احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Saturday, January 27, 2007

عالم قطط قطط بس مسخرة

يعني انا احب اكون متامشية مع الموضة بتاعت اي زمن
و لاحظت الفترة الاخيرة ان الكلام كتر عن الحيوانات بداية من كراكيب روبابيكيا انتوك اللي بدى من شهر يجيب في سيرة حيوانات الغابة مرورا بالفارس الاخير و كلامة عن الخيول و الفراخ و انتهاءا بالاميرة اوسا و معلوماتها المستفيضة عن القطط و انواعها و طبعا انا لاني عمري ما باخد اي موضوع جد او مش بحب يعني و لازم اشارك في الموجة لكن اقلبها هزار فجيبتلكوا الكليب ده و يا رب يطلع مسخرة

تحياتشي

7 comments:

Yasmine Adel Fouad said...

بحبك و انتى رايقه
و بحبك وانتى مش رايقه برضه ما تقلقيش

hosnysoliman said...

حفصة منتهى المسخرة..اهه شوية تغيير وتجديد..احسن من السياسة والغم والكلام الجد اللى مش جايب همه ..وكمان النكت البايخة..الله ينور عليكى كتير من المدونات دى
بالمناسبة يا حفصة..انتى كنت اول واحده زرتى المدونة بتعاتى واول واحد عملت دعاية ليه ليه بقى بطلتى..ولا انتى زرتيها وما عجبتكيش..طيب ما انتى لازم تقولى انها مش عجباكى..ولا ظروف ضيلع مدونتك هى السبب ؟مش عارف؟

ذو النون المصري said...

متنهي الطرافه يا حفصوتشا
متبقيش تغيبي كتير علينا
قوليلي بقه؟؟؟؟؟؟؟
اللينك بتاع القطط ده هوه ايه؟
قوليلي اي لينك اجربه عندي وياريت ميكونش حد اللي عاملهولك
علي فكره انا كملت جزء اخر من قائمة المفضلات
المشكله الان هي الصوت و الصوره عاوز نمازج لاي لينك صوره و صوت
انا عرفت مكان وضع اللينكات لكن اللينكات نفسها حاليا هي ال انا عاوزها لاني جربت لينكات من عندي جايز اكون باكتبها غلط فمبتنفعش
و للجميع خالص التحيات

hosnysoliman said...

حفصة العزيزة جدا..ليه احنا بنحب الغم والزعل طويل الامد ده..اقلك حاجة..انا كان عندى كمبيوتر قبل ده كان عليه فيلات عن كل اعمالى لمدة عشرة سنوات..قولى يعنى كده حوالى 250لوحة وكانت من احلى اعمالى ومافيش اى فيل او صور ليها لانى كنت مصورها بكاميرا ديجيتل..المهم الاول كنت حاتجن معقول كده..ولكن بعد يومين الله الله ..فيه حاجه اسمها قدر الله وما شاء فعل..ومؤكد فيها خير ..ايه رايك البلسم ده شفى كل وجع حسيت بيه"قدر الله وما شاء فعل"..المهم انا موجود يبقى لسه فيه ارسم وارسم وارسم..حاجات كتير بتروح منا اهم من البلوجات واللوحات و اى شىء..الايام التى تضيع منا دون ان نستمتع بيها..الايام اللى يتسرب الينا فيها الهم والغم والزعل و نسستسلم ليه ده اهم من اى حاجه.
حفصة اوعى تنسى الحكاية دى اليوم اللى بيعدى عمره ما يرجع..وبالتالى ان لم اسعد بيه واستفيد بيه يبقى ضاع فعلا و انا اللى ضيعته بنفسى..
حفصة عرفتك وان كان من قصيرة صاحبة الروح الجميله المشرقه..
اياكى وان تتسرب منك الايام وانتى مش دريانه

^ H@fSS@^ said...

حرتي العسل
و نعم الصديقة انتي اللي تستحمل صاحبتها في السراء و الضراء
تسلمي لي يا رب

الاستاذ الكبير جدا في المقام حسني سليمان
تشرفني زيارتك و زي ما شرحتلك ايه حكاية عدم تعليقي


ذو النون
بص يا سيدي
انت مدرس و انا مدرسة
و انت طبعا عارف ان اكتر حاجة بتفقع مرارة المدرس مننا هي عدم انتباه الطالب للكلام المراد شرحه
و انا و شهروزة من قبلي شرحنالك ان عشان نشرحلك ازاي تعمل كل الديكورات اللي انت عاوزها لازم تضيفنا على المسنجر بتاعك و تبقى عملية الشرح في بث حي و مباشر

على العموم بالنسبة للقطط او اي كليب من اي موقع تاني لازم تعمل التالي
لو حتروح على يوتيوب لازم يكون ليك مستخدم معاهم لكن لو من ميتاكافيه يبقى مش لازم
لما بقى تروح على يوتيوب و تفتح الكليب نفسه
حتلاقي تحتيه كذا اختيار مثلا انك تبعته لصحابك او تشوفه تاني او او
انت بقى تنقي اختيار انك تنشره على البلوج
الموضوع سهل اوي
لما تبتدي تعمل كده حتلاقي الخطوات جاية لوحدها و بسيطة و هوب اسكالوب حيتنشر عالبلوج لوحده
شفت التكنوعولمة
بالنسبة للكود بتاع الاغاني او الاصوات فلازم اشرحهولك وجه لوجه
ايميلي اهو
dorybettyx@yahoo.com
اللهم بلغت اللهم فاشهد


الاستاذ حسني
نسيت اقلك اني بحب اسمك اوي لانه اسم واحد قريبي و عزيز على قلبي جدا جدا جدا و بس لما اشوف اسمك بفتكره طوالي و ادعيله
انا والله مش مكتئبة بالمعنى لكن مشكلة اني مش عارفة اعلق بسبب مشكلة في اليوزر بتاعي مخلياني مش عارفة اعلق زي الناس والعالم
و انا والله مش مبطلة تدوين بالمعنى لكن اصلي بدور على موقع يكون احسن من بلوجر و زي اللي بيلف على شقة
و كمان بدى الكورس الجديد فمن تدريس للمذاكرة مش ملاحقة والله
و تسلم لي يا رب لاهتمامك كلامك والله شجعني و اترف ان زاح من عليا شوية

tamer afify said...

بقالي كتير مضحكتش بشكل طبيعي كده
تحياتي

الأميره أوسه said...

قطط مسخره صحيح
أنا قطتى بتطلع على رجلى
لحد ماتوصل لكتفى عشان أشيلها
وطول الوقت قاعده جنب الكمبيوتر مستنيانى أفتحه
عشان تتفرج على المؤشر بتاع الماوس
القطط دى عسل زيك كده