احكم الحكم

إن التطرف هو أن تختار مسكنا فكريا و عقائديا لتقيم فيه راضياً عن نفسك و لكنك لا تريد لغيرك أن يختار لنفسه ما يطيب له من فكر و عقيدة بل تلزمه إلزاما بالحديد أحيانا أن ينخرط معك تحت سقف فكري واحد
زكي نجيب محمود

حكمة جديدة
ميموتش حق وراه مطالب

انا افكر اذن انا حاموووووت
حفصة

عتبات البهجة

"الوقوف على عتبات البهجة دائما أفضل من البهجة نفسها... اجل، البهجة أمر سهل، لكن إذا طمعت فيها قتلتك و أهلكتك."
ابراهيم عبدالمجيد-عتبات البهجة

Sunday, July 27, 2008

لم يعد بالامكان اعهر مما كان

والله يومي كان كويس و ماشي فل الفل
صحيح اخره زعلت لما عرفت بوفاة جو شاهين
بس
كله كوم و
لما رجعت البيت و فتحت الجزيرة للاسف الشديد و يا رتني ما فتحت
فوجئت و فوجعت بالخبر بتاع براءه ممدوح اسماعيل
يعني بجد
بجد شئ مقزز و مقرف
المدعي العامم و لا ابصر مش عارفة مين الراجل للي كان بينطق بالحكم عاوزة اسئله سؤال
هو انت مكنتش مكسوف من نفسك و انت بتنطق بالحكم؟؟
مكنتش طيب خايف على روحك لحسن الناس تهجم عليك و تموتك بالقباقيب؟
طيب سيبك من ده كله
مش خايف من ربنا؟
مش عامل يوم حسابه؟
مش خايف لتتشوي بنار جهنم انت و اللي اصدروا الحكم ده معاك وكل من شارك في عملية القتل دي؟
انا مش فاهمة
بجد مش مستوعبة
يعني ايه اللي بيحصل ده
كفاية صويت الناس و قهرة الرجالة
الراجل اللي الجزيرة جايباه
خلاص انا نفسي حسيت قلبه حيقف
من كتر ما هو مخنوق
مش عارف ينطق
حد شاف ظلم اكتر من كده
انا مش عارفة اتلم على نفسي بجد
حاسة فيه نار بتقيد قدامي
حرام كفاية
حرام
كفاية
الناس خلاص
مبقاش فيها
ارحموهم شوية
عيب
اقله اصرفوا التعويضات
اقله
ريحوهم في عيشتهم التانية
لكن ان كله كده يكون متلخبط على بعضه و مش طايلين و لا حاجة
ايه ده
بجد ايه ده؟
امتى الخلاص يا ربنا؟

20 comments:

رئيس جمهوريه نفسى said...

علشان كانت تكمل فرستك وحرقتك بجد كنتى سمعتى العاشره مساء وشوفتى محامى ممدوح اسماعيل بيتكلم ازاى كانه تعب فى المرافعه مش حكم جاى من فوق ولا اشترو ذمة القاضى الى حكم

^ H@fSS@^ said...

والله يا جمهورية كويس اوي ان القناة مش موجودة عندي و الا كان فعلا طق لي عرق
انا وقت الخبراول مرة فعلا حسيت في عنيا بضغط و الدنيا غبشت و دمي فار
فكويس اني مشفتهوش
فعلا عهر و باوقح صوره
اقسم بالله مشفتش قبل كده و لا حنشوف
خلاص

Aardvark EF-111B said...

هاتولي عقل غير عقلي افكر بيه

هو الاهمال الشنيع ده مش قتل عمد؟؟؟

هو لما اركب 2000 بني ادم في مركب ماتشيلش 1000 و بدون اي اجراءات امان و معرفش اتعامل مع اي طاريئ و اتسبب في خلق ظروف الكارثة يبقى مش قتل عمد؟؟؟

طب هو القتل العمد بس اني اضرب واحد بسلاح؟؟؟

و الخيبة القوية للانقاذ؟؟ لما تبقى البحرية البريطانية اول من يستقبل الاستغاثة و اول من يتدخل و مراكب شحن هندي تنتشل معظم الناجين و بحريتنا الفشيخة و فراخ الجو العيانة بتاعتنا ماتتدخلش الا بعد 18 ساعة؟؟؟

دول مابيتحاسبوش ليه؟؟؟

و لمصلحة مين التغطية على كل دول؟؟ يطلعوا مين دول؟؟؟ و للا الحكومة مابينضربلهاش عيل ابدا؟؟؟

طبيبك الخاص said...

فعلا انا كان هاين عليا اقوم امسك فى رقبه محامى ممدوح اسماعيل ده ....حسبى الله ونعم الوكيل

Unknown said...

اقولك الخبر التالت

الاهلى كسب الزمالك

واية الجديد

لما هو مفيش جديد

كنا مستنين اية جديد فى القضية

الواحد كل مدى بيحس تفكيرة بيتشل

كل شوية جزء يضرب مالصدمة

لحد ما راح كلى

ربنا يصبرنى ويصبرك ويصبرك كل واحد

لسة مستنى جديد

Empress appy said...

اه يا حفصه مشوفتش ابو شعر مسبسب اللى الستات ارجل منه المحامى على العاشرة مش عارفه اقولك انا منه لله منمتش من حرقه دمى منه

The Alien said...

ولو كانوا أخدوا حكم؟
ممدوح وابنه برا مصر .. يعني كله محصل بعضه
حلم إن القضاء هو اﻷمل اﻷخير دا وهم
القضاء زيه زي غيره

تحياتي

Anonymous said...

hafssa الغالية

يقول سبحانه وتعالى

ام حسبتم ان تدخلوا الجنة ولما ياتكم "
مثل الذين خلوا من قبلكم مستهم الباساء والضراء وزلزلوا حتى يقول الرسول والذين امنوا معه متى نصر الله
"الا ان نصر الله قريب

فرجه قريب ان شاءالله

lastknight said...

لا تسبى العهر سيدتى .. فالعهر و الله أشرف و أطهر مما يحدث الآن

Samir Saad said...

مطلوب نعيش مواطنين معندهاش دم يا حفصة

ذو النون المصري said...

و الله يا حفصه انا بعد ما سمعت الحكم و شفت المنظر عملت زيك بالظبط
كتبت في الموضوع و عبرت عن حرقتي بسبب الحكم الصادر بحق الكلب ابن الكلب ممدوح الله يلعنه و ابنه في ساعه واحده
تعبت نفسيتي جدا بعد ما سمعت بالخبر لاني لم اتوقعه اطلاقا

Alexandrian far away said...

حضرتك كنتي متوقعه ايه مثلا؟
حكم عادل؟
لامؤاخذه ايه حسن النيه ده؟

hartaka said...

انا نفسى اعرف يا حفصة مستغربة لية
واحد من اشهر تجار السلاح
ولية اسهم فى المصرى اليوم
مهو لازم يطلع براءة
:)

مُزمُز said...

صباح الخير
انا عرفت الحكم من الناس اللي قابلتها نفس اليوم
مشفتش نشرات ولا اخبار بسبب زنقة المذاكرة والامتحانات

يدوبك فضيت نفسي عشان اشوف ماتش الاهلي والزمالك والزمالك خسر للاسف
فقمت اكمل مذاكرة

محدش واخد منها حاجة

وعامة انا متصدمتش
ولا اي ذرة صدمة بجد
مش منظرة يعني
اصلا متوقعتش اي حكم ضده
ولا كان هيفرق انه يتحكم ضده
الراجل مكانش هيتعاقب برضه

وزي ما قال بيشوي
القضاء لا امل ولا اخير ولا اي هطل من التخاريف الرومنسية دي

القضاء المصري زبالة
زبالة
زبالة

اشمعنى هو اللي هيبقى نضيف؟

على باب الله said...

هو علي العموم ممدوح عباس هربان بره مصر .. فالحكم كان ها يبقي حبر علي ورق .. أو حتي أقل في القيمة

ده غير أن لي خبرة شخصية بنظام القضاء المصري ( النزيه جداً ) و متوقع منه كل خير

Unknown said...
This comment has been removed by a blog administrator.
Unknown said...
This comment has been removed by a blog administrator.
david santos said...

Hello, HafSSa.
I loved this post!!!
Have a nice day.

Migo Mishmish said...

بصي يا اخت حفصه
مفيش اي حاجة ممكن تتقال. سيبك بقه من حورات القضاء المصري والقضية كانت متظبطة والحورات ديه
انا اللي قارفني حاجة تانيه. عبارة شراينها هي واربعه اخواتها على انها خردة غير صالحه للملاحه ومفيش وسائل امان ولا استعدادت طوارئ وممدوح اسماعيل اللي ما يطبقش عليه قانون ولا يحزنون يخرج من البلد وغرق وموت اكتر من 1000 بني ادم واللي ما متش على طول كله السمك وهو حي والمحكمه تحتاج سنتين يعني 365 * 2 يعني 730 يوم علشان يحكموا في قضيه مش بس راي عام ده راي عالمي
ليه قضيه تاخد سنتين علشان يحكموا فيها واي عيل صغير ساكن ناحيه المحكمة يقدر يقولك الحكم يكون ايه
القضيه ضاعت من زمان لما اعتمدوا يطولوا الوقت ويمشوا ورا خيوط هابلهههههههههههههههه وادله اعبط لا تدل على اي حاجة
لما عرفت الحكم دخلت من ذهولي قولت لمديري عليه. قالي امال مين اللي غلطان قولته هما لسه ما قولش بس يتهيألي السمك او البحر لسه التحقيقات ماخلصتش
love,
MishMish

الشريف / جمال طة said...
This comment has been removed by a blog administrator.