احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Tuesday, January 30, 2007

يوم الامتحان يكرم المرء او يهان


اية اللي حيحصل لايميلك لما تموت ؟
مش عارفة و الاكاده اني سالت نفسي السؤال ده كتير لكن متخذتش أي اجراء فعلي لتفاديه، طيب هل مثلا افتح حساب خزنة في بنك و اسيب فيه المعلومات دي و لا ايه يا هل ترى.

اديت الباس وورد لحد قبل كده؟
ااعتشكد ايوه لكن محصلتش حاجة وحشة لانهم كانو اناس بثق فيهم كويس اوي

لو اه كانت طبيعةعلاقتك بيه اية؟
اصديكائي
اسمك؟
حفصة
اسم الدلع المشهور في وسط اصحابك؟
والله اسمي من النوع المش مالوف فلذلك يصعب ايجاد دلع ليه و ان كان صحابي شفقة بحالي بينادوني حفصفص و صفاصيفوا و صفصف و بعض قرايبي بيقولولي دوسي بس مش قصدهم على شئ معين و فيه كمان بيقولولي اسوووس و زمان مدرب الكراتيه قالي حسميكي فيفي فسبتله التمرين و مشيت

عمرك؟
ايه البتاع ده ، مش كفاية فضايح في الفايل ما قلنا حبقى 30 في يوليو الجاي

برجك؟
السرطان و ده برج ناس كتير مهمة جدا لكن منه لله بوش و رامسفيلد و توم كروز جم بوظوا سمعته و جابوها الارض منهم لله بقى اشوف فيهم يوم بس الرسمي الاسد و ده عشان عبال ما بابا سجلني و لان ورقي مش شهادة ميلاد مصرية فاخدنا وقت و بقيت الاسد لكن انا والله السرطان

مجالك او مجال دراستك ؟
المفروض اني مربية فاضلة وعلى العموم انا بدرس انزليجي بجدارة و عربي بجدارتين مع ان العربي مش تخصصي بس بحب اللغة اوي و أي حد يحب دروس عربي او انزليجي او لعب عيال للاتفال نحن على اتم استعداد لتوصيل اهدافكم لرؤوس الاتفال من غير أي ضرب

شخصيتك نوعها اية؟
شخصيتي مفتكسة، مالهاش حل يعني، متناقضة يمكن، معرفش و اوقات بتكون سهلة جدا و اوقات بتكون معقدة جدا و الشاطر اوا لشاطرة اللي يقدر يفهمني

السفر بالنسبة لك؟
طول عمري مسافرة الصراحة زهقت نفسي اقعد كذا سنة من غير ما اسافر شوية

المود بتاعك؟
حضرتك المود بتاعي بيتغير مع تغير ساعات الابراج الصينية فكل شوية تلاقيني في حال لكن ببقى مسيطرة و الحمدلله لاني بشتغل مع نا س مالهاش ذنب في مخي الدزمة

وقت فراغك بتعمل فيه اية؟
الصراحة انا عندي خلط عجيب غريب بين وقت الفراخ و وقت الشغل لان ده هو ده و ديكهون هو الاولاني فتلاقيني بعمل كذا حاجة مع بعض و بستفيد من كل حاجة زي ما بقدر و كله ماشي حلاوة و ظريف عالاخر

الاكلة المفضلة؟
السؤال ده اصعب من أي سؤال كيميا عضوية حليته في حياتي لاني ذويقة و بحب الاكل ددا ددا ددا


الصفات اللي خدتها من ماما؟
قولي ايه اللي مخدتوش من ماما

الصفات اللي خدتها من بابا؟
حب القراية و كثرة الاطلاع و هي اصلا عادة عند ماما برضو لكن اهو عشان الراجل ميصحش يطلع من المولد بلا حمص :)

اكتر 6 حاجات بتكرهها؟
بكره ابص لنفسي في المراية بالليل عشان بخاف اوي
بكره اشوف خيالي بالليل برضو عشان بخاف برضو
بترعب و افقد اعصابي لو شفت برص و بتحصلي عملية انهيار جامدة جدا
بكره انفصام الشخصيات عن واقعها
بكره الادعاء يعني مدعي الثقافة ، الادب، الصحافة و الخ الخ الخ
بكره السبانخ و اللحمة و الضفادع

اكتر 6 حاجات بتحبها؟
البحر
الموسيقى
ضوافري لما احطلها لون مانيكير جديد
عيني لما اكحلها و حتى لما مش بكحلها برضو بحبها
الفضة و الاحجار الكريمة
اتمشى في الخان لغاية ما اتعب او ماما تستدعيني


الشغل بالنسبة لك؟
هم لابد منه و نفسي يبقى عندي مشروعي الخاص و شغلي الخاص مش كسلا (لا الصراحة كسلا)
لكن عندي سياسة معينة و نفسي اطبقها


اية الكومبيوتر والانترنت بالنسبة لك؟
والله لغاية 3 سنين فاتوا كانوا جهاز شيك لابد منه في البيت لوحده في برستيجي لكن بعد ما بقيت متيسة انجليزي بقوا دول اهم عندي من المنهج نفسه لاني اكتشفت بلاوي ممكن اعملها للاتفال من النت و عملت حاجات جبارة حازت على اعجاب الكثيرين لدرجة انهم اتجننواو بعتوني البعثة السودا اللي انا فيها دلوقتي اما حاليا فهو نافذتي على العالم و بالذات عليكوا انتوا

احب امرر العريضة دي لكل من
وينكي
زنزانة
ريكا
شهروزة
وئام
اوسا
كلبوزتي
قصاقيص
نوران
ام العيال
مذكرات امراة مثلية

ومن الرجالة المدونين
فارس قديم
الاستاذ حسني سليمان
ابوريشة
ياسر عوف
ذوالنون
دانتي المصري
مزمز
الحاج جرجس
اعصار
عاشور
الدبور

21 comments:

yasser_auf said...

هاهاها حلوة قوي التعريف بالذات الي انتي عملاة دة
طيب ما احنا عارفين الي انتي كتباة بتعيديهولنا لية

شكلك كدة من البوست الي فات انا ختمتهولك اني لقيت بتاع الحشيش و سائلتك اجيبلك معايا ؟ انتي مرضتيش

عرفت انا بقي دلوقتي مردتيش لية ؟

علشان انتي كمان شكلة لقيتية من قبلي و دمغتي خلاص و بتطلعي الجمجمة السعل دي علينا

عموما انتي عسل و انا عن نفسي بعزك ذي ما انتي كدة ...وان باكيتج ...موش عروسة ابني بقي ... و مين يحامي للعروسة غير حماها ..." اهو يمكن الواحد يعرف يبصبص علي حس ابنة "
المهم يا ست الكل انتي كلك علي بعضك حلو بمميزاتك القليلة و بعيوبك الي اكتر من الهم علي القلب برضة بالنسبة لينا حلو
يعني موش حنقدر نرميك علي باب ملجاء و لا علي باب جامع عندك 30 سنة يعني حتعرفي ترجعلنا تاني

بصي هي شلة هباب و كلهم مع ان محدش فيهم شبة التاني الا اني معرفش لية بحس انهم بيكملوا بعض يعني لو اتلموا في قاعدة ...او قهوة ... او حتي جهنم .. اخرتها بلوة بلوة يا بوليس يا اداب يا امن عام معرفش هي كدة

تحياتي

ذو النون المصري said...

شكرا يا حفصه علي التاج ده تاني تاج يوصلني حتي الان الاول كان من مبرمج حر لكن انا حتي الان فشلت في الاجابه عن سؤاله الوحيد انا بعد الاجابه عنه هابعتلك التاج ده اشوف هتعرفي تحليه وللا هتحتاري كما احترت
لكي تحياتي

الدبور said...

اشمعني انا محدش عبرني ولو بنص تاج
يابختك يا حفصه
لو جالك تاج مش تنسي العبد لله افتكريه بحته من التاج

بجد كتاباتك رائعه جدا
و الاجابه علي التاج فيها صراحه انا بحييكي عليها

تحياتي
الدبور

www.dabbor.blogspot.com

ام العيال said...

ماشي
و انا الي قلت لتا ضهر فلسطيني اتسند عليه تقومي تنسيني
:(
طيب انا مخاصماكي
هاتي صباعك كده
ايه ده
صباع كفته؟؟؟
همممممممممممممم

Anonymous said...

حفصوتشي
ازيك يا جميلة
بقى انت عايزاني اسيب المعركة اللي عندي و اجاوب على استفتاء جماهيري عميق بالشكل دهون
حلوة دهون دي

طيب يا ستي من عنيا بس اديني يومين كده في الويك اند

قبلاتشي

zenzana said...

حفصوتشتي، الف سلامة اولا، اتجننت لما سمعت صوتك، افتكاساتك حلوة بشكل، زى ما كون اكلت حتة شيكولاتة بالفلفل الاحمر،(اختراع اجنبي بما ان الناس بتقول عليا عندي عقدة خواجة)مش مهم.

حفصوتشتي يوم عن يوم بنشوقيني اني اقابلك، ف النهاية انا محبطة جدددددداا
كفاية كدة اروح انزل البوست الجديد(اذا كان ليا نفس)
بقولك و لا بلاش هنا ع الماسنجر بقي

zenzana said...

ايه يا سي ياسر، قصدك مين؟ احنا؟
اللي مذكورين ف الليستة؟
طب دا انت اللى شكلك اداب وامن عام، وكمان لا مؤاخذة اخوان
سيب دينا تاكل عيش ، مش كفاية انك برجوازية كمان طلعت يميني متطرف، وشكلك كدة وريث المرشد العام للاخوان، وبتدخل مدوناتنا متخفي، ومخبي دقنك البلاستك.
يا متشدد عاوز تبصبص لحفصة بس؟ طب وباقي مزز ما بعد الحداثة؟ نصيبهن فين؟
صحيح مالكش امان

Anonymous said...

أنا كتبت تعليقين قبل كده بس شحيبر مش عايز يطلعهم ده خنقني
بجد تعليقاتك جميلة و مفتكسة
صورتك شكلها يدي على حفصفص أو صفصف آو ممكن حفصفوص أو صفصوف
و بعدين إيه موضوع تخافي من خيالك ده لازم تبقي ددع
:D
بس بجد إجاباتك زي العسل

hosnysoliman said...

حفصة كده برده..ماشى
اجمل حاجة فى التاج كانت الحاجات اللى انتى بتكرهيها..وعلى فكرة الموضوع اللى انتى طلبته عن عملت له مسوده اظن انها جميله ..بس والواد ابنى واخد الكميرا الديجتل بتاعتى لانى ما عنديش اسكنر..واول ما يجبها حابعت ليكى الفكرة

albida said...

ايه ده؟!.. أنتى كمان اتدبستى فى التاج يا حفصوصتشى؟
هههههههه
يالا! كلنا لها

كنت هأموت من الضحك وأنا بقرأ الحاجات اللى انتى بتحبيها والحاجات اللى بتكرهيها... منك لله كنت هأموت
هههههههههه
وايه حكاية باباكى اللى انتى مش عايزة تطلعيه من المولد بلا حمص؟.. هو احنا فى فرح وأنتى بتنقطى الرقاصة
هههههههههه

كويس الواحد ضحكلوه ضحكتين فى العضل كده قبل ما ينام
:) :)

manal

abourrisha said...

بجد أنا زعلان منك يا حفصة
مش قلتلك تبقي تهدي شوية متطلعيش صاروخ كده
لا هديتي ولا عديتي

بعدين لو شرفتينا أنا هديلك هدية تاج ريش ملون صناعة إفريقي أصلي

وبعدين إيه الفراخ إللي إنتي بتربيها دي في وقت الفراغ هو أنتي عندك عشة فراخ في البلكونة في أمريكا

أنصحك تخلصي منهم أحسن أنفلونزا الطيور توصل لكم

عموما بوست جميل وفي انتظار المزيد

وفي انتظار تعليقك على آخر بوست لي الأشتباك الأول

مع التحية

^ H@fSS@^ said...

ياسر باشا و الرئيس القادم للدولة المحلوم بها لاحقاق الحق
بقى انا برضو مليانة عيوب و حتقبلني على منظري عروسة لابنك
طيب انا حقول لنيمو و ام نيمو

ذوالنون مستنياك يا بني بس انت جاوب

اهلاو سهلا بالدبور
التاج و صاحبة التاج تحت امرك و اسمك حينضاف دلوقتي ولا يهمك
بس بلاش تلسعني و حياتك


شهروزتي
ايوة طبعا تبعبعي و ايديكي فوق راسك

ام العيال يا حبيبة
تنقطع ايد فتح و حماس ولانيش انساكي وزي ما وضحتلك انه بلغني انه وصلك لكن الظاهر كانت اخبار غلط او انا مهيسة كعادتي
خلاص انتي دلوقتي مطالبة بالرد حالا بالا

سمباتيك السكرة
معلش كان الله في العون بس انتي اصلك فتحتي موضوع شائك و منيل و انتي الريسة يا فندم فاستحملي بقى لغاية ما تخلصي منه
كلنا وراك يا ريس
و يا ستي حليه براحتك ولا يهمك


زنزانتي يا زنزانتي
اتوقع ان البوست الجاي يكون ردك عليا
ماشي؟ و تسلميلي يا رب انا فعلا كنت عيانة اوي و لازلت الصراحة
ادعيلي البرد بقى يروح


مصري حبيبي
شحيبر مين
اشتاتا اشتوت يا خويا
لعلمك انا كنت حطاك انتو صفصف مان ابني لكن لقيته بيقلي انكوا وصلكوا التاج خلاص فشيلتكوا لحسن توعل ولا حاجة حاكم ميهونش عليا زعلك


استاذنا حسني
ارجة انك تكون سامحتني
و مستنية منك الرد
و تسلم ايدك على اللي وريتهولي


منولة العسل
عجبتك اوي يا ختي اجاباتي؟؟
طيب ماشي مقبولة منك
و كويس انك ضحكتي قبل النوم


العزيز ابا ريشة
حلوة ابا دي
عشان النحو والتصريف واللذي منه
هههههههههههههههه
معرفش الظاهر حضرتك اللي مصر تطنشني
انا بقالي من يومين معلقة عندك على موضوع مدونين حارتنا و حضرتك اللي مش معبرني
و مش مخصماك والله بس لو تقلي انت بتقف فين اصلي بلبس نضارة و نظري على قدي
معلش ساعج تفلة صغيرة مش باينة من الارض


تحياتي للجميع

سلام

Rikka said...

صباح الخير يا حفصة يا جميلة يا بتاعت الأومليت ... ميرسي يا بنوتة على التاج اللي مش عارفة ايه لازمة الفضايح بس .. بس ما علينا احنا قدها و قدود .. و على فكرة انا بخاف من البورص برده بس انا مسمياه تمساح أبيض و ممكن لو شفته في مكان ما احاولش اعمل ليه اي حاجة غير اني اسيبله المكان و أنزل ان شاء الله حتى أبات برده بس المهم هو يفضل مرتاح

هجاوب عليه ان شاء الله في البوست الجاي و يالله بقى ما هي خربانة خربانة و فضايح بفضايح حدش واخد منها حاجة يا أختشي .. سلام يا بنوتة و الف سلامة عليكي يا قمر ان شاء الله الناس اللي مش نضيفة اللي مطلعة عينك :):):)

Anonymous said...

عااااااااااااااااا
يالهوتى بالى
يافضيحتك يا وينكى يا بنت ام وينكى
متشكرين يا حفصوتشا هانم
هو لازم يعنى؟
طيب
امرنا لله
بس عندى سؤال
يعنى ايه انتى مش بتحبى الضفادع؟
هو فيه احلى من الضفادع ولا اجمل منها؟
انتى مش بتحبى تلعبى معاهم؟
مجرد سؤال
ههههههههههه

hurricane_x said...

hehe..
I like ur answers,.. :)
of course I can't ignore ur tag, bas 2esta7mely ba2ah :D

Anonymous said...
This comment has been removed by the author.
Anonymous said...

عزيزتي حفصة
شكرا كثيرا على دعوتك اللطيفة
طقيت ضحك لما قريت البوست بتاعك و خصوصا أكثر 6 أشياء بتكرهيها
أحببت شخصيتك و كونك مدرست انجليزي لأنني أحب هذه اللغة و حلمي الذي سيتحقق ان شاء الله هو كتابة كتب باللغتين النجليزية و الفرنسية
تحياتي الخالصة

frozen love said...

ana lesa 3mlo at my blog....eltag da 7lw awy we entshr awy..nice answers 3la fkra

Anonymous said...

لعلنى استجدى لوحة مفاتيحى ان تكتب كى تنقل جزءا من احساسى النابض كى تعلم حفصه ومن بامريكا ومن بالغرب انه لا يزال هنالك رجال فى الشرق يحبون الشعر العربى ومقطوعات القصص القصيره.ان صوتك العربى الذى يرن فى بلادنا باللغة الانجليزيه هو نفسه الذى يصدح فى بلاد الانجليز بلغتنا العربيه فياله من لسان ان يكن مع العرب فهو فى ثقافة العجم وان يكن مع العجم فهو اصيل اصالة امرؤ القيس والمتنبى.اننى احيى فيك تلك الا صاله وارجوا ان يكون لثقافتك العربيه نصيب من التجديد الحقيقى الذى يحمل نبضات العرب مع الاستفاده الحقيقيه من حضارتهم . امل ان تواصلى ذلك المزيج الرائع بين تراثنا وتقدمهم بين ماضينا وحاضرهم . امل ان تكونى نبض ثقافه عربية اصيله .ابن الازهر
.

Anonymous said...

السيده حفصه
رغم انكي تعاملتي منذ البدايه بلهجة تحمل من خفة الظل و رقة الاداء ما يجعلني اشعر انني امام شخصيه هي بالفعل رقيقه الا انني كنت اتوقع ان الذي يملك ان ينقد بخفه ورقه يملك ايضا ان يوجه من طرف خفي لكنك يا سيدتي اخترتي دور الناقد الامين و لم ترتضي دور المعلم الناصح ارجو ان تكتبي لي كيف يمكن ان اعدل مدونتي بحيث تسمح لي ان اري مثل تلك الاقلام الجميله تخط علي صفحات مدونتي المتواضعه
و اريدك ان تعلمي ان ا سم مدونتي هو بالعربي و ليس بالعنجليزي و انني لافخر ان تكون مدونتي معلنة عن هويتي ان مدونتي يا سيدتي هي باسم ابن الازهر
و ارجو ان يكون للازهر نصيب من رقة حبر قلمك
و السلام

^ H@fSS@^ said...

السيد ابن الازهر
والله ما فاهمة دور ايه اللي انا قررت العبه
بس حسبت ما فهمت من كلامك انك بتتكلم عن مشكلة انك معندكش مكان للتعليقات نفسها
للاسف انا نفسي معرفش احل المشكلة دي ازاي لكن اوعدك اني حسال صديق و استعين بالجمهور و ابقى ارد لك خبر و ممكن حضرتك تروح عند الاخت شهروزة هي خير مين يعين و يعرف لانها قبلي في الكار
حضرتك حتلاقي اسمها موجود عندي في اي تعليق روح عندها و هي ان شاء الله تساعدك لو تعرف و بلاش و النبي اللغة الفوق رصينة و تحت كلاسيكية دي و بلاش حكاية الناقد الامين و المربي الصالح
متاخدش الكلام على قلبك جامد اوي كده يعني
اوك
سلام