوست ده قلب المواجع على ناس كتير و انا والله مكنش قصدي و اسفه اني الفترة الفاتت انشغلت جامد جدا وكانت عندي مشاكل في السكن كلام من ده
كل ده مكانش كفاية و فجاتني حالة اكتاءب حادة لاسباب كتيرة و الحمد لله راحت ادعولي بالتوفيق و ادعو على البت الامريكانية اللي معايا عشان هي سبب المشاكل و سبب الاكتاءب
عاااااااا اهئ اهئ اهئ

hurricane_x said...

mmm..
it happens that I meet old school and college buddies, and it's just as if we were strangers...when I'm about to give them a big hug, I find them shaking hands with a cold smile on the face!!
matez3aleesh 3alnas de, 2elly yeza3al sa7ee7 2elsadaka 2elly ra7et,..'3eer keda toz!

Anonymous said...

سلام عليكي يا حفصوتشا ام مصطفيتش
لا تبكي علي شخص مر في حياتك كان له يوما اثر كبير فيها ...فان احسست بالخسارة فلعلها شعرت بها قبلك و لكن ...لعل الخسارة تبقي علي مر الزمن تؤلم و لكنها ستعود علي صورة ذكري ...فلتجعلي تلك الذكري مليئة بلحظاتكم الحلوة حتي لا تجرحك كلما مرت عليكي في الذكري
مها